-
فك حظر سياره المعاقين
السلام عليكم و رحمه الله و بركاته
الحقيقه انا قدامى عربيه معاقين جامده جدا و سعرها كويس يعنى لا رخيص ولا غالى بس الحاله ملهاش حل
العربيه دى جايه باسم معوق و المعوق ده رخص العربيه فى المرور و ركبلها نمر قبل موضوع الرخصه الخاصه للمعوق
هوا مش عارف ياخد رخصه عشان كده بيبيع العربيه
انا بفكر اشتريها و ادفع 9600 بتوع فك الحظر بس سمعت ان المعاق لازم يكون معاه رخصه عشان يقدر يفك الحظر و سمعت برضه ان فى غرامه لو المعاق عايز يفك الحظر و يبيع العربيه
ياريت يجماعه المساعده فى الطلب ده لانى مش فاهم و سمعت كلام كتير جدا بس الى مشجعنى حاله العربيه
و الف شكرا ليكوا كلكوا
-
مش هتتباع الا بعد رخصه القياده
وهتدفع 9600 فقط +مصاريف نقل الملكيه
لو هو كان عاوز يبيعها كان دفعهم الاول وقدم طلب او بيرفع قضيه
علشان يسترد جزء من المبلغ ده
-
الف شكر يابشا بس استفسار كان فى احد الاخوه فى المنتدى قال ان فى غرامه بتندفع والا بالمعنى ده الى جاب عربيه معاقين وممعهوش رخصه يبقى لبس العربيه
-
معرفش والله موضوع الغرامه
بس انا ليا واحد صاحبى
كان جايب عربيه بأسم اخوه المعاق
وقعدت العربيه من غير لوحات فتره طويله
وكنا بنستعملها بلوحات تجاريه
لحد ما طلع الرخصه لاخوه
ودلوقتى دفع فلوس فك الحظر
ورافع قضيه بيقولى المحكمه غالبا بتحكم برد جزء من المبلغ
بس هحاول اسأل لك عليه
او انت ممكن تروح المرور وتسأل على الموضوع ده
او ممكن تنتظر رد باقى الاعضاء
اكيد هيفيدوك ان شاء الله
-
الف شكر يباشا بس انا وضحت ان العربيه معلقه نمر و مترخصه فى المرور المشكله ان المعاق مش معاه رخصه يعنى لما احاول فك حظر السياره اكيد هيطلبوا رخصه المعاق فى الحاله دى سمعت انه ممكن يدفع غرامه و يرفع الحظر حوالى 3 او 2 الف جنيه بس برضه كله كلام يعنى مفيش حد اكدلى المعلومه دى
-
اه المشكله المعاق دفع 500 جنه ويطلع رخصه ومشى الحال مفيش احلى من الكوسه
بس العربيه نوعها ايييييييييييييييه ؟
وسعرها كااااااااااااام ؟
-
طب يا جماعة هى النمر التجارية دى بتتجاب منين وبيدفع عليها فلوس اد اية فالشهر ممكن حد يفيدنى
-
يباشا النمر مش تجاريه دى نمر ملاكى عادى و بعدين النظام القديم كان المعوق بيرخص العربيه بتاعته من غير ميكون هوا معاه رخصه قياده خاصه
الاستفسار برضه لما يجى يفك الحظر لازم يكون معاه رخصه ولا مش لازم
-
اة حضرتك وضحت انها ملاكى انا كان سؤالى على النمر التجارية لو حبيت اجيبها واركبها بتتجاب منين وسعرها اية لان انا عندى سيارة بتاعة واحد قريبى معاقين بردو ولسة معلقتش نمر لانة لسة بيعمل الرخصة لان انا سمعت انها بتتاجر باليوم او بالشهر مش عارف ..العربية اللى حضرتك عاوز تجيبها نوعها اية وسعرها كام ؟
-
اوبل 99 كامله اوتوماتك فتحه سقف 1600 سىسى ايرباج جنوط ماتور ايكوتك عفشه ممتازه السعر حوالى 50 من غير رفع الحظر
Content Relevant URLs by
vBSEO 3.6.0 PL2