-
وزة وأنا
السلام عليكم ورحمة الله
اولا:- احب اعرفكم بنفسي ايهاب ...29 سنة مهندس ميكانيكا أسكندراني جدااااااااااا على وش جواز " خاطب يعني "
وزة بقى دي حكاية.............
هي فيات 128 موديل 1974
اللون : اصفر " لون برطمان المسطردة "
الكماليات : الأنوار و عدد 2 مساحة للزجاج المامي و كاسيت " في الغالب مش شغال"
بداية التعارف : تقريبا قبل ماأتولد " هي أللي زفت الحاج والحاجة يوم الفرح " وبعدين الحاج اشتراها سنة 1982 ب2400 جنية وكان عندى حوالي 3سنين ومن يومها وبقت حتة مني بجد مش هزار اتعلمت عليهاالسواقة وانا 13سنه وبعدين رحت طلعت بيها الرخصة ومن ساعتها تقريبا لفيت بيها محيط الكرة الأرضية تلات اربع مرات
يارب ماكونش طولت عليكم ,,,,,
لو عجبكم الموضوع وممكن أكمل قولواا,,,,,,,,,,
وشكراا سلام .
-
الموضوع جميل ولو احتجت حاجة استعمال خارج فى الاسكندرية انا عندى قطع غياره الاصلية باسعار ممتازة جدا رقمى0120564842
-
-
شكرا على الردود
نكمل بقى ..... من يوم الرخصة ووزة بقت عهدتي كل حاجة فيها بعملها بنفسي - من باب الهواية - ولو دخلت عمرة مثلا بيقى البيات عند الصنيعية .
نتكلم عن الصيانة : انا مهندس ميكانيكا وفاهم كويس يعني اية صيانة وقائية ومع ذلك لا يوجد هذا البند مع وزة " كل حاجة تتغير بعد عمرها الافتراضي بحوالي سنة " وهي - الشهادة لله - خير مثال للأصالة وعمرها ماقلت بأصلها ابدااااااا فاكر مرة كنت في العجمي ومكانش معايا أنوار خاااالص وفبل مأدخل في شارع ضلمة قولتلها ( وزة انا محتاج نور ) والله العظيم اول الشارع النور رجع وبعد الشارع ماخلص النور راح - بجد حصلت مش هزار .
من حوالي 3سنين ربنا كرم وجبنا ليها أخت "لانوس " علشان وزة كانت تعبت أوي وبجد فكرت -مجرد تفكير-أني ابيع وزة بس ماقدرتش رحت شدتها " سمكرة ودوكو "وشوية شغل كدة بقت تمام ومطلع عينها شغل فى اليوم مش ااقل من 30كيلو ولاعمرها قالت لا
وطول 27 سنة معانا ليها مواقف كتير جدا مش كلها حلوة طبعا بس بجد " بمووووت في حاجة اسمها وزة "
أدعولي ربنا يباركلي فيها
-
ربنا يباركلك فيها ويكفيك شرها
-
ربنا يديم المعروف ويبارك لك فيها
Content Relevant URLs by
vBSEO 3.6.0 PL2