what do you like mitsubiche shark or mazda 3.

انا عملت الموضوع دة علشان فى ناس كتير بتتحير بين الاتنين
لان العربيتين احلى من بعض فانتو بتفضلو اية فى الاتنين
ولية طبعا دى ولا دى
المتسوبيشى
http://www.imgall.org/images/363_image004.jpg
الماذدا
http://www.imgall.org/images/534_568145807.jpg

ومستنى ردودكم واختيارتكم

العربيتين دول بجد حكاية سواء ( اللانسر أو المازدا 3 )

أنا من وجهة نظري العربيتين دول متقاربين قوي وأحد أضلاع المثلث الياباني الهجومي ( سيفيك & لانسر & مازدا 3 )

لماذا مازدا 3 ؟؟؟؟؟
1 - الجدوى الاقتصادية ( بمعنى أنها تعطيني أشياء ومميزات كثيرة جدا وكماليات عديدة في مقابل سعر مقبول نسبيا ) .
2 - تصميم خارجي رياضي بتصميم هادئ ( معادلة صعبة للغاية ) .
3 - التصميم الداخلي للمقصورة ولا أروع وخامات معقولة .
4 - ملائمة لطبيعة الطرق المصرية ( ارتفاع مناسب عن سطح الأرض يبلغ 14.5 سم ) .
5 - قابليتها للتعديل الرياضي الخارجي .
6 - ثبات هائل على الطريق .
7 - تسارع السيارة أكثر من ممتاز ( 12.1 ثانية من 0 : 100 ) .
8 - مساحة السيارة من الداخل مناسبة .
9 - وسائل أمان وسلامة قياسية .
10 - سعة صندوق الأمتعة معقولة ( 346 لتر ) .

لماذا لانسر ؟؟؟؟؟
1 - أسعار الصيانة وقطع الغيار معقولة .
2 - سعر إعادة البيع ممتاز .
3 - تصميم خارجي هجومي حاد .
4 - تجهيزات داخلية غنية .
5 - ملائمة لطبيعة الطرق المصرية ( ارتفاع عن الأرض يبلغ 14.7 ) .
6 - استهلاك بنزين ممتاز .
7 - انتشار واسع .
8 - توكيل قوي .
9 - اتساع السيارة من الداخل .
10 - توافر وسائل الأمان والسلامة .

من وجهة نظري :
اللانسر & المازدا 3 متقاربتين بشدة ...........

أنا هختار المازدا 3 ........
ونتيجة الاستفتاء ............اكتسااااااااااااااا ااااااح

فعلا محدش اختار المتسوبيشى خالص

المازدا 3 دى تحفة فنية ماستربيس عربية بحب امشى وراها اتفرج عليها لما بشوفها على الطريق من العربيات اللى مش حتتكرر .

انا عن نفسى افضل الانسر لهذه الاسباب :-

1- سعر إعادة البيع ممتاز
2- أسعار الصيانة وقطع الغيار معقولة .
3 - تصميم خارجي رائع .
4 - صالون شيك جدا .
5 - ملائمة لطبيعة الطرق المصرية .
6- توكيل ممتاز .

انا افضل الماذالانها عربية مش شعبية واول اما تشوفها على الطريق تحس انها عربية جامدة اوى اوى وهى فعلا
جامدة لكن المتسوبيشى على طول تلاقيها وتلاقيك اساسا زهقت منها

لو على الإمكانيات مفيش مجال للمقارنة ... المازدا 3 طبعا ً

لو على السوق يبقى للأسف الشارك

مااااااااازدااااااااااااا اااااااااااااااااا للابد

يا جدعااان الماااازدا دي افضل عربيه ياباني فعلااا والسبب

انها شاسيه وعفشه فووورد فووووكس

والفووورد هي من افضل الماركات في الراحه اولا والثبات ثانيا

اتفرجوا كده ارجوكم على عفشه المازدا 3 الخلفيه وهي ماشيه هتلاقي الاستابيليتي بار بايين وشكله الخرافي بالاضافه الى حجمه الي بايين انه تقييل جداااا ومتطور جدااا جدااا

انا فعلا اكتر عربيه بحبها هي دي في الفئه دي

عيبها الوحييد في ال 1.6 لا يقارن بالسيفيك والكورولا الجداد ولا الالنترا بس طبعا افضل في الجري من جيتا اوكتافيا لانسر

وعن تجربه فعلا زميل وصديق ليا في الجامعه يمتلك السيارتين والانسر شارك بتاعته كانت في التوكيل وروحنا نجيبها بالمازدا وواحنا راجعين انا سوقت دي شويه ودي شويه

المازدا تحفه فعلابسم الله ما شاء الله ثبات كانه الماني على الطريق بتاخد غرز بالعرض بالمستريح فعلا فرامل رااائعه رغم انها امامي ديسكات خلفي طبلات و abs امامي فقط عفشه تقدر تقول عليها ناعمه وحتى مع وجود سنه نشوفيه لكن مش بتتزايد وبتستحمل حتى مع التتقيل عليها في المطبات والنقر الكبيره تعرفك انها عربيه محترمه
العربيه مثلا لو لو ضغطت عليها في ملف اقصى من قدرتها بتعوم تعويمه بسيطه جدا تقدر تلمها ببساطه من الدركسيون

نيجي بقى للانسر التحكم فيها صعب جدا وانا قاعد جوا العربيه مش شايف اي حاجه من اي جنب فعلا ولا شايف كبوت ولا رفارف ولا اي حاجه منكرش طبعا ان العربيه شيك وواسعه وامكانيات برضو بس خامات اقل من مازدا مع انها برضو خامات كويسه ممكن نقول افضل من النترا بسنه بسيطه في الخامات او متساويين
ثبات على الطريق المستقيم زي الفل انما غرز شنطه العربيه عاليه بتخيها تعووم خصوصا لما بتلم العربيه بعد الغرزه وعفشه ناعمه برضو بس مش احسن من المازدا
لانسر لا تتفوق على المازدا في شيء الا الوسع داخلي
وال interior ده ازواق انا شايف ان الاتنين جامديين مع وجود فرق خامات بس الاتنين تقفيل محترم

قطع الغيار بقى والكلام ده طبعا تفوق ل لانسر بس انا لو هشتري هيهمني العربيه الافضل وهتبقى مازدا وهتبقى مبسوط وانت بتدفع فيها عشان انت عارف انها زي ما بتغرم فيها بتلاقي منها