و هو موديل 2002 شكله مختلف عن الموديل 2005 او2007
و ايه اخباره مع تشغيل التكييف هل السحب بيقل
و ايه الملاحضات اللى الواحدلازم ياخد باله منها لما ييجى يشتري
معلش اصل امامى واحده2002 وعايز اعرف عنها اكتر
عرض للطباعة
و هو موديل 2002 شكله مختلف عن الموديل 2005 او2007
و ايه اخباره مع تشغيل التكييف هل السحب بيقل
و ايه الملاحضات اللى الواحدلازم ياخد باله منها لما ييجى يشتري
معلش اصل امامى واحده2002 وعايز اعرف عنها اكتر
معروضة عليك بكام و كمالياتها اية عشان العربية دى لعبة فى دماغى جامد :lol:
- الكليو او مانزلت كان سنه 2001 والموديل ده كان 1400 سى سى فى منه جميع الكمليات وفى منه نص كمليات وتقدر تميزه بالفوانيس الاماميه هتلاقى الفوانيس واخده شكل بيضاوى وعاديه مش كرستاله ووكانت كمالياته زجاج كهرباء امامى وسنتر وريموت من غير انذار ايرباج مريات عاديه ساعه وسطى بالتابلوه كاسيت تكيف وباور فوانيس شبوره مساند راس خلفيه, ظل الشكل موجود فى السوق الى شهر 5او6 2002 الى ان طرح الشكل الجديد وهوه اكثر شكل منتشر فى الشارع وتقدر تميزه بالفوانيس الاماميه هتلاقيها واخده شكل مثلث وبداخل المثلت كشافين كل واحد واخد شكر دائرى وفوق الكشافين مثلت صغير للاشاره وكرستال طبعا ,من هنا نزلت السعه التتريه الى 1200سى سى 75 حصان 16 صباب وبرضوا كانت بنزل جميع الكمليات تشمل (تكيف -باور -زجاج ك - سنتر ومفتاح ريموت ثلاث مساند رأس خلفيه فوانيس شبوره - ساعه وسطى بالتابلوه عداد ار بى ام -اير باج للساثق - نور الصالون يغلق تدريجيا فرش غامق ) شكل طاسات مختلف عن الهاف اوبشن وكاسيت يتم التحكم فيه من عجله القياده عدم امكانيه اداره المحرك الابالمفتاح الاصلى للسياره
اما عن الهاف اوبشن تكيف باور مجهزه لوضع رايو كاسيت اير باج عدم امكانيه اداره المحرك الا بالمفتاح الاصلى للسياره .
يعنى ممكن العربيه الى معروضه عليك تكون شكل 2001 او 2003 على حسب هيه 1400 ولا 1200 وهوه اشتراها امتى
-2005 ,2006 مبدئيا القانوس الخلفى متغير بس التقسيمه هى هيه فبدل ماكان جزء الاشاره لونه برتقالى اصبح لونه ابيض والغماز كمان بئه ابيض اول 2005 كانت 1200 وفى شهر 5 اصبحت 1400 جميع الكمليات عاده واوتوماتيك
2007 نزلوا فى عدد الصبات والاحصنه لتصبح 75 حصان و 8صباب وغيروا حاجات فى الشكل منها دهان البكتات الجانيه واوكر الباب بلون السياره ودمج علامه رينو الخلفيه مع مفتاح الشنطه وشالوا باكتات الاكصدام وزاد4 زجاج كهرباء بدل الامامى ومريات كهرباء .
- للتكيف ممتاز وتبريده حلو طبعا بيسأثر على السحب بس مش جامد يعنى مش بالدرجه الملحوظه
-الكشف على العربيه كأى عربيه بس نصيحه خلى اى مركز رينو معتمد يكشف عليها ده علشان مش هتلاقى حد كويس بيفهم فيها بره التوكيل
طبعا بالنسبه للهياكل خلى اى سمكرى كويس يبص عليها وخلاص .
ربنا يوفقك وانا تحت امرك فى اى استفسار
limo :lol:
limo , thanks again for your reply
are you sellimg your clio ?
شكرا ليك يا استلذ ليمو على هذا الوصف الرائع
طب هى الشكل القديم ال 1400 ده 8 ولا 16 صباب و كام حصان
و ايه اخبار قطع الغيار متوافره ولا نادره بالنسبه للموديل ده وصبعا الاسعار غاليه بس بتعيش صح؟
و المراكز المعتمده لرينو فين اقرب حاجه لمدينه نصر او حاجه فى الحدود دى
انا مش فاكر بالضبط المويل القديم كام صباب ولا كام حصان بس اعتقد انه 16 صباب وطلما انه 16 صباب هيبقى عدد الاحصنه هيبقى وحاجه وتسعين حصان قياسا على مويل 2005 1400 , لان المواتير ده كلها بتزل فى تركيا ومفيش اختلاف فى المواتير من 2001 و2007 بمهنى انه مفيش مواتير جديده اخترعوها فى الفتره ده فبتالى موتور 2001 هبقى هوه هوه 2005 1400 16 صباباقتباس:
المشاركة الأصلية كتبت بواسطة شريف
تقدر تعرف هيه كام صباب من خلال فتح الكابوت هتلاقى مكتوب على المتور بالون الاصفر العريض renault 1.4 16v او renault 1.4 8v ,وممكن كمان تعرف من الجريده الاماميه بتاعه باب السواق او باب الراكب الى جنب السواق هتلاقى مكتوب عليها اما 16v او 8v طبعا فى الحاله الاولى هتبقى 16 صباب والتانيه 8 صباب .
- قطع غيار الكليو متوفره فى شارع دمشق هتلاقى كذا محل عنده حاجتها كلها واسعار قطع العيار غاليه بس مش نار زى الناس مهى فاكره يعنى فى نفس رينج اليابانى او اغلى بحاجه بسيطه منه بس بصراحه بتعيش جامد
يعنى لو تقدر تستحمل قطع الغيار والصيانه فى التوكيل يبقى انت كسبت عربيه كفأتها قريبه من اليبانى واحسن من الكورى بكتير .
المشكله الى بجد شايفها فى العربيه انها توكنولوجيا معقده مش اى حد يفهم فيها فبتالى الحل الوحيد انك تروح التوكيل.
-عندك موضوع الرفارف الفيبر عيبه انه لو خد خابطه خامده هيكثر بس ممكن تروح تعمله فى الحرفين هناك شطرين اوى فى الفيبر وتصليحه على حسب الخبطه عملت ايه فيه . اما ميزه الفيبر انه لو حد خبطه بسيطه نظرا لانه مرن مش هيحصل حاجه فيه وهتوفر اجره رده على البارد :lol: عند السمكرى وعلى فكره كل عربيات رينو دلوقتى رفارف فيبر حتى الميجان .
- عندك المقطم ده الوكيل الرئيسى لرينو هتلاقى مكتوب عنوانه فى موضوع مراكز الصيانه انصحك تروحله عند الكشف على العربيه وانت بتشترى .
-فى مركز اسمه الميكانيكون العرب وده بعد السندباد بشويه وانت رايح جسر السويس انا بحب المركز ده لانك ممكن تعد مع العربيه وتشوف همه بيعملوا ايه كمان معتمد من رينو وبيغطى الضمان وعندهم قطع غيار الاصلى وقطع غيار مش الاصليه
الاخيره ده بتكون ارخص من الفرنساوى بكتير ومعتمده من شركه رينو وكفائها حلوه زى الاصلى بالضبط بتكون فى رينج الكورى ده او اقل
انشاء الله تنضم الى مالكى الكليو قربيا ابقى قولنا وصلت لايه وانا تحت امرك فى اى استفسار
limo :lol:
لاسف معنديس استعداد انى ابعها دلوقنى خالص.اقتباس:
المشاركة الأصلية كتبت بواسطة achrafhendawy71
انت ممكن تدور فى الوسيط او اهرام الجمعه او فى مجله عربيتى
ممكن تخش فى موقع الوسيط www.ewaseet.com اوwww.car100100.com او تدور هنا فى الموقع فى قسم البيع والشراء . ,وانا من ناحيتى لو لقيت حاجه هقولك
وانشاء الله تلاقى حاجه كوسه
limo :lol:
اقتباس:
المشاركة الأصلية كتبت بواسطة achrafhendawy71
انا عندى كليو 2001 1400 سىسى 130000 كم للبيع
يا جماعه اسمحولى انضم ليكم فى الموضوع الاكثر من رائع ده انا معايا كليو 2002 16 صباب موتور 1200 عمله والله 36000 الف كيلو متر بصراحه عربيه جميله جدااااااا والسحب والا ستحمال ووسع الشنطه والعفشه وصوت الموتور هادى جداااااا يعنى بصراحه انا انصح اى واحد بيها احسن من الكورى وافضلها عن الانوس والفيرنا بكتير والميكانكيون العرب انا بتعامل معاه وكويس جدااااا بس المشكله ان وسع الصالون ضيق شويه بس شغااال يعنى والشنطه كبيره جدااااااااا بصراحه عربيه ممتازه وقطع غيارها بتعيش ومعمره
انا عايز اجيب كليو 2008 زيرو ايه رأيكوا انا بفكر فيها هيه والهوندا سيتى بس المشكلة ان الكليو مفيهاش اوتوماتيك كله مانيوال وانا عايز اوتوماتيك