الموضوع: هى دى مصر ياعبلة

طبعا انت مش على بالك حاجة ومش فارقة معاك لكن لو حصل ده فى 6 اكتوبر اعتقد ان رد فعلك هيكون مختلف وعلى فكرة الورش دى بتاعة ناس موش غلابة زى مانت فاكر ومنهم صاحب الورشة اللى تحت العمارة عندى اشترى 3 محلات جنب بعض الواحد ثمنه فوق ال 100 الف جنيه ودخله الشهرى فوق ال 30 الف جنيه وانا طبيب استشارى ولا استطيع الحصول على هذا الدخل وللاسف هى دى الطبقة الجاهلة التى فرضت نفسها على المجتمع هذه الايام وكذلك ثقافتها
بالله عليك لو فى ورشة فاتحة تحت شباك غرفة نومك وتسمع صوت دق وخبط ولا يغلق الورشة قبل الساعة واحدة ونصف بعد منتصف الليل وانت ساكن فى الدور الاول وكل الخبط ده كانه فى شقتك تقدر تتحمل الوضع ده الى متى؟

مش عارف بس موضوع مش هايتتطاق بس حاول تجعوا شكاوى كتيير وتروحوا ويمكن يحصل حل ؟

طبعا انت مش على بالك حاجة ومش فارقة معاك لكن لو حصل ده فى 6 اكتوبر

ههههههه طيب ماتيجى تنورنا فى اكتوبر وتسكن هنا ؟؟

المشاركة الأصلية كتبت بواسطة octooo

حاول تتاقلم بس لو معرفتش اتجمع انت وسكان الحى وكل واحد يعمل محضر ازعاج يعنى 300 محضر ولا حاجة مش كلكم تعملوا محضر واحد وكدة الموضوع هايتنشر اوىىى (بس حرام تقفلوا بيوت الناس دى .........انا بجد مش عارف اقولك اية الحلول كلها عندك وانت اختار )

هو ده سبب المقولة
" هي دي مصر يا عبلة "
دايما نقول حاول تتأقلم مع الغلط ؟؟؟
ليه هو يتأقلم ؟؟؟ ليه صاحب الورشة مفكرش في الناس اللي محتاجة الراحة ؟
ليه صاحب الورشة ميتأقلمش و يروح يفتح في مكان تاني غير الأماكن السكنية ؟؟؟

و مفيش حاجة أسمها حرام يقفل بيوت ناس ؟؟؟

في الإسلام لا ضرر و لا ضرار
و المنطقة منطقة سكنية و للأسف الفساد اللي في البلد و من موظفين الحي هو اللي خلى الناس دي تفتح ورش لتصليح السيارات في أماكن سكنية المفروض أنها المكان الوحيد المؤهل لراحة صاحبه ؟؟
بس على مين ... ده أنت في القاهرة ... يعني هايقرفوك هايقرفوك


أسمع يا أخي .
أنت تجمع الناس القرفانين اللي زيك و مخنوقين من الوضع
بس تكونوا عدد كبير ميقلش عن 30 أو حتى 20 و يا سلام لو كان أكتر .
و بعدين تعملوا محضر في القسم و يا سلام لو تعرفوا تجيبوا قرار المحافظ الرسمي بغلق المحلات هذه التي بدون ترخيص .
و أنا متأكد مليون % أن المحضر مش هايعمل حاجة ( الشرطة في خدمة الشعب أصلها )

و بعدين تشوفوا محامي كويس و ترفعوا قضية على الحي بتقاعسه عن غلق تلك المحلات
بس لازم تكونوا كتير علشان التأثير يكون كبير


أنا معرفش في القانون قوي إنما سكة المحكمة هاتجيب نتيجة حتى لو بعد فترة زمنية .
و صدقني الإستسلام هو اللي بيخلي الناس دي تنتشر زي الوباء
حسبي الله و نعم الوكيل و ربنا يكون في عونك و في عون جيرانك

أهم حاجة أنكم تتحدوا ضدهم علشان الأتحاد قوة و الأنفصال ضعف .
يارب تقدروا ترجعوا المنطقة لسكنية بس تاني .

الله يكون في العون و بالتوفيق إن شاء الله

دي بعض الإيميلات اللي ممكن تفيدك في ارسال شكوتك وتوصيلها للمسئولين وياريت لو تدعم ايميلك بالصور لهذه الورش وسط المساكن وربنا يوفقك

برنامج 90 دقيقة min@elmehwar.tv
جريدة الجمهوريه eltahrir@eltahrir.net
برنامج العاشره مساء al3ashera@dreams.tv
برنامج القاهرة اليوم alkaheraalyoum@orbit.net
جريدة الاخبار akhbarelyom@akhbarelyom.org
بريد الاهرام barid@ahram.org.eg
محمود سعد saad.mashakel@gmail.com
مصطفى بكرى mostafabak@hotmail.com

هى دي مصر >>>>>>>