والله جزاك الله خير على اهتمامك اخى الكريم ومساعدتك القيمة وتقبل تحياتى
عرض للطباعة
بلد بدون نظام...
بلد بدون رقيب...
بلد بدون تخطيط...
يعني اصحاب الورش لو كان عندهم مكان مخصص للورش من المحافظه علشان يتجمعوا فيه مكانوش فتحوا في وسط منطقه سكانيه... انما هانقول ايه بقي اهمال و فساد و لا مبالاه...
الموضوع ده مش هايتحل غير عن طريق حد واصل في البلد...
نفس المشكله كانت موجوده تقريباً في العمارات اللي قدام دار الدفاع الجوي في شارع النزهة
بس كانوا فاتحيين كافيهات مش ورش بس كان عدد كبير قوي و كل يوم شباب سهرانيين لحد الساعه 2 و 3 الصبح و فضلوا الناس يجروا في الموضوع ده سنين علشان يقفلوا الكافيهات و الموضوع ماتحلش غير بتتدخل شخصيه سياديه... انا سمعت انها كانت سوزان مبارك بس مش متأكد من الموضوع ده... بس الوضع كان صعب قوي فعلاً...
يوجد مدينة الحرفيين بس موضوع صقرقريش ده اصبح بالنسبة للورش كما قال لى احدهم زى لما كانت الناس بتسافر اعارة للكويت زمان وخاصة ان صقر قريش مبنية بدون تخطيط تماما والكثافة السكانية فيها مرتفعة جدا ولا يوجد بها اى مساحات خضراء على الاطلاق او منصقة صناعية او حتى مساجد موش هتصدقوا لو عرفتم ان كل مساجد صقر قريش بنيت بالجهود الذاتية من السكان بعد وضع اليد على الجراجات بالقوة
والحكومة على فكرة بتعاملنا كأننا ساكنين فى البساتين وهى دى المشكلة اساسا
بجد الوضع اصبح يخنق وفعلا انا باتمنى اسيبها واروح مكان تانى لولا ارتباطى بمدارس الاولاد لان عندهم صعوبات خاصة
ربنا يعينك علي ما بلاك...
بس زي ماقولتلك الموضوع محتاج قرار سيادي علشان حد يتحرك في الموضوع ده... بس انا رأيي انك لازم تشوف حل علشان تتكييف مع الوضع ده او حتي توصل لاتفاق ودي مع الورش انهم يبطلوا سمكره في ميعاد بدري و يبقي مثلاً الدوكو هو اللي بليل لحد لما ربنا يفرجها من عنده...
والله مصر بلدنا دى دولة عجيبة انا موش قادر افهم كيف المحافظ يصدر قرار بغلق الورش والقرار لا ينفذ اطلاقا حتى ولو بشكل جزئى وهل قرار المحافظ موش قرار سيادى؟ زى اى دولة محترمة؟
لازم يعنى رئيس الجمهورية عشان يبقى سيادى؟
ويقولك مصر دولة مؤسسات !!!!!!!!!!!!!!!!
بلد فى الطراوة اصلا
من يومين حضر 2 موظفين من الحى ومروا بس على المحلات اللى فى العمارة اللى انا ساكن فيها بس وقالوا لاصحابها انه فى واحد فى العمارة واسمه بالكامل كذا(ذكروا الاسم خماسى بالمناسبة)راسل فيكم شكوى وعلى فكلرة الشكوى دى ارسلتها من اكتر من سنة عن طريق النت لوزارة البيئة وما اعرفش ليه افتكروها فجاة وانه فى قرار اغلاق ليكم وكان الورش اللى فى عمارتنا هى سبب ازمة صقر قريش المعادى وبالمناسبة فى محلات شغالة معرض موبيليا يعنى ليس لها علاقة بموضوع الشكوى كما ان العمارة اللى جنبنا فيها واحد شارى 3 جراجات جنب بعض وعاملهم ورشة وهما سبب معاناتى اصلا لانهم تحت غرفة نومى مباشرة لكن مافيش حد كلمه المهم المحلات كلها لمت من بعض المعلوم وظبطت الناس تمام وانتهى كل شئ على فشوش وكانك يا ابو زيد ما غازيت
انا حاسس اننا مواطنين انتساب فى البلد دى!!!!!!!!!!!!!!
الله يكون فى عونك..وحسبي الله ونعم الوكيل
ربنا يقويك عليهم بس مشكلتك مش بس مع اصحاب الورش المشكله الاكبر لما تبدأتحرك الموضوع هاتتفاجئ بسلبيه واتكاليه جيرانك
اتكل على الله وروح اكتوبر او الشيخ زايد