الموضوع: ماذا تريد ان تعرف عن........

المشاركة الأصلية كتبت بواسطة AhmedGen2

ليه سموه سيد قشطة مع إن اسمه فرس النهر ؟؟

فعلا تساؤل كويس، جايز اسم سيد قشطة هو اسم اول حارس له لما حطوه فى جنينة الحيوانات
حتى قشطة دى ممكن تكون بسبب انه كان ابيضانى شوية

المشاركة الأصلية كتبت بواسطة Demirell

http://seenjeem.maktoob.com/question...stion_id=20727

تفكيرك طلع صح يا mahora!!!

لأ لأ لأ مش ممكن...... جامده اوى دى ده very lucky guess

المشاركة الأصلية كتبت بواسطة homme49

السكة الحديد فى مصر هى ثانى سكة حديد فى العالم و أول سكة حديد فى أفريقيا و قد أقامها الإنجليز أثناء إحتلالهم لمصر و حيث أن نظام السير و المرور الإنجليزى هو السير على يسار الطريق بمعنى ان عجلة القيادة فى السيارات مثلا تكون فى الجانب الأيمن من السيارة و ليس الأيسر كما هو الحال عندنا لذا فقد تم تصميم السكة الحديد بهذا الشكل السير على الجانب الشمال من الطريق ، حتى مترو الأنفاق فى مصر بالرغم من أنه حديث نسبيا لكن لكى يتم الإستفادة من البنية الأساسية لطرق السكة الحديد فقد تم تصميمه بحيث تكون المحطة على شمال إتجاه القطار .

انا مباسالش على مصر
لو رحت اى بلد فى العالم هتلاقى اتحاه سير القطارات من اليمين الى الشمال بالنسبه للركاب فى المحطه
ليه؟

المشاركة الأصلية كتبت بواسطة l0new0lf

انا مباسالش على مصر
لو رحت اى بلد فى العالم هتلاقى اتحاه سير القطارات من اليمين الى الشمال بالنسبه للركاب فى المحطه
ليه؟

ليس كل دول العالم و للتأكد نرجو مطالعة الموقع المذكور فيما يلى :-
http://www.alsaha.com/users/1252823375/entries/208231

المشاركة الأصلية كتبت بواسطة mohamedezat

الى جهابزت الموقع
فى اسامى مجننانى
اكيد مرت عليوا منكوا اللى علقت ومنكوا اللى مخدش باله
ههههههههههههههههه ده مش شعر بس بجد انا باكتب المشاركة وانا ميت من الضحك
لما ركزت فى الاسامى دى

ليه الفول الاخضر بيسموه حراتى وايه معنى حراتى ؟

ليه الاطباق الصينى سموها كده ؟

ليه السودانى سموه كده ؟

ليه الفيشار اسمه كده؟

ليه السياره سموها بقا عربيه واوتومبيل زمان؟ وده سؤال مكرر فى الموضوع

والدراجه البخاريه اسمها موتوسيكل

والحرنكش

واللى يفتكر حاجه يفكرنى

تساؤلات لطيفة ممكن نتشارك فيها كلنا مع بعض، خاصة المهنمين باللغة، بس ممكن ارد على بعض منها:
الصينى و السودانى: واضح ارتباط صناعة هذه الاطباق بدولة الصين، و السودانى الذى يزرع فى السودان، مع ملاحظة تسمية اسم الاطباق الصينى باسم الدولة نفسه فى لغات اخرى مثل الانجليزية China

السيارة كان اسمها زمان اوتوموبيل لارتباط ذلك بمعنى الحركة: موبيل مشتق يعبر عن الحركة، و اوتو معناها ذاتى، فالاسم كله معناه الالة ذاتية الحركة.
هحكيلك بقى على حكاية اخرى لطيفة و احنا مستنيين حد يجاوبلنا على اسماء الحرنكش و الحراتى.
من سمى فاكهة اليوسف افندى بهذا الاسم؟ ومن هو يوسف افندى هذا؟
القصة تعود الى عصر محمد على الذى بعث بارساليات علمية الى انحاء العالم المختلفة لكى تعود بالمعارف و العلوم المختلفة، و كان احد المبعوثين فى تخصص الزراعة يدعى يوسف افندى، و الذى عندما عاد عرض هذه الفاكهة(وهى لم تكن معروفة فى مصر فى ذلك الوقت) على محمد على الذى اعجبه طعمها فسأل يوسف افندى ما اسم هذه الفاكهة؟ و كان يوسف افندى ذكيا فأجاب "طوسون باشا"(لان اصغر اولاد محمد على كان يدعى طوسون) فأعجبت محمد على لماحية يوسف افندى و رد عليه، لأ اسمها "يوسف افندى"، ومن هنا جاء الاسم.
بس محمد على كان بخيل قوى، سابه افندى زى ما هو، مرضيش حتى يعمله بيه