الموضوع: ماذا تريد ان تعرف عن........

المشاركة الأصلية كتبت بواسطة ams

ده غير انهم اصلا كان ممكن يعملوها فى افريقيا-فى السنغال تقريبا- او امريكا اللاتينية بس فلسطين تعتبر فى قلب العالم العربى و الاسلامى و عشان سيطرة الاحتلال يستمر الغرب-الانجليز-وافقوا يعطوهم فلسطين على اساس انها بتاعتهم

نرجع اد ميه و شوية سنة فلاش باك..... بالتحديد الى 1898 وقيام المؤتمر الصهيونى الاول الذى دعى اليه الصحفى اليهودى (تيودور هيرتزل)..... كان احد اهداف هذا المؤتمر هو البحث فى مسألة انشاء وطن قومى لليهود..... لهذا سعى هيرتزل لدى الدول الكبرى فى ذلك الوقت الى لكى يسمحوا له بانشاء وطن قومى لليهود، وكانت هناك اقتراحات باماكن فى مستعمرات الدول الكبرى فى ذلك الوقت، مثل الارجنتين فى امريكا اللاتينية او اوغند فى افريقيا...... وزار ايضا السلطان العثمانى عبد الحميد من اجل السماح لليهود بالتجمع و الاستيطان فى فلسطين.... لكن السلطان رفض فى ذلك الوقت.....

اللافت للنظر هو مدى الاصرار الموجود لدى هؤلاء الناس الذى يجعلك تحترمه حتى و ان كرهت افعالهم الاجرامية التى تتبرأ منها الانسانية...... احد اهم اقوال (هرتزل) فى المؤتمر الصهيونى الاول (ينبغى ان يكون لليهود وطن قومى فى غضون خمسين عاما من الان)..... وقد كان فى 1948 (بعد مرور 50 سنة بالظبط).... رغم ان هيرتزل نفسه مات عام 1904 (1861- 1904).

ملاحظة صغيرة من عندياتى لغرض عدم خلط الاوراق و رغبة فى توضيح العدو الحقيقى، هى توضيح الفرق بين الصفات التالية:
- يهودى= صفة تصف احد المؤمنين بديانة سماوية، مثلها مثل مسلم او مسيحى
- اسرائيلى= احد مواطنى دولة اسرائيل، مع ملاحظة ان هذه جنسية دولة، وبالتالى الاسرائيلى قد يكون يهودى او مسيحى او مسلم الديانة، كما هو الحال مع عرب 1948 الذين قبلوا الجنسية الاسرائيلية و الباسبور الاسرائيلى رغم انهم من ناحية الديانة قد يكونون مسلمين او مسيحيين.
- صهيونى= هذا هو العدو الحقيقيى بالنسبة لنا وهم الصهاينة، لان الحركة الصهيونية هى تلك الحركة التى كانت تستهدف قيام وطن قومى لليهود فى فلسطين، لذلك سميت Zionism نسبة الى جبل صهيون وهو احد جبال فلسطين.
ورغم انهم حاليا يعيشون فترة Post Zionism اى مرحلة ما بعد الصهيونية (لانها استوفت اهدافها مع استكمال تأسيس وطن اليهود القومى) الا ان الصهاينة ومن يسمونهم الاباء الاوائل للحركة الصهيونية، مازالوا من اكثر الشخصيات المؤثرة فى الحياة السياسية فى اسرائيل (واهمهم حاليا بيريز فى موقع رئيس الدولة)

المشاركة الأصلية كتبت بواسطة Demirell

فعلاً...أنا والدتي كانت بتقوللي إن مدينة نصر في الفترة دي كانت عبارة عن صحراء جرداء ومتر الأرض فيها كان بخمسين قرش!!!

ياه.... ماكانتش قدرت تشترى اد 1000 متر كده فى اى اى حته، كان زمانك دلوقتى مالتى مليونير تقيل اوى

المشاركة الأصلية كتبت بواسطة Demirell

ماهي عشان كانت صحراء جرداء مافيهاش زرع ولا ماء جدتي الله يرحمها مارضيتش!!

بس همه إشتروا بدالها أرض في المهندسين (اللي كانت عبارة عن أراضي زراعية وقتها!)

وعلى فكرة إسمها المهندسين عشان نقابة المهندسين وقتها هي اللي كانت صاحبة فكرة إنشاء مدينة سكنية لأعضاءها في المكان ده وكانت هي المشرفة عالمشروع

طيب ليه القطارات بتمشى من اليمين الى الشمال (بالنسبه للمحطه)على مستوى العالم؟ سواء فى نصف الكره الشمالى او الجنوبي!
و ليه فى سباقات العدو بنجري عكس عقارب الساعه؟

المشاركة الأصلية كتبت بواسطة l0new0lf

طيب ليه القطارات بتمشى من اليمين الى الشمال (بالنسبه للمحطه)على مستوى العالم؟ سواء فى نصف الكره الشمالى او الجنوبي!
و ليه فى سباقات العدو بنجري عكس عقارب الساعه؟

هو بالنسبة للقطارات، ده طبعا بافتراض ان الخط فردى و ليس مزدوج، لانه فى حالة ازدواج او تعدد الخطوط و الاتجاهات، لا تصبح هذه قاعدة (زى محطة مصر كده خطوط متعددة واتجاهات متعددة مش شرط من الشمال لليمين فقط و العكس)
اما الجرى عكس عقارب الساعة، فأنا معرفش المعلومة دى و شكلك كده رياضى لانك بتقول (بنجرى) اى انك تمارس الجرى، فياريت تقدر تفيدنا

نرجع برضه للقطارات
حد يعرف ليه؟