مشكلة فى فرامل الريجاتا

**halimo** · 17-02-2009 11:03 PM

عندى مشكلة فى فرامل ال نوفا ريجاتا؟
الفرامل ضعيفة وانا ماشى فوق ال 60 على الرغم انى غيرت جميع المساطر وكذلك تيل خلفى وامامى
حتى السيرفو فتحتة وغيرت 2 اولسية صغير
مش عارف اعمل اية تانى؟؟؟؟

**tmedhat** · 17-02-2009 11:21 PM

يمكن التيل نوعة و حش لما بيسخن بيزحلق

**samirayad** · 17-02-2009 11:25 PM

-تأكد من نوع وكفاءة زيت الفرامل.........

-تأكد من جودة التيل الذى تم تغييره.......

- تأكد من عدم وجود هواء بدايرة الفرامل........

- برضه لو حالة كاوتش السياره غير جيده....ممكن يكون لها دور(الكاوتش ممسوح الى حد ما)

- برضه لو ضغط هواء الكاوتش زائد عن اللازم ...قد يؤدى الى هذا الوضع....

**ahmed1981** · 18-02-2009 12:32 AM

المشاركة الأصلية كتبت بواسطة halimo

عندى مشكلة فى فرامل ال نوفا ريجاتا؟
الفرامل ضعيفة وانا ماشى فوق ال 60 على الرغم انى غيرت جميع المساطر وكذلك تيل خلفى وامامى
حتى السيرفو فتحتة وغيرت 2 اولسية صغير
مش عارف اعمل اية تانى؟؟؟؟

الماستر العمومي كويس ؟؟؟
هل الزيت بينقص ؟

المهم ما عليك هو أن تسحب الهواء من الفرامل
إذهب لأي ميكانيكي وقل له إسحبلي الهواء من الفرامل
وجرب وربنا يسهل

**SAMER_ENGINES** · 18-02-2009 02:16 PM

الاساتذة الي ردوا غطوا المشكلة تماما.

**halimo** · 19-02-2009 08:23 PM

اشكركم يا جماعة على الردود .
بالنسبة للتيل انا جايب انظف حاجة (امامى تريكس وخلفى ايطالى) بالنسبة للكوتش حالتة جديدة مش ممسوح بالنسبةللزيت ما بينقصش خالص اما الهواء اخدتة اكتر من مرة اما نوع الزيت الباكم: ال فى علبة معدن مش العلبة البلاستيك.
بفكر اغير السيرفو خالص لانى مغير 2 اولسية سرفو من اسبوع وفية ناس قالتلى ماينفعش اصلاح للسيرفو دة اخر حل عندى!!

**samirayad** · 19-02-2009 08:49 PM

أعتقد السيرفو ...مش حيحل مشكلة ضعف الفرامل....لأن وظيفته الأساسيه (مساعد أو مؤازر للماستر الرئيسى)......أى لتقليل المجهود المبذول فى الضغط على بدال الفرامل.......

-وأعتقد برضه ممكن تكون خامه الطنابير أو حالتها لها علاقه بضعف الفرامل معاك.................

-عموما أنصح بأخذ الرأى الأدق فى الحاله دى من أخونا ....الأستاذ/سامر لما يتمتع به من خبره ممتازة فى هذا المجال................

**ahmed1981** · 19-02-2009 11:01 PM

المشاركة الأصلية كتبت بواسطة halimo

بفكر اغير السيرفو خالص لانى مغير 2 اولسية سرفو من اسبوع وفية ناس قالتلى ماينفعش اصلاح للسيرفو دة اخر حل عندى!!

هل بدال الفرامل محجر؟
لو محجر ممكن يكون السرفو بايظ
يعني بتحس إنك بتعاني عشان تدوس دواسة الفرامل جامد لتحت ؟؟
لو الضغط صعب يبقى السرفو بايظ
هل في فرق بين الراحة في الدوس على الفرامل بين أن تكون السيارة شغالة أو مطفية؟
لو الفرق بسيط أو لا يذكر يكون السرفو بايظ

لكن لو مثلاً السيارة مطفية ودوست فرامل وإنت واقف بقوة معينة والبدال نزل 1 سم
لو شغلت السيارة ودست بنفس القوة على بدال الفرامل المفروض البدال ينزل معاك أكثر من ضعف المسافة السابقة ليكون السرفو سليم

**halimo** · 20-02-2009 09:55 PM

اشكركم يا جماعة على اهتمامكم .
بالنسبة لقوة الدواسة يا أ/ احمد اعتقد فعلا زى ما بتقول بتختلف وانا مدور العربية عن وانا مبطلها لذلك ممكن يكون السيرفو كويس وانت عندك حق ، اما بالنسبة لل م/سمير وموضوع الطنابير فدة سكة ما فكرتش فيها قبل كدة ححاول اكشف عليها واشوف راى الميكانيكى فيهم انا عموما رايحلة بكرة حشوف وابلغكم .
وشاكر جدا لاهتمامكم .

**samirayad** · 20-02-2009 10:03 PM

المشاركة الأصلية كتبت بواسطة halimo

اشكركم يا جماعة على اهتمامكم .
بالنسبة لقوة الدواسة يا أ/ احمد اعتقد فعلا زى ما بتقول بتختلف وانا مدور العربية عن وانا مبطلها لذلك ممكن يكون السيرفو كويس وانت عندك حق ، اما بالنسبة لل م/سمير وموضوع الطنابير فدة سكة ما فكرتش فيها قبل كدة ححاول اكشف عليها واشوف راى الميكانيكى فيهم انا عموما رايحلة بكرة حشوف وابلغكم .
وشاكر جدا لاهتمامكم .

ربنا يوفق أن شاء الله.............

الموضوع: مشكلة فى فرامل الريجاتا

LinkBack

أدوات الموضوع

عرض

-

-

-

-

المواضيع المتشابهه

مشكلة في الريجاتا

مشكلة فى فرامل 132

فرامل الريجاتا زى قلتها ياريت اعرف حل ليها !!

مشكلة فى فرامل الريجاتا

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة