انا منتمي اساسا الى ديني الاسلامي الحنيف وديني الاسلامي يحثني على الانتماء والتضحيه والعمل لبلاد الاسلام ..لذلك انا انتمي لتراب مصر بغض النظر عما تفعله الحكومه او الشعب........وربنا يحمينا
عرض للطباعة
انا منتمي اساسا الى ديني الاسلامي الحنيف وديني الاسلامي يحثني على الانتماء والتضحيه والعمل لبلاد الاسلام ..لذلك انا انتمي لتراب مصر بغض النظر عما تفعله الحكومه او الشعب........وربنا يحمينا
منتمى لتراب بلدى وبشده
وعندى دايما امل كبير فيها ان فى يوم قريب هيتصلح حالها
ولو لفيت العالم كله مش هلاقى وطن زيها مهما كان فيه من مساوئ
الله الدين الوطن اهلى
منتمى لااهلى وشغلى فقط
كان فيه فيلم تسجيلى اسمه مكان اسمه الوطن
كان بييجى على Otv
وطنى هو المكان اللى يحترمنى و يحترم ادميتى
و لذلك انا فى رحله البحث عن وطن يحترمنى بدل ما يبهدلنى
الحب علاقه بين اتنين ماينفعش احب مصر و مصر ماتحبينيش و ماتقولش ايه اديتنا مصر قول هتدى ايه لمصر
انا لو عشت فى بلاد ناس ملحده بيحترمونى و بيحترموا دينى هيبقى انتمائى للبلد ديه
مصر ضاعت و الفكره هنط من المركب و هيه بتغرق ولا هنغرق معاها
يا ريت حب البلد ديه كان حاجه اقدر امسكها و اشيلها من دمى
"
باحبها بعنف ورقه و على استحياء
و اكرهها و العن ابوها بعشق زى الداء
"
الله يرحمك يا جاهين
ما هو ده اللي عاوز آقوله
آنهي مصر ؟؟
ما فيش حاجة اسمها مصر !!
لما بتقول عاوز مصر تحبك يعني آنت عاوز ايه في اللي جاي :
عاوز آرض مصر تحبك ؟
عاوز شعب مصر يحبك ؟
وآلا عاوز حكومة مصر تحبك ؟؟
لما تركب مع سواق تاكسي و يشتغلك او اي واحد ينصب عليك
ده مش معناه ان ارض مصر وحشة ولا الحكومة انما دي فئة من الشعب نصابة
انما لما تدخل قسم وانت برئ وتتهان وتنام علي البورش يومين لحد ما تتعرض علي النيابة
دي مش مشكلة ارض مصر ولا شعب مصر دي مشكلة .......
عاوز اقول شوف ايه اللي بتكره في بلدك وشوف مين السبب الارض والا الشعب والا الحكومة
حتعرف المفروض تحب ايه والمفروض تكره ايه
علشان لو طلع نائب في مجلس الشعب يقولك الانتماء للجماعات او القوي المعارضة خيانة للوطن تعرف يعني ايه خيانة وخيانة لمين بالظبط في الوطن !!!
لا منتمى
اللا منتمى اعتقد ان فى قصه او رواية اللا منتمى
أعتقد إن الموضوع كله هو تعود فقط
لأن لو إنتمائك للأرض فمعنى كده لو في أرض أحسن من أرضك فهي تستحق إنتمائك ولو للشعب كذلك ولو للحكومة أيضاً كذلك
بلدك هي أهلك ولغتك ولهجتك وتاريخك ودينك
مش شوية طين ولا شعب ولا حكومه
بصراحة النتيجة مصدمة علي الاقل ليا انا
طيب الاخوة اللي مالهومش في الانتماء ، لما المهندس النووي اللي اتمسك بيتجسس لصالح اسرائيل
حسيتوا بايه ؟؟
زعلتوا منه ولا زعلتوا عليه ؟؟؟