كيف أشترك في الأنترنت رغم عدم وجود خط تليفون أرضي ....!؟ :b4_611:

:B4_611:

الموضوع بإختصار إني من سكان زهراء مدينة ومشترك في tedata والإشتراك بصراحة زي الفل لمدة 3 سنوات عمر النت عندي ما فطع نهائي حتى في كل مشاكل الكابلات البحرية ما قطعش في المرتين سوى يوم واحد فقط في كل مرة .... :018:

لحد هنا الموضوع زي الفل .... :11:

أمال إيه المشكلة بقة ياسيدي وجعت دماغنا ... :majd(4):

أصبروا بس يا إخواني مش كده أمال ... :flowers::flowers:

المشكلة إني بإذن الله هانتقل للعيش في التجمع الخامس بالقاهرة الجديدة والمنطقة اللى انا هاسكن فيها بإذن الله مافيهاش خطوط تلفون أرضية أصلا وشكلها لسة بدري عليها لأن الشبكة لسة ما إتعملتش :ask:

وانا عندي أربع أجهزة شغالين على طول بتوعي أنا والمدام والأولاد والأربعة محتاجين الإنترنت

أعمل ايه بقى ؟؟؟؟ .... ياريت الإخوة اصحاب الخبرة في الشبكات والإنترنت يفيدوني في الموضوع ده :seeya::seeya:

أنا حتى فكرت :Lighten: إني إشترك لواحد جاري من اللى عايشين في الزهراء على الخط الأرضي بتاعه وأحاول أعمل شبكة لاسلكية بعيدة المدى من عنده توصل للتجمع (المسافة حوالى 15 كيلو)

بس للأسف معرفش ممكن أعمل كده إزاي ولا حتى تكلفتها ممكن توصل لكام ... بس أعرف إن في Access point ممكن توصل لمدى خمسين كيلومتر عشان كده فكرت في النقطة دي

وفكرت كمان :Lighten::Lighten: في المودم بتاع إتصالات أو فودافون أو موبينيل .... بس خايف من السرعة تكون وحشة + إني عايز أشغل أكتر من جهاز + إني أعرف إنه بحوالى 1900 جنيه مقدم وش كده عشان تاخد المودم مجانا ... لذلك حاسس إن الموضوع مش هاينفع قوي

ياريت الإخوة الأعضاء هنا يفيدوني برأيهم

:grouphug:

وإيه اللى ممكن أعمله وأعمله إزاي

:dunno:

وجزاكم الله خيرا

:thumbsup:

:satelite:

مفيش حل غير التصرف فى خط أرضى أو يو إس بى مودم وسرعته على فكرة ممتازة مش بطئ ولا حاجة


مش عارف لو كن فيه نت عن طريق أطباق الدش وكروت خاصة بالكمبيوتر ؟ الكلام دا موجود وللا مش موجود؟

المشكلة في نطاق تغطية الـ 3G

لأنه في التجمع عندي شوية يبقى موجود وشوية يبقى مش موجود

وحتى لو موجود بتبقى الإشارة بتاعته ضعيفة جدا بداخل جدران البيت نفسه

والكلام ده حسبته من خلال إشارة التليفون على التلات شبكات

والف شكر يادكتور على سرعة الرد والإهتمام

وجزاكم الله خيرا


ومنتظر آراء باقي الإخوة بإذن الله

العفو يافندم وفعلا ربنا يعينك لأن الحياة من غير نت بقت صعبة بصراحة !!!

انا شغال فى المصرية للاتصالات
لو تدينى العنوان ممكن اسالك عن ظروف التليفونات الارضى عندك

مش عارف بس الالموديم يو اس بى احسن حل وعلى فكرة هوة هايشتغل لو المكان الى انت فية اشتغل فية نت الموبيل بيعنى الماكن الى نت الموبيل يشتغل فية الموديم ككمان يشتغل وبس عيبة غالى (نسبيا)
وربنا يوفقك وتلاقى حل

كان في شبكة ايه دي اس ال لاسلكيه في التجمع الخامس بس الكلام ده قبل ما اسافر

أسأل عنها

أنا باقترح عليك إنك تشترك في خدمة اتصالات وفي نفس الوقت تستخدم الانترنت عن طريق الساتلايت بحيث إنك تدخل عن طريق خدمة اتصالات والدون لود عن طريق الساتلايت

ده أفضل حل في حالة عدم وجود الشبكة الاسلكية

على فكره فاتالات عملين جاهز روتر 4 بورت وويرلس وهما احسن سعر واحسن خدمه عن تجربه ال 3 شركات كفايه ان اشتراكهم سابت يا 149 جنيه يا 299
وممكن تجيب اليو اس بىبس كده هاتشغل جهاز واحد والباقى هتعمله شيرنج نت بس انا افضل انك تجيب ال4 بورت ويرلس بتاع اتصالات
بس اتاكد من الشبكه عندك فى البيت اتصالات شغاله كويس والا لا
وهنا اليلنك بتاع الجهاز والسعر
http://etisalat.com.eg/portal/page?_...lias=router_ar
واى سؤال

الف شكر لكل اللى شارك بالرد والإهتمام

اقتباس:

---

المشاركة الأصلية كتبت بواسطة asaadte

انا شغال فى المصرية للاتصالات
لو تدينى العنوان ممكن اسالك عن ظروف التليفونات الارضى عندك

---

التجمع الخامس جنوب الأكاديمية بالقرب من مدارس مصر 2000
والمعهد الكندي CIC

اقتباس:

---

المشاركة الأصلية كتبت بواسطة الطنطاوي

كان في شبكة ايه دي اس ال لاسلكيه في التجمع الخامس بس الكلام ده قبل ما اسافر

أسأل عنها

أنا باقترح عليك إنك تشترك في خدمة اتصالات وفي نفس الوقت تستخدم الانترنت عن طريق الساتلايت بحيث إنك تدخل عن طريق خدمة اتصالات والدون لود عن طريق الساتلايت

ده أفضل حل في حالة عدم وجود الشبكة الاسلكية

---

ممكن معلومات عن استخدام النت عن طريق الستالايت وأسعاره وكيفية الإشتراك فيه

وعموما المنطقة اللى أنا فيها تقريبا ميتة لما بعمل سكان على الـ WI FI بكل بروتوكولاته ما بلاقيش حاجة

وجزاكم الله خيرا

وفي إنتظار باقي الآراء

:11:

واضح إن مفيش أمل



طيب هو المودم USB ممكن يشغل كذا جهاز ؟


معقولة مفيش حل تاني

اقتباس:

---

المشاركة الأصلية كتبت بواسطة mramzy

على فكره فاتالات عملين جاهز روتر 4 بورت وويرلس وهما احسن سعر واحسن خدمه عن تجربه ال 3 شركات كفايه ان اشتراكهم سابت يا 149 جنيه يا 299
وممكن تجيب اليو اس بىبس كده هاتشغل جهاز واحد والباقى هتعمله شيرنج نت بس انا افضل انك تجيب ال4 بورت ويرلس بتاع اتصالات
بس اتاكد من الشبكه عندك فى البيت اتصالات شغاله كويس والا لا
وهنا اليلنك بتاع الجهاز والسعر
http://etisalat.com.eg/portal/page?_...lias=router_ar
واى سؤال

---

واضح انك مقريتش ردى
وانا بعيده تانى

أنا برشح الـ Usb أو الراوتر بتاع اتصالات برده، بس تتأكد أن فيه تغطية 3g عندك، مع العلم أن الراوتر ممكن يتثبت في مكان يكون لاقط شبكة كويسة في البلكونة مثلا أو ما شابه

الراجل بيقول:
مافيهاش خطوط تلفون أرضية أصلا

يبقي هايستخدم راوتر إزاي

اعتقد مفيش حل غير Usb إتصالات علي أمل ان تغطيه ال 3g بتاعتهم تتحسن مع الوقت

علشان تستخدم الساتلايت لازم يكون عندك اتصال بالانترنت بحيث يكون ارسال الداتا عن طريق الاتصال الموجود عندك مسبقًا واستقبال الداتا عن طريق القمر الصناعي

وطبعا هاتستفاد بالسرعة العالية للدون لود والتكلفة هاتكون أرخص بكتير لو انت بستخدم الانترنت بشكل كبير

علشان كده انت ممكن تستخدم إتصالات تغطيه ال3g في ارسال الداتا بالإضافة إلى الساتلايت في الاستقبال وبكده هايقل المبلغ اللي انت بتدفع لان المحاسبة في اتصالات بتكون على حسب كمية الدون لود اللي انت بتعمله

وبالنسبة لموضوع الاشتراك

في مواقع عربي واجنبية كتيرة جدًا ممكن تشترك من عليها بس بطريق غير شرعي

اقتباس:

---

المشاركة الأصلية كتبت بواسطة tamohsen

الراجل بيقول:
مافيهاش خطوط تلفون أرضية أصلا

يبقي هايستخدم راوتر إزاي

اعتقد مفيش حل غير Usb إتصالات علي أمل ان تغطيه ال 3g بتاعتهم تتحسن مع الوقت

---

الراوتر بتاع اتصالات ده زيه زي الـ USB modem بالظبط يعني بيتحط فيه شريحة ويدخلك على الانترنت عن طريقة شبكة الموبايل
بالإضافة انه فيه 4 ports زائد wi-fi عشان يقدر اكتر من جهاز يدخلوا عن طريقه

راجع اللينك اللي وضعه mramzy لمزيد من المعلومات

اقتباس:

---

المشاركة الأصلية كتبت بواسطة mramzy

واضح انك مقريتش ردى
وانا بعيده تانى

---

بس برضه الراوتر ده هايبقى غالى شوية يعني هوة بيتكلم في تمن الراوتر بس بـ 1650 جنيه

مع إني متأكد إنه واقف عليهم بـ 5 جنيه بس تقريبا ... أنا مش عارف ليه التكنولوجي لسة غالية في مصر بالشكل ده

بس الظاهر كده إن ده هوة الحل الوحيد فعلا

http://www.postimage.org/Pq2Bbxii.jpg

انا ساكن فى جنوب الاكاديميه من 2004 التليفون بالمنطقه هوائى ويدخله نت isdn عن طريق سنترال زهراء 3بطىء جدا جربته 3 شهور وبعدين لاغيته وحاليا باستخدم usbفودافون3g ممتاز ولكن حدوده 2جيجا يعنى فى التصفح 100% و سريع و وفى الدونلود سريع بس هتخلص ال2 جيجا بسرعه لو عملت داونلود كتير وبعد كده الميجا بجنيه (2جيجا =2050 ميجا)تدفع500 ج فىالاول تمن usb+الشريحه و اشتراك شهرى 120 جنيه و ال500 يتخصموا من الاشتراك على 12 شهر يعنى بتدفع شهرى 85 جنيه لمده سنه ......و اهلا بك فى التجمع الخامس على فكره انا فى جنوب الاكاديميه ب جنب المدرسه الامريكيه و تحت امرك فى اى استفسار

]

افضل عروض USB Modem هوا عرض اتصالات لأنة الباندويدث مفتوح ، أول 7 جيجا بالسرعة كاملة بعد كدة بينزل السرعة الى 256

أهم حاجة يكون فى تغطية شبكة كويسة

ويمكن تشغيل اكثر من جهاز على نفس المودم عن طريق تثبيتة فى جهاز وتوصيل سويتش على الجهاز دة وبعدين عمل الكونفجريشن بحيث يكون الجهاز دة هوا الـGateway لكل الأجهزة ، هيكون هوا السيرفر اللى كل الأجهزة بتاخد منة نت يعنى

وعلى فكرة سرعتة مبتكونش 7 ميجا فعليا ولا حاجة ، هيا بتكون معقولة زى الدى اس ال العادى ، وخدمة العملاء بيقولو ان الميجا بتاع المودم مش زى الميجا بتاع الكمبيوتر

ازاى ياخوانا !!

منعرفش !!

تقريبا الميجا بتاع الكمبيوتر 1024 كيلو وبتاع المودم 200 كيلو بس

اقتباس:

---

المشاركة الأصلية كتبت بواسطة mramzy

على فكره فاتالات عملين جاهز روتر 4 بورت وويرلس وهما احسن سعر واحسن خدمه عن تجربه ال 3 شركات كفايه ان اشتراكهم سابت يا 149 جنيه يا 299
وممكن تجيب اليو اس بىبس كده هاتشغل جهاز واحد والباقى هتعمله شيرنج نت بس انا افضل انك تجيب ال4 بورت ويرلس بتاع اتصالات
بس اتاكد من الشبكه عندك فى البيت اتصالات شغاله كويس والا لا
وهنا اليلنك بتاع الجهاز والسعر
http://etisalat.com.eg/portal/page?_...lias=router_ar
واى سؤال

---

اقتباس:

---

المشاركة الأصلية كتبت بواسطة pro_samir

افضل عروض USB Modem هوا عرض اتصالات لأنة الباندويدث مفتوح ، أول 7 جيجا بالسرعة كاملة بعد كدة بينزل السرعة الى 256

أهم حاجة يكون فى تغطية شبكة كويسة

ويمكن تشغيل اكثر من جهاز على نفس المودم عن طريق تثبيتة فى جهاز وتوصيل سويتش على الجهاز دة وبعدين عمل الكونفجريشن بحيث يكون الجهاز دة هوا الـGateway لكل الأجهزة ، هيكون هوا السيرفر اللى كل الأجهزة بتاخد منة نت يعنى

وعلى فكرة سرعتة مبتكونش 7 ميجا فعليا ولا حاجة ، هيا بتكون معقولة زى الدى اس ال العادى ، وخدمة العملاء بيقولو ان الميجا بتاع المودم مش زى الميجا بتاع الكمبيوتر

ازاى ياخوانا !!

منعرفش !!

تقريبا الميجا بتاع الكمبيوتر 1024 كيلو وبتاع المودم 200 كيلو بس

---

+100000000000

الردين دول فيهم تفاصيل مهمة تساعدك في حل مشكلتك
ربنا يبارك للسادة أصحاب الردود جميعا

مفيش حل غير 3G مودم من اى شركة موبيل
و زى ما الناس قالت بتوصلى على كمبيوتر و منة بتعمل internet connection sharing لبقية الناس

او ال 2way ستليت و كان فى شركة فى مدينة نصر بتقدم الخدمة دى و اسماها مينا سات بس انا حاولت ادخل على الموقع بتعهم بش بيفتح
معرعش لسة شغالين ولا لا
و فى Orbit بس معرفش مغطين مصر ولا لأ

الحل الى بتقول علية لل wireless هوا مش بيتعمل كدة
و مفيش access point توصل 50 كم ابدا
بيستخدم حاجة اسماها Wi-Max و دا موضوع مكلف جدا و كبير

اقتباس:

---

المشاركة الأصلية كتبت بواسطة pro_samir

افضل عروض USB Modem هوا عرض اتصالات لأنة الباندويدث مفتوح ، أول 7 جيجا بالسرعة كاملة بعد كدة بينزل السرعة الى 256

أهم حاجة يكون فى تغطية شبكة كويسة

ويمكن تشغيل اكثر من جهاز على نفس المودم عن طريق تثبيتة فى جهاز وتوصيل سويتش على الجهاز دة وبعدين عمل الكونفجريشن بحيث يكون الجهاز دة هوا الـGateway لكل الأجهزة ، هيكون هوا السيرفر اللى كل الأجهزة بتاخد منة نت يعنى

وعلى فكرة سرعتة مبتكونش 7 ميجا فعليا ولا حاجة ، هيا بتكون معقولة زى الدى اس ال العادى ، وخدمة العملاء بيقولو ان الميجا بتاع المودم مش زى الميجا بتاع الكمبيوتر

ازاى ياخوانا !!

منعرفش !!

تقريبا الميجا بتاع الكمبيوتر 1024 كيلو وبتاع المودم 200 كيلو بس

---

انا شغال فى مجال شركات الاتصالات من 2001 و اول مرة اسمع عن الميجا ال 200 كيلو دى

اقتباس:

---

المشاركة الأصلية كتبت بواسطة Sherif Khalifa

انا شغال فى مجال شركات الاتصالات من 2001 و اول مرة اسمع عن الميجا ال 200 كيلو دى

---

الراجل بيتريأ عليهم يا أستاذ شريف :O_stupid[1]:

انا اخد بالى ان هوا الى بيقول كدة بعد ما بعت :Ka_che1[1]:

هوا غالبا الشركة اصدها ان ال 7 ميجا مش متحددة ليك لوحدك
يعنى زى ال ADSL السرعة بتعتك فى كذا واحد داخل فيها

اقتباس:

---

المشاركة الأصلية كتبت بواسطة meedoo69

http://www.postimage.org/Pq2Bbxii.jpg

انا ساكن فى جنوب الاكاديميه من 2004 التليفون بالمنطقه هوائى ويدخله نت isdn عن طريق سنترال زهراء 3بطىء جدا جربته 3 شهور وبعدين لاغيته وحاليا باستخدم usbفودافون3g ممتاز ولكن حدوده 2جيجا يعنى فى التصفح 100% و سريع و وفى الدونلود سريع بس هتخلص ال2 جيجا بسرعه لو عملت داونلود كتير وبعد كده الميجا بجنيه (2جيجا =2050 ميجا)تدفع500 ج فىالاول تمن usb+الشريحه و اشتراك شهرى 120 جنيه و ال500 يتخصموا من الاشتراك على 12 شهر يعنى بتدفع شهرى 85 جنيه لمده سنه ......و اهلا بك فى التجمع الخامس على فكره انا فى جنوب الاكاديميه ب جنب المدرسه الامريكيه و تحت امرك فى اى استفسار

]

---

الف شكر ياباشا على المعلومات الجميلة دي

على كده لو المودم بتاع فودافون بقى بـ 500 يبقى كويس مش وحش ده كده رخص جدا

بس الـ isdn ده كان نظام المحاسبة بتاعه عامل إزاي وسرعته كانت 64 ولا 128

اقتباس:

---

المشاركة الأصلية كتبت بواسطة pro_samir

افضل عروض USB Modem هوا عرض اتصالات لأنة الباندويدث مفتوح ، أول 7 جيجا بالسرعة كاملة بعد كدة بينزل السرعة الى 256

أهم حاجة يكون فى تغطية شبكة كويسة

ويمكن تشغيل اكثر من جهاز على نفس المودم عن طريق تثبيتة فى جهاز وتوصيل سويتش على الجهاز دة وبعدين عمل الكونفجريشن بحيث يكون الجهاز دة هوا الـGateway لكل الأجهزة ، هيكون هوا السيرفر اللى كل الأجهزة بتاخد منة نت يعنى

وعلى فكرة سرعتة مبتكونش 7 ميجا فعليا ولا حاجة ، هيا بتكون معقولة زى الدى اس ال العادى ، وخدمة العملاء بيقولو ان الميجا بتاع المودم مش زى الميجا بتاع الكمبيوتر

ازاى ياخوانا !!

منعرفش !!

تقريبا الميجا بتاع الكمبيوتر 1024 كيلو وبتاع المودم 200 كيلو بس

---

الف شكر ياباشا على الرد والإهتمام

بس اللى أعرفه إن سرعة إتصالات بعد ماتخلص الـ 7 جيجا بتنزل لـ 64 مش 256

والله لو السرعة بتنزل لـ 256 بس يبقى كده إتصالات ممكن تكون في مجال المقارنة مع فودافون

المشكلة إن المواقع بتاعتهم بحس إنها ملخبطة ومابخدش منها معلومة مفيدة

اقتباس:

---

المشاركة الأصلية كتبت بواسطة Sherif Khalifa

الحل الى بتقول علية لل wireless هوا مش بيتعمل كدة
و مفيش access point توصل 50 كم ابدا
بيستخدم حاجة اسماها Wi-Max و دا موضوع مكلف جدا و كبير

---

كان فيه فعلا access point مدى 50 كيلو وكانت بـ 2800 جنيه معروضة للبيع قدامي وكانت وارد الخارج

بس أنا مش محتاج أكتر من 15 كيلو
عشان كده أنا متخيل إن لو لاقيت واحدة من 10 لـ 20 كيلو بس هايكون سعرها أقل بكتيرممكن يوصل لالف جنيه بس مثلا (لأن الحاجات دي بتفرق جامد حسب قوة الأكسس يونيت ومداها)

الحل ده لو لاقيته وعرفت ممكن أركبه إزاي هايبقى أحسن كتير من المودم 3g عشان هاتبقى الاكسس يونت دي سرعتها بتاعتى لوحدي ومن خط أرضي ثابت هاكون مركبه في زهراء مدينة نصر يعني مش بعيد قوي وإشارتها هتبقى زي الفل ... ده غير إن أبراج شركات الإتصالات بتبقى السرعة فيها حسب الضخط على الشبة وساعات الذروة ... وفي الاخر الأتنين تكلفتهم هاتكون بالشكل ده قريبة من بعض

أنا معرفش الكلام اللى بقوله ده من قبيل الأحلام في مصر ولا موجود

أنا فعلا شوفت شبكات wi fi مداها خمسين كيلو في المنيا وكذا مدينة تانية في الصعيد بس الناس اللى عاملين كده كانوا جايبين الأجهزة من خارج مصر وتكلفتها كانت داخلة في حوالى 10000 جنيه من أربع سنين

اليو إس بى مودم يشغل كمبيوتر شخصى واحد فقط

وده فى صفحة الأسئلة المتكررة من موقع اتصالات
هل يمكنني ان اشارك بال USB مودم مع افراد عائلتي؟
للأسف اشتراك الانترنت مع الأفراد غير مسموح بأستخدام الUSB مودم.

اقتباس:

---

المشاركة الأصلية كتبت بواسطة hani945

اليو إس بى مودم يشغل كمبيوتر شخصى واحد فقط

وده فى صفحة الأسئلة المتكررة من موقع اتصالات
هل يمكنني ان اشارك بال USB مودم مع افراد عائلتي؟
للأسف اشتراك الانترنت مع الأفراد غير مسموح بأستخدام الUSB مودم.

---

لا يمكن مباشرة مشاركة الأتصال مع يو اس بي
و لكن عن طريق عمل بعد الاعدادت في نظام التشغيل يمكن أن يعمل الجهازم الموصول باليو اس بي مودم على أنه سيرفر و بقية الأجهزة تسحب منه عادي

طبعا أفضل حل هو الراوتر الخاص بالشركات دي ( أتصالات أو فودافون ) بس هو حل غالي شوية

ممكن توصل ال USP modem بى كمبيوتر عادى
و من نفس الكمبيوتر هتوصل كابل بى كارت ال LAN بى switch
و الناس كلها تاخد من الswitch بس خلى automatic IP address على كل الاجهزة و هيبئا الكمبيوتر دا هوا مخرج كل الاجهزة الاخرى

لو فرضنا انا دى علامة ال USP modem هتكمل زى الصور دى و خلاص

http://dc127.4shared.com/img/8860624...0/1_online.JPG


http://dc127.4shared.com/img/8860632...f/2_online.JPG

باشا فى حاجه اسمها خط ربط بيتأجر من السنترال تقريبا ب 300 جنيه كل 3 شهور لو معندكش خط تليفون فى البيت يدخل عليه النت ، والله اعلم

اقتباس:

---

الف شكر ياباشا على المعلومات الجميلة دي

على كده لو المودم بتاع فودافون بقى بـ 500 يبقى كويس مش وحش ده كده رخص جدا

بس الـ isdn ده كان نظام المحاسبة بتاعه عامل إزاي وسرعته كانت 64 ولا 128
__________________

---

السلام عليكم
السرعه 128 و لكن الفعلى اسرع من الdial up بتاع التليفون العادى اقصى سرعه وصلتلها كانت 20 kpsبينما ب3gتوصل الى 200 kps حسب السيرفر اما التكلفه تدفع 150 تمن الcdالتعريف + كابل usb \rs 232 femaleثم كل 3 شهور 180 جنيه اشتراك ولكنها غير عمليه على الاطلاق

ممكن تشوف USb بتاع موبينيل اعتقد سعره رخيص
يبقى ادخل على الموقع واتفرج كدا