كيف أشترك في الأنترنت رغم عدم وجود خط تليفون أرضي ....!؟ :b4_611:

**D . a .\ AYMAN** · 18-02-2009 01:02 AM

الموضوع بإختصار إني من سكان زهراء مدينة ومشترك في tedata والإشتراك بصراحة زي الفل لمدة 3 سنوات عمر النت عندي ما فطع نهائي حتى في كل مشاكل الكابلات البحرية ما قطعش في المرتين سوى يوم واحد فقط في كل مرة ....

لحد هنا الموضوع زي الفل ....

أمال إيه المشكلة بقة ياسيدي وجعت دماغنا ...

أصبروا بس يا إخواني مش كده أمال ...

المشكلة إني بإذن الله هانتقل للعيش في التجمع الخامس بالقاهرة الجديدة والمنطقة اللى انا هاسكن فيها بإذن الله مافيهاش خطوط تلفون أرضية أصلا وشكلها لسة بدري عليها لأن الشبكة لسة ما إتعملتش

وانا عندي أربع أجهزة شغالين على طول بتوعي أنا والمدام والأولاد والأربعة محتاجين الإنترنت

أعمل ايه بقى ؟؟؟؟ .... ياريت الإخوة اصحاب الخبرة في الشبكات والإنترنت يفيدوني في الموضوع ده

أنا حتى فكرت

إني إشترك لواحد جاري من اللى عايشين في الزهراء على الخط الأرضي بتاعه وأحاول أعمل شبكة لاسلكية بعيدة المدى من عنده توصل للتجمع (المسافة حوالى 15 كيلو)

بس للأسف معرفش ممكن أعمل كده إزاي ولا حتى تكلفتها ممكن توصل لكام ... بس أعرف إن في Access point ممكن توصل لمدى خمسين كيلومتر عشان كده فكرت في النقطة دي

وفكرت كمان

في المودم بتاع إتصالات أو فودافون أو موبينيل .... بس خايف من السرعة تكون وحشة + إني عايز أشغل أكتر من جهاز + إني أعرف إنه بحوالى 1900 جنيه مقدم وش كده عشان تاخد المودم مجانا ... لذلك حاسس إن الموضوع مش هاينفع قوي

ياريت الإخوة الأعضاء هنا يفيدوني برأيهم

وإيه اللى ممكن أعمله وأعمله إزاي

وجزاكم الله خيرا

**Dr Ahmed** · 18-02-2009 01:06 AM

مفيش حل غير التصرف فى خط أرضى أو يو إس بى مودم وسرعته على فكرة ممتازة مش بطئ ولا حاجة

مش عارف لو كن فيه نت عن طريق أطباق الدش وكروت خاصة بالكمبيوتر ؟ الكلام دا موجود وللا مش موجود؟

**D . a .\ AYMAN** · 18-02-2009 01:18 AM

المشكلة في نطاق تغطية الـ 3G

لأنه في التجمع عندي شوية يبقى موجود وشوية يبقى مش موجود

وحتى لو موجود بتبقى الإشارة بتاعته ضعيفة جدا بداخل جدران البيت نفسه

والكلام ده حسبته من خلال إشارة التليفون على التلات شبكات

والف شكر يادكتور على سرعة الرد والإهتمام

وجزاكم الله خيرا

ومنتظر آراء باقي الإخوة بإذن الله

**Dr Ahmed** · 18-02-2009 01:19 AM

العفو يافندم وفعلا ربنا يعينك لأن الحياة من غير نت بقت صعبة بصراحة !!!

**A.Saad** · 18-02-2009 06:17 AM

انا شغال فى المصرية للاتصالات
لو تدينى العنوان ممكن اسالك عن ظروف التليفونات الارضى عندك

**الطنطاوي** · 18-02-2009 08:31 AM

كان في شبكة ايه دي اس ال لاسلكيه في التجمع الخامس بس الكلام ده قبل ما اسافر

أسأل عنها

أنا باقترح عليك إنك تشترك في خدمة اتصالات وفي نفس الوقت تستخدم الانترنت عن طريق الساتلايت بحيث إنك تدخل عن طريق خدمة اتصالات والدون لود عن طريق الساتلايت

ده أفضل حل في حالة عدم وجود الشبكة الاسلكية

**mramzy** · 18-02-2009 09:38 AM

على فكره فاتالات عملين جاهز روتر 4 بورت وويرلس وهما احسن سعر واحسن خدمه عن تجربه ال 3 شركات كفايه ان اشتراكهم سابت يا 149 جنيه يا 299
وممكن تجيب اليو اس بىبس كده هاتشغل جهاز واحد والباقى هتعمله شيرنج نت بس انا افضل انك تجيب ال4 بورت ويرلس بتاع اتصالات
بس اتاكد من الشبكه عندك فى البيت اتصالات شغاله كويس والا لا
وهنا اليلنك بتاع الجهاز والسعر
http://etisalat.com.eg/portal/page?_...lias=router_ar
واى سؤال

**D . a .\ AYMAN** · 18-02-2009 10:46 AM

الف شكر لكل اللى شارك بالرد والإهتمام

المشاركة الأصلية كتبت بواسطة asaadte

انا شغال فى المصرية للاتصالات
لو تدينى العنوان ممكن اسالك عن ظروف التليفونات الارضى عندك

التجمع الخامس جنوب الأكاديمية بالقرب من مدارس مصر 2000
والمعهد الكندي CIC

المشاركة الأصلية كتبت بواسطة الطنطاوي

كان في شبكة ايه دي اس ال لاسلكيه في التجمع الخامس بس الكلام ده قبل ما اسافر

أسأل عنها

أنا باقترح عليك إنك تشترك في خدمة اتصالات وفي نفس الوقت تستخدم الانترنت عن طريق الساتلايت بحيث إنك تدخل عن طريق خدمة اتصالات والدون لود عن طريق الساتلايت

ده أفضل حل في حالة عدم وجود الشبكة الاسلكية

ممكن معلومات عن استخدام النت عن طريق الستالايت وأسعاره وكيفية الإشتراك فيه

وعموما المنطقة اللى أنا فيها تقريبا ميتة لما بعمل سكان على الـ WI FI بكل بروتوكولاته ما بلاقيش حاجة

وجزاكم الله خيرا

وفي إنتظار باقي الآراء

**D . a .\ AYMAN** · 19-02-2009 09:06 AM

واضح إن مفيش أمل

طيب هو المودم USB ممكن يشغل كذا جهاز ؟

معقولة مفيش حل تاني

-

الموضوع: كيف أشترك في الأنترنت رغم عدم وجود خط تليفون أرضي ....!؟ :b4_611:

LinkBack

أدوات الموضوع

عرض

كيف أشترك في الأنترنت رغم عدم وجود خط تليفون أرضي ....!؟ :b4_611: - انشر الموضوع فى :

-

-

-

-

-

-

-

المواضيع المتشابهه

مطلوب فى اسرع وقت http://www.nilemotors.net/Nile/images/smilies/B4_611.gif

ما الفائده الحقيقيه من وراء تقويه أرضي البطاريه ؟

عايز أشترك في النت بتاع فودافون بس خايف

عايز أشترك في موضوع التخفيض

الكلمات الدلالية لهذا الموضوع

المفضلات

المفضلات

ضوابط المشاركة