-
للبيع في المزاد
للبيع للبيع في المزاد
بلد حلوة و جميلة تبقى اجدع البلاد
للبيع بكل رخيص حقوق العباد
للبيع بلد انتشر فيها الفساد
قالوا هتبيع : ثمنها اية
هبعها حتى و لو بجنية
هبعها و متسألش لية
عايز اطفش من وش الباشا و البية
للبيع ابو الهول و التلت اهرام
للبيع شعب شادد على بطنة الحزام
للبيع قلوب نسيت الاحلام
للبيع عيون نسيت طعم المنام
للبيع شوارع بقت صندوق قمامة
للبيع جلبابي و الشال و العمامة
و لو بعنا النيل و السد يا له السلامة
اشتروا منى كل حاجة بس سبولي الكرامة
حد شاري احزاب عليها الوقت فات
حد شاري شباب ماتوا و الامل فيهم مات
حد شاري القمر الصناعي بالافلام و الكليبات
حد شاري الفنادق و مارينا و الرقاصات
اشتروها و اشتروا العقول الممسوخة
و خدوا فوق البيع اودية توشكى المدروسة
و فوق البيعة كنافة رمضان و البسبوسة
و الثمن انكوا ترجعولي زمن المحروسة
وحشاني يا مصر و انا فيكي
عايش جواكي مش لاقيكي
انا عايزك اتونس بيكي
اكتبلك روحي و عمري و اعيش ليكي
--------------------------------------------------
منقول من مدونة (مصرى للنهاية) و المؤلف شمس الزناتى
http://masryforever.blogspot.com/200...g-post_15.html
-
كلمات جميلة جدا ومعبرة
شكرا جزيلا
-
رائـــــــــــــعة فعل......
شكرا...
-
.كلام حلو جدا يا حسام بجد كلام جميل جميل
شكرا ليك يا باشا
-
كلام جميل والله بس يودي ورا الشمس.
-
الشكر كل الشكر للشاعر الجميل
-
افرجها يا رب
وبكرة تروق وتحلى والى جاى يكون احلى
-
بحبك بحبك
بحبك بحبك
بحبك بحبك بحبك
يا مصر
مسايا و صباحى
أسبح بحبك
و حبك شفايا و جراحى يا مصر
و اسافر بحبك
و اميل زى ميلك
وتحلا الخطاوى
فى حبك يا مصر
واحب اغترابى
فى صبحك و ليلك
و احب الونس بالرفاقه
يا مصر
***
تنام الدموع فى العيون الهواجع
و تسهر دموعى
فى حبك يا مصر
تهون السجون
و الشجون
و المواجع
و يغلا مع القهر حبك
يا مصر
ولو يحبسونى
ولو يشنقونى
ولو فكروا بالعذاب
يبعدونى
ح أقرب و أقرب
ومش ممكن أهرب
و تنزل دموعى على خدودى
تشرب
تلاقى الرموش و الخدود و المباسم
مراسم
و صورتك عليهم يا مصر
بحبك بحبك
بحبك يا مصر
أحمد فؤاد نجم
-
- كلام جميل ومعبر جدااااااااااااااااااااا
Content Relevant URLs by
vBSEO 3.6.0 PL2