الاسعار نزلت فعلا شفروليه و هيونداى يلا بقى يا بروتون

**Osama.shihata** · 18-02-2009 02:03 AM

بسم الله الرحمن الرحيم
انا فعلا اتاكد ان اسعار شفروليه و هيونداى كمان نزلت
حوالى 2000 جنيه
وده ممكن تتاكده منه على الرابط ده
www.contactcars.com
وتبحث عن اسعار السيارات الجديدة
باريت بقى بالمناسبة الجميلة دى عز العرب
ينزل السعر كمان 2000 علشان السعر يفضل منافس
شكرا اخوكم أسامة

**MohabSaeed** · 18-02-2009 02:44 AM

كلنا نتمنى ذلك
لكن ... ده اعتقد مش حيحصل
ماينفاعش نقارن بروتون بباقى الموديلات الى حضرتك ذكرتها . لاسباب :-

1- كل عربيات بروتون بتتباع بنفس سعرها من ساعت مانزلت مصر سنه 2005 لحد انهارده
و ده بالنسبه للواجا و الجين 2 " و حتى الويرا " قبل ما يوقفو انتاجها .
و ده بالرغم من ادخال تحسينات او اضافات على الموديلات القديمه زى ال abs & airbags فى الواجا , او تعديل الموتور و عمل فيس ليفت للجين 2 .
" انهى ماركه فى مصر الى اسعار عربياتها فضلت بنفس تمنها من ساعت مانزلت السوق من 4 سنين " ؟

2- اساسا سعر جميع سيارات بروتون فى مصر " قعلا منافس جدا جدا " يعنى تقريبا بنشترى العربيه من غير جمارك ....... لو شوفنا سعرها فى ماليزيا او فى باقى البلدان الى حولينا و قارناها باسعارها فى مصر .

لو اتكلمنا على شيفورليه و هيونداى و تويوتا ..... و تقريبا كل الماركات الى فى مصر " حتى الصينى زى الاسبرانزا "

شوف اسعار عربياتهم وقت طرحهم فى السوق كانت كام .... و دلوقتى بعد التخفيض بقت كام ؟
الشيفورليه اوبترا كانت ب 85 الف , و فى وقت وصلت 82 الف
الافيو كانت كورى و بتبدأ من 69 الف !!!
الالنترا كانت بكام و دلوقتى بكام
النيو اكسنت
حتى الاسبرانزا كانت ب 59 الف جنيه وقت الحجز و دلوقتى وصلت ل 70 الف جنيه ؟؟؟

فماينفعاش اننا نقارن بروتون من حيث الاسعار بباقى الماركات .

بس عموما ده " مش معناه نـــــهائــــــى " ان عز العرب كريم معانا او انه مش بيكسب و منزل بروتون هديه للمصرين اكراما لاحفاد الفراعنه . طبعا لا

انتا فعلا بتشترى العربيه بسعر ممتاز جدا جدا فى مقابل قيمتها و بكماليات مش موجوده فى عربيات سعرها معدى ال100 الف , لكن بياخد اكتر من حقه 10 اضعاف فى قطع الغيار .
بمعنى الى بيوفرهولك كمشترى فى سعر الزيرو بياخدو اضعاف المرات فى الصيانه و قطع الغيار .

**Osama.shihata** · 18-02-2009 10:25 AM

اظن ان الاسعار فى بروتون هتقل على الاقل 2000 جنيه برده
لان المعارض بره التوكيل بتعرض العربية بخصم لغاية 2000 جنيه وممكن الاعضاء فى المنتدى ياكده كلامى
وشكرا يا استاذ محمد على المشاركة وطبعا هى عربية متميزة ماشاء الله

**densfog** · 18-02-2009 02:38 PM

يوجد احد المعارض فى مدينه نصر تقريبا اسمه رضا حمزه كان عامل اعلان فى الجرايد وكان منزل الجين2 مانيوال ب 82000 جنيه والله اعلم صادق ولا الموضوع فيه حاجه

**ahmedsiyam** · 18-02-2009 04:09 PM

الاسعار دلوقتى فى التوكيل و بره التوكيل اقل حوالى 3000 من السعر الرسمى
ولسه واحد صديقى منفذ فى واحدة كاملة اوتو بـ 88000 جـم

**Sameh** · 18-02-2009 04:22 PM

لسة مش كفاية ((((((لاااااازم تنزل)))))))

**saidbakr** · 18-02-2009 04:51 PM

مع احترامي لكم أجمعين، ألفين جنيه أيه يا حضرات اللي بتتكلموا فيها؟!!! يا جماعة الأسعار المفروض تنزل أكتر من كدة كتير احنا المفروض لما نيجي نتكلم عن نزول اسعار يبقى لازم نتكلم عن نسبة تخفيض مئوية و موش عن شوية جنيهات لا راحت و لا جت.

إحنا المفروض نتكلم عن 30 او 40 % تنزيل في السعر و ده عادل جدا وموش هيضر الوكيل او الموزع بتاع العربية في أي حاجة، إلا إذا كان الوكيل بيعتبر ان هامش الربح الخيالي اللي بيقرب من 100% او يمكن يعديها هو أقل ربح علشان ما يخسرش؟!!!

العملية كلها يا سادة عملية طمع و جشع من الوكلاء و الموزعين. لا أكثر و لا أقل و انهم لاقيين زباين ممكن يحتالوا عليهم بسهولة مطلقة.

علشان كدة بنقول : خلوها تصدي.

**KoDaK_Gti** · 18-02-2009 04:59 PM

المشاركة الأصلية كتبت بواسطة saidbakr

مع احترامي لكم أجمعين، ألفين جنيه أيه يا حضرات اللي بتتكلموا فيها؟!!! يا جماعة الأسعار المفروض تنزل أكتر من كدة كتير احنا المفروض لما نيجي نتكلم عن نزول اسعار يبقى لازم نتكلم عن نسبة تخفيض مئوية و موش عن شوية جنيهات لا راحت و لا جت.

إحنا المفروض نتكلم عن 30 او 40 % تنزيل في السعر و ده عادل جدا وموش هيضر الوكيل او الموزع بتاع العربية في أي حاجة، إلا إذا كان الوكيل بيعتبر ان هامش الربح الخيالي اللي بيقرب من 100% او يمكن يعديها هو أقل ربح علشان ما يخسرش؟!!!

العملية كلها يا سادة عملية طمع و جشع من الوكلاء و الموزعين. لا أكثر و لا أقل و انهم لاقيين زباين ممكن يحتالوا عليهم بسهولة مطلقة.

علشان كدة بنقول : خلوها تصدي.

+11111111111111كلام مظبوط