الموضوع: ايه احلى حاجه فى مصر ؟

المشاركة الأصلية كتبت بواسطة mohamedezat

انا مستنى مشاركتك من بدرى حمدالله ع السلامه بس بجد انا توقعت ان مافيش حاجه هاتعجبك فى البلد دى بس اللى كنت عاوز اعرفه اللى مش عاجبك بس باردو ماذكرتهوش
ممكن بقا يادرش تقول بجد حاجه عجبتك فى البلد دى وحاسس انها مش موجوده فى اى بلد تانية
تحياتى

انت عايز المفيد .. حاضر .
بامانة اللى مش عاجبنى فى البلد دى هى حاجة واحدة فقط ..
سلبية الشعب اللى ساكن فيها مش اكتر ..
انا شعرى قرب يشيب من كتر مانا مزهول من السلبية اللى فيها الناس ...
اقسم بالله انى ما شفت سلبية فى حياتى بالكمية دى ..
الناس بقي كل همها فى جمع الاموال ومراعاة المصلحة الشخصية فقط لا غير وفاكرين ان ده الصح !!
وكل واحد بقي يحلل الحرام على مزاجه علشان يضحك على نفسه
الجاهل بيتمادى فى جهله ومفكرش فى يوم يبص كويس فى المرايا ..
الحرامى مفكرش يتوب ..
الناس بتموت وهى عنيها على الحكم والسلطة والفلوس ونسيوا ان ربنا هيحاسبهم مهما عملوا ..
من اكتر من 20 سنة ماشفناش واحد اعترض على نظام الحكم ولا على الفساد وقال كفاية .
من 20 سنة واكتر ماشفناش الناس بتعترض على الغلاء والوباء والقرف الى بتشوفه ...
والله البلد دى عايزة حد زى عمر بن الخطاب كده ولا صلاح الدين ..
ينظفوها من السرقة والنصب والسفالة .
وبعدها يفهموا الناس انهم عايشين حياة غلط ويطوروا حال البلد وحال الشباب و يرجعوا البلد لاسمها القديم
( مـــصـــر ) اللى ربنا ذكرها فى القران وقال ادخلوها بسلام امنين ...
________
اما بقي اللى عاجبنى فى مصر وعمرى ما هلاقيه فى دولة تانية ..
( تــــــــــــاريـــــــــ خ مصر ) .
مفيش دولة على وجه الارض عندها تاريخ زى مصر .
حتى السعودية معندهاش تاريخ زى مصر ..
افتح كده اى كتاب بيتكلم عن مصر منذ بداية الكون لحد محمد على كدا .
وشوف شعب مصر ده كان ايه .
شوف شعب مصر حفر كام مقبرة للغزاة ومفيش دولة احتلته الا لما تحرر منها لان ربنا رازقها بموقع فى الكرة الارضية مفيش زيه ..
فده الشيء الوحيد اللى مش هتلاقى زيه تانى .
يعنى مثلا دكتور احمد بيقول هيوحشوا صوت الاذان وكلمة سلام عليكم .. فلو راح اى دولة اسلامية هيسمع الاذان وهيسمع سلام عليكم برده لكن تاريخ البلد دى مش ممكن يتكتب زيه تانى ابدا ..