كنت عايز اعرف ياباشا شويت معلومات زى نوع الجهاز اية ؟ وصناعة اية؟ وخرج الجهاز كام وات .؟ معاة رموت ؟ ولو عندك معلومات تانى .!!
عرض للطباعة
اشكركم جميعا واسف جدا لتاخري في الرد عليكم
بالنسبة للتوكيل انا سالت المهندس المسئول هناك عن امكانية التركيب في التوكيل لو جبت الجهاز من بره فقال ان التوكيل بيرفض التركيب لان ضمان الجهاز بيكون تبع التوكيل
وسالته لو الجهاز تم تركيبه خارج التوكيل هل بياثر علي الضمان في حاجة كان الرد لو ان الجهاز اللي جاي من بره نفس نوع الجهاز اللي في التوكيل فتركيبه هيكون سهل جدا لان الضفيرة في العربية فيها جميع الفيش اللي بتركب علي الجهاز ده ومش هيحتاج اي لعب في الضفيرة
ولكن لو نوع تاني متركبش عليه نفس الفيش الموجودة واللي بيركب لعب في الضفيرة بتخرج من الضمان بالنسبة للضفيرة فقط
سالت كمان عن الجي بي اس قال ان اللي الهارد وير بتاعة متشال بس بصراحة انا مش مصدقة لانه في الاول قالي ان الانتينة ممنوع تنزل مصر ولما قولتله هجيبها من بره واركبه لقيته بصلي بقلق وقالي الهارد وير مش موجود في الجهاز
الجهاز هو هو بالنسبة لتركيبة لموديل 2009
الجهاز له ريموت موجود معاه هبقي اصورة وارفع الصور علي الموقع اما بالنسبة لنوع الجهاز فالصندوق مش مكتوب عليه نوع كل اللي مكتوب سواء الكتالوج او الصندوق انه خاص للهوندا سيفيك فقط وبرضه هصور اللي مكتوب علي الكرتونة وارفعة علي الموقع علشان لو حد عايز يجيبه من بره لاني عرفت انه في الخليج ارخص بكثير جدا من التوكيل - وطالما ان تركيبه مش محتاج اكتر من توصيل الفيش اللي موجوده وجاهزة في العربية يبقي توفير الفلوس افضل
الجديد في التوكيل انهم نزلوا نظام تامين شامل للعربية من خلال التوكيل عرضه عليا المهندس / محمد مصطفي - وبيكون نظامه انك بتامن علي العربية من خلال التوكيل ولو فيها اي حاجة بتسلم العربية للتوكيل يصلحها وتستلمها منه والتوكيل يحاسب التامين بعيد عن الذهاب للتامين والمعاينات وافلام التامين اللي بتزهق الواحد بس عيبه ان سعره يعتبر عالي هوحسبهالي حوالي 4500 جنيه في السنة لاني موديل 2008
انا مش متابع اسعار التامين بره ولكن اعتقادي انه سعر عالي ولو حد من الزملاء عنده فكرة ممكن يفيدنا عن اسعار التامين
مرة تانية اسف اني اتاخرت عليكم في الرد وتحت امركم في اي استفسار
تحياتي للجميع
شكرا جدا على ردك ياباشا...
انا ممكن اجيب الجهاز من امريكا انا اخويا هناك وجابلى من هناك اجهزة كتييرباقل من نص تمنها فى مصر ..
بالنسبة للتامين السعر اللى انت قلت علية مش غالى انا دفعت 4750 جنية تامين لعربيتى 2009 من شهر ودة كان سعر متوسط كمان ...
انا كان فى شركة سعر التأمين فيها 6000 فى السنة ..التأمين زاد اكتر من النصف من اواخر السنة الى فاتت..
سلام عليكم ورحمه الله وبركاتهاقتباس:
حاجة بتسلم العربية للتوكيل يصلحها وتستلمها منه والتوكيل يحاسب التامين بعيد عن الذهاب للتامين والمعاينات وافلام التامين اللي بتزهق الواحد بس عيبه ان سعره يعتبر عالي هوحسبهالي حوالي 4500 جنيه في السنة لاني موديل 2008
انا مش متابع اسعار التامين بره ولكن اعتقادي انه سعر عالي ولو حد من الزملاء عنده فكرة ممكن يفيدنا عن اسعار التامين
ازيك يا باشا اتمنى انك تكون بخير
هاقولك حاجة حلوة اووى
التوكيل و التأمين بتاع الشرق
شوية حرامية بجد
مظبطنها سوا ومعلين النسبة
انا كنت عامل موضوع عن التأمين فى المنتدى العام
http://www.nilemotors.net/Nile/showt...780#post704780
واقرأ وشوف ايه اللى تم
اتمنى افيدك
ويجعله عامر
انا عاوز اعرف ازاى يتم التحكم فى الكاسيت
و ازاى يتم التحكم فى الكاركيت
هل الكاسيت تاتش سكرين و لا ايه
يعنى برد على الارقام ازاى و اتصل ازاى
و المايك اللى بتكلم منه فييييين؟؟؟؟
و هل الكاسيت لغى التحكم من الدركسيون و لا لا؟؟؟؟
على فكرة البنى ادم ده مش هاتعامل معاه تانى لانه بجد مستفزاقتباس:
المهندس / محمد مصطفي
فى اخر مرة بعمل صيانة خنقنى
ثانياً هو عرض عليه التأمين وبجد فى شغل نصب عالى اوووى
لو حد اتعامل معاه تانى ياريت يبقى ناشف معاه شوية عشان يشوف شغلة كويس
ويجعله عامر