:U_thin1[1]:عايز اعرف مكان اشترى منه تابلوة 128 وطارة وعايز اعرف ثمنهم ؟:B4_611:
عرض للطباعة
:U_thin1[1]:عايز اعرف مكان اشترى منه تابلوة 128 وطارة وعايز اعرف ثمنهم ؟:B4_611:
ماكنش العشم يا رجالة ..... انا عايز حد يفيدنى علشان انا بجدد العربية بتاعتى .. ولو حد عارف اجيبهم منين مستعملين وبكام ؟
معلش يا رجالة حد يفيدنى ضرورى !!!!!
هي عربيتك موديل كام - عادة ولا معدل- والطارة اللى عايزها الاصلي ولا ممكن التركي
:verygood:شكراً يا ايهاب على اهتمامك ... عربيتى موديل 1977 معدل ... ياريت تقولى سعر الاصلى والتركى ومنين اجيبهم جديد او مستعملين :S_thum1[1]:
العفو على ايه أحنا أخوات
* بالنسبة للتابلوة المعدل حوالي600 جنية أستعمال خارج شامل العدادات وممكن يزيد أو يقل السعر حسب الحالة
* الطارة الأصلي حوالي 150 جنية
*التركي " أسبور" بس نصيحة بلاش أنا ركبتها وشلتها بعد شهرين حوالي 75 جنية
بس ممكن اعرف حالة التابلوة والطارة اللى عندك اية ؟ ولية عايز تغيرهم ؟
سلام.
معلش نسيت أقوللك أنا من أسكندرية ومش حعرف افيدك
عن الاماكن في القاهرة بس ممكن تكون في الحرفيين
وانا تحت أمرك في اي استفسار
سلام.
ماتشوف بتاع الاوبل كورسا بيبقي شكله شيك بس بصراحه مش حقدر افيدك بكام ومنين
هوا بتاع الاوبل ممكن يركب على ال 128 ؟؟
لو حد يعرف تابلوه الاوبل كورسا اللى بيركب على ال128 بكام علشان انا بفكر اجيبه
طبعا ياباشا تابلوه الكورسا يركب علي ال128 علي طول وبيبقي اشيك شوف الصوره دي كده مع ملاحظه ان تابلوه الكورسا أسود
http://www.postimage.org/aV2fO7q9.jpg
يا باشا التابلوة والطارة موجودين فى الوكالة وعزبة شلبى......
انا بتاع استعمال خارج وعندى كل حاجة 128الاصلية بسعر ممتاز رقمى 0120564842والتابلوة 400والطارة 120
طيب ممكن حضرتك تورينا صور التابلو الي عندك والطارة ومكان حضرتك فين .
لو عايز تعدل يبقى تركب بتاع الا كسنت تحفه وانا شوفتو بنفسى فى بور سعيد
ومش غالى حوالى 300جنيه ومتجبهوش من الحرفين لانهم حريفه اشتغلات
وخصوصا لما يعرفوا ان انت معاك عربيه تانيه وعايز تعدل
السلام عليكم ورحمة الله وبركاته
أولا : التابلوه والطارة ممكن تلاقيهم عند ناس كتير في" عزبة شلبي " مسطرد ده أقرب من الحرفيين وفي حاجات فيات كتير ومحلات كثيرة والأسعار معرفش تحديدا كن في فصال وبكتير يعني لو حد مثلا قالك 500 قوله تمشي 200 وسيبه لانه عارف ان في غيره هايكلم معاك وممكن توصل لسعر مناسب
ثانياً : في رأي لو تابلوه الكورسا يركب زي ماهو واضح في الصورة طبعا يبقى أحسن ويدي منظر أحسن "يعني مثلا أنا شوفت عربية فيات 125 مركبة تابلوة دايو بس كان شكله جميل "
انا كتبت تعليقي في نفس الوقت اللى كان فيه الأستاذ Tefahossam بيكتب الاكسنت ورأي
اه ممكن تابلوه الأكسنت جميل جدا بس هات الكامل بRPM طالما عايز تظبط تظبيطه محترمه وممكن تلاقيه في عزبة شلبي أيضا لان في هناك كذا واحد بتاع هيونداي ولو جيبت طارة اكسنت هتلاقي منها طارات ايرباج طبعا انت مش هتشغله لكن هي شكلها اجمد بكتير من الطارة الاكسنت العادية بس خد بالك من تظبيط الكلاكس علشان سلوكه بتكون تحت الايرباج
بتاع الاكسنت شديد جدا واعتقد انه هيبقى ارخص من تابلوه الكورسا