إمبارح قررت لأول مره اني اعمل ظبط زوايا من ساعه ماشتريت العربيه
والسبب اني عملت تبديل لاماكن الاطارات
بالرغم من عدم وجود اي مشاكل او تأثير
بس انا يمكن ساعات بكون محسوك شويه وساعات بكسل جدا
المهم روحت بنزينه وطنيه ودي اول مره اتعامل مع ورشهم
الحقيقه الاجهزه عندهم جديده والمعامله جيده ومفيش زحمه
الفني ابتدي يشتغل فيها وبعد شويه جه قاللي
العربيه مظبوطه انتي جايبها هنا ليه؟ كان بس فيها حاجه بسيطه ظبطهالك .
قلت كويس الحمدلله
وانا راكب وماشي قاللي انا كلبشتلك العجل شويه فهتلاقي الدركسيون اتقل حبه
للأسف مكنش في وقت اجربها بعد ماخلصها
علي فكره العربيه هي ياريس و الباور بتاعها كهربه لو حد فيكم جرب يسوقها هيلاحظ النعومه "المفرطه" للدركسيون

لما جيت اركبها النهارده فعلا الدركسيون فقد 10-20% من نعومته المعتاده
زائد اني حاسس ان العربيه فعلا مكلبشه مع السرعات الاعلي نسبيا
السببين دول ممكن يخلو العربيه stable اكتر مع السرعات العاليه
انا قبل كده كنت بوصل لسرعه 160-170 وماشاء الله الاستابيلتي كانت ممتازه ومش محتاج اكتر من كده
ياتري اللي عمله الفني ده ممكن يكون ليه تأثير سلبي علي الكاوتش أو علي الباور الكهرباء مع الوقت؟
وايه الفكره في الكلبشه اساسا؟