ساعدو اخوكم الغلبان ؟

**moudy2002** · 27-08-2007 05:07 PM

احبائى فى احلى منتدى
لسة شارى عربية اكسنت 1500 موديل 2000 وطبعا محتاج اظبط فيها كذا حاجة زى الفتيس مش سلس وساعت بيعلق فى المرشدية والاول كمان فى صوت رعشة زيادة فى العربية وتزيق فى المساعدات ..
دورت كتير فى المنتدى على مراكز الخدمة بس مش لاقى غير كارتك . طبعا دة فى اخر الدنيا وانا مش فاضى علشان ظروف شغلى ..
محدش يعرف مركز خدمة يكون كويس فى مدينة نصر او مصر الجديدة او شارع بورسعيد
ارجو الاهتمام بالرد كعادة المنتدى والاخوان الكرام
وشكرا يا اخوانى وكل سنة وانتو طيبين ورمضان كريم
اخوكم
محمد

**tandeshaker** · 27-08-2007 10:51 PM

في ورشه في الحرفيين بتاعه مهندس كان شغال في غبور اسمه احمد سابق ونمره تليفونه 0122111660 وكمان عنده صنيعيه شطار جدا في الهونداي لانهم متخصصين فيها جدا

**Karim_Monir** · 28-08-2007 03:03 AM

احمد غالي شوية عارفة كويس وبعدين بالة مش طويل
احسن واحد طبعا وجدي هيونداي ده في الحرفيين برضه بس بيشتغل جمعة وسبت بس
ده كان شغال في التوكيل وشغال دلوقتي في مكرسيدس بس برضه شغلة كلة في الاسيوي وخاصة هيونداي
لسه اتنين من زمايلنا في المنتدي راجعين من عندة يشكرو فيه منهم اخونا ابو حمزة

**moudy2002** · 28-08-2007 01:34 PM

انا مش عارف اشكركم الزى على الاهتمام الى انا بشوفة فى المنتدى الجميل دة .
الحقيقة انا كنت بدور على مركز خدمة متكامل لانى عايز اعمل فحص شامل على العربية يمكن فى حاجة مش مظبوطة انا مش واخد بالى منها .
فشكلها كدة هاخد يوم اجازة وروح كارتك وامرى لله .
فى بردة مركز خدمة اسمة مودرن سيرفيس جروب جانب السندباد . واحد قلى علية .. حد جربة دة ولا اية ؟

وشكرا للاهتمام مرة تانية .. وربنا يجعلنا نساعد بعض كدة على طول.