عندى مشكلة فى سحب العربية بعد الصيانة 5000 كم افيدونا لو تكرمتم

**dansawy** · 18-02-2009 12:44 PM

انا يوم السبت رحت عملت صيانة ال5000كم فى مركز الصيانة العند مسرح البالون وكان عندى مشكلة فى الفرامل واطية شوية والغيار الثانى كان تقيل شوية وعملو الكلام دة فى الصيانة وغيرو الزيت بس بعد مامشيت لقيت ان سحب العربية مبقاش زى الاول الفرامل عليت والدبرياج بس البنزين ادوس ياخد وقت علىبال ما ادى غيار تانى فهل المشاكل الكانت عندى تصليحها ممكن يأثر على السحب فى العربية ولكم جزيل الشكر

**cobco** · 18-02-2009 01:28 PM

ممكن اسألك انت دفعت كام فى الصيانه التانيه؟

**dansawy** · 18-02-2009 02:09 PM

انا دفعت فى صيانة الـ 5000 كم 299.20 بظبط شامل ضريبة المبيعات دة كان تمن الزيت والفلتر واى شكاوى فى العربية بتتعمل من غير فلوس تانية يارب اكون قدرت افيدك على قد معرفتى

**khpopo** · 18-02-2009 06:39 PM

المشاركة الأصلية كتبت بواسطة dansawy

انا يوم السبت رحت عملت صيانة ال5000كم فى مركز الصيانة العند مسرح البالون وكان عندى مشكلة فى الفرامل واطية شوية والغيار الثانى كان تقيل شوية وعملو الكلام دة فى الصيانة وغيرو الزيت بس بعد مامشيت لقيت ان سحب العربية مبقاش زى الاول الفرامل عليت والدبرياج بس البنزين ادوس ياخد وقت علىبال ما ادى غيار تانى فهل المشاكل الكانت عندى تصليحها ممكن يأثر على السحب فى العربية ولكم جزيل الشكر

ارجعلهم تانى المفروض العربية فى صيانة 5000 بتبقى احسن من الاول كتير وخفف الدبرياج لو عالى ومبروووك صيانة الخمسة

ربنا يوفق

**husseinodeba** · 18-02-2009 08:55 PM

اولا مبروك صيانه ال5000
انا لما عملت صيانه ال5000 من حوالى اسبوع كانت عندى نفس مشكله الفرامل والفتيس اللى بيعصلج
الصراحه العربيه بعد الصيانه اصبحت حاجه تانيه خالص وخاصه السحب ...ممتاذ
ارجعلهم ان امكن

**M.Nabil** · 19-02-2009 01:18 PM

الف مبروك عليك صيانة ال5000 وعقبال ال5000000000.
زي ما قال الاعضاء الكرام حضرتك ترجعلهم تاني, وتخلي حد يطلع معاك يجربها قبل ما يشتغل فيها وقبل ما تستلم اطلع جربها مع المهندس تاني شوف المشكلة لسة موجودة ولا اتحلت.
متستلمش ولا تدفع مليم غير لما تتاكد ان كل حاجة تمام زي ما طلبت.