الموضوع: عايز اسعر عربيتى الفرنا

المشاركة الأصلية كتبت بواسطة ashraf_fathy0

والله عربيتك انت ادرى بحالتها لكن غبور عمرهم ما بيوصلوا ل 70 % من القيمه
عموما ممكن تقلنا عايز تغير ليه؟

كلامك صح ايام ما جيت اشتريها كان فية اعلان لغبور عن استبدال العربية لحد 70% من ثمنها و غالبا دا اكبر سعر عندة مهما كان الموديل او حالة العربية

و عايز اغير لاسباب منها اولا مشاويرى بسيطة و جوة البلد فمش محتاج 1600 سىسى كمان كنت عايزها هاتش باك علشان اقصى ارتفاع لاى حاجة فى الشنطة صندوق بارتفاع يمكن 30 سم و انا اضطريت ااجر عربية نص نقل ب 80 جنية علشان انقل حاجة مربعة حوالى 45 سم
(لسة فية الف حاجة حنقلها بعزل من بيت لبيت و لسة حجهز شقتى فححتاج مشاوير و نقل للصبح مش معقول كل مرة ااجر عربية)
فحسيت ان الهاتش باك حيوفر لى البنزين و مساحة النقل (على الكنبة الخلفية) و سهلة الركن فى اى مكان و اقتصادية.