الموضوع: الفرامل ضعيفه لو العربية بارده

المشاركة الأصلية كتبت بواسطة shoudy2005

السلام عليكم و رحمة الله و براكاته انا لاحظت حاجة فى الفرامل مش فاكر اذا كانت موجودة من زمان ولا ظهرت من قريب و هى لما العربية تفضل راكنه اكتر من نص يوم و اجى ادور و امشى الفرامل بتبقى ضعيفة شوية اول 5 دقائق و بعد كده تكلبش جامد بمعنى اصح لو العربية باردة الفرامل بتبقى ضعيفة و لما تسخ شوية بتكلبش جامد اللى متأكد منه ان الماستر سليم لكن فيه حاجة شاكك فيها و هى غطاء خزان الزيت مكتوب عليه use only dot 3 brake fluid و الراجل اخر مره حطلى dot4 ate فهل ممكن تكون ديه المشكلة؟

الفرق بين dot 3 و dot4 هو درجة الحرارة التى يتحملها الزيت وطبعا dot4 أفضل لأنه بيعمل حتى لو الحرارة أرتفعت...يعنى مافيش مشاكل

طب ممكن يكون عيب سيرفو؟ لما بكارك فرامل بسرعة و العربية دايرة الشكمان بيقطع و المتور بيرعش هل ده عادى

ملحوظة اخرى و هى ان النقلة التانية و الثالثة بتعض بسيط لو العربية باردة لكن لما تسخن النقلة بتيجى ناعمة الدبرياج عندى بزيت

المشاركة الأصلية كتبت بواسطة shoudy2005

ملحوظة اخرى و هى ان النقلة التانية و الثالثة بتعض بسيط لو العربية باردة لكن لما تسخن النقلة بتيجى ناعمة الدبرياج عندى بزيت

ده بسبب ثقل زيت الجربكس..وبيخف مع الحرارة
أستخدم زيت جربكس ذات لزوجة أقل..

المشاركة الأصلية كتبت بواسطة shoudy2005

السلام عليكم و رحمة الله و براكاته انا لاحظت حاجة فى الفرامل مش فاكر اذا كانت موجودة من زمان ولا ظهرت من قريب و هى لما العربية تفضل راكنه اكتر من نص يوم و اجى ادور و امشى الفرامل بتبقى ضعيفة شوية اول 5 دقائق و بعد كده تكلبش جامد بمعنى اصح لو العربية باردة الفرامل بتبقى ضعيفة و لما تسخ شوية بتكلبش جامد اللى متأكد منه ان الماستر سليم لكن فيه حاجة شاكك فيها و هى غطاء خزان الزيت مكتوب عليه use only dot 3 brake fluid و الراجل اخر مره حطلى dot4 ate فهل ممكن تكون ديه المشكلة؟

هو أحتمال تواجد درجتين من الزيت هو السبب.....وبالذات لأن الDOT4 ..... .. المفروض بيستخدم فى مدى درجات الحراره العالى لعد أنهيار لزوجة الزيت وأضافاته.....- علشان كده ممكن يكون الزيت الDOT 4 مش مناسب للأستخدام معاك....وبالذات وأن مواصفات الزيت موضحه وهى على غطاء تنك الزيت وهى الDOT 3

-وفى الغالب هو ده السبب فى الحاله اللى عندك....حيث بيكون معدل سريان الزيت لمساتر العجل ضعيف شويه فى البدايه وبالتالى الفرامل بتبقى ضعيفه...

- ومن رأيى لو عاوز تحل المشكله دى ....المفروض أنك تنظف الدايره من كل الزيت الموجود حاليا......وتستخدم الزيت المقنن عندك.............ربنا ييسر لك الحال

[/RIGHT]

مشكور يا استاذ سمير على المعلومة يعنى دلوقتى افضى الزيت القديم بسرنجة؟ و ازود الزيت المناسب و احد الهوا من الأربع مساتر؟ اصل شغل الفرامل افضل انى اعملة بنفسى خصوصآ لو هاخد هوا من المساتر