الملصقات والسرعة القصوي

**sasatony** · 19-02-2009 01:33 AM

المشاركة الأصلية كتبت بواسطة dr_timo

ياعم ابقي خلي بالك بعد كدة يعني جاي فوسط البلد وبتسررع طيب عالصحراوي ولا الدائري ماشي لكن وسط البلد دة الواحد لما بيزود عن ستين بيحس انه هيلبس في اللي قدامه

والله ياتيمو مكنتش مسرع اوووووي كانت السرعة العادية
منه لله بقي

**dr_timo** · 19-02-2009 02:00 AM

معلش الحمد لله علي كل شيء ومنه لله فعلا

**khater87** · 19-02-2009 02:05 AM

خير إن شاء الله
بس تخيل لو كان الي مكانك مثلا ده ظابط زميله او وكيل نيابه مع احترامي ليهم بس طبعا الوضع كان هيختلف ؟؟؟؟؟؟
ولا ايه ؟؟؟

**KHALED AYMAN** · 19-02-2009 02:10 AM

طيب انا من كام يوم عسكرى وقفنى فى لجنه يقولى الرخص شافها لقى العربيه بأسم والدى و الرخصه طبعا بأسمى قالى فين التوكيل و الطفايه ؟؟قلتله توكيل مين يا حاج ؟؟قالى توكيل من والدك انك تسوق العربيه ؟؟؟ قلتله امال انا مطلع رخصه ليه مش فاهم و بعدين هو كل ما يدى العربيه لحد ياخده الاول و يطلع الشهر العقارى ؟؟ و فى الاخر قلتله مالك بيه مهران (قائد المرور الى مطلعلى الرخصه) مقاليش اعمل توكيل ولا حاجه و معتقدش انه نسى لانه هو الى مطلعلى الرخصه !!!!!!!! قالى طيب اتفضل الرخص اهه و ابقى حاول بعد اذنك تسأله فى موضوع التوكيل ده !!!!! و كمان ما شافش الطفايه هههههه .
والله حاجه غريبه جداااااااااااااااااا .

**MoToRiZeR** · 19-02-2009 02:15 AM

إنت كنت لازق إيه عالعربية عشان الملصقات ؟

**ابوهاشم** · 19-02-2009 02:34 AM

يعنى نسيب العربيه ونمشى على رجلينا طيب نعمل ايه بس واخرتها ايه فى اللى بيحصل ده

**eslam_wega** · 19-02-2009 04:38 AM

المشاركة الأصلية كتبت بواسطة venus-doom

طيب انا من كام يوم عسكرى وقفنى فى لجنه يقولى الرخص شافها لقى العربيه بأسم والدى و الرخصه طبعا بأسمى قالى فين التوكيل و الطفايه ؟؟قلتله توكيل مين يا حاج ؟؟قالى توكيل من والدك انك تسوق العربيه ؟؟؟ قلتله امال انا مطلع رخصه ليه مش فاهم و بعدين هو كل ما يدى العربيه لحد ياخده الاول و يطلع الشهر العقارى ؟؟ و فى الاخر قلتله مالك بيه مهران (قائد المرور الى مطلعلى الرخصه) مقاليش اعمل توكيل ولا حاجه و معتقدش انه نسى لانه هو الى مطلعلى الرخصه !!!!!!!! قالى طيب اتفضل الرخص اهه و ابقى حاول بعد اذنك تسأله فى موضوع التوكيل ده !!!!! و كمان ما شافش الطفايه هههههه .
والله حاجه غريبه جداااااااااااااااااا .

ههههههههههه ده عسكرى غلبان اوى
بس عارف ف هو اساس ملوش حق يسال عن الرخص لان ده مجرد عسكرى

**meromar** · 19-02-2009 09:11 AM

ربنا معاك بجد موضوع سحب الرخص دة دوخة ميعلم بيها الا ربنا ..انا عاوز اعرف بس ياجماعة يعنى اية ملصقات؟؟؟؟؟؟؟؟يعنى لازم ازاز العربية ميكنش علية اى حاجة خااااااااالص ولا حتى كلمة صغيرة ولا هما عاوزين اية بالظبط انا مش فاهم امتى اخد غرامة ملصقات ياريت اللى يعرف يقولنا يا جماعة

**memoo_1st** · 19-02-2009 09:52 AM

والله فعلا حاجة تزعل انا قاعد اقرا الموضوع وحاطط نفسي مكان صاحب العربية دا وحاسس اني هكون مخنوق جدا من الظابط دا والله المفروض بدل ما يسموها ادارة المرور يسموها ادارة التلاكيك .
وفعلا حسبي الله ونعم الوكيل .
وبعدين انا بجد مستغرب هيا الناس دي مش عارفة ان فية ربنا يعني هوا لما يفتري على واحد كدا ويبهدلوا علشان الرخصة طيب ما هوا بردوا هيجيلو الي يطلع عينة .

**tamertamer** · 19-02-2009 11:54 AM

على فكرة مش من حق الظابط مدام مصوركش يعنى مفيش دليل مادى ملموس انة يسحب الرخصة انا لو مكانك كنت سحبت رخصى من ادية وتخدة على القسم وتكلم المامور وتعملة مشكلة وتبعت فى شكوة وتعمل مصيبة وتعملة محضر تعدى على حريتك الشخصية التى تتمثل فى اهدار وقتك الثمين بغرض حثك على اعطاءة اى شىء او تشكيكة فيك على اساس غير صحيح وجبلة شهود وودية فى دهية عشان يتربة عشان لما يتنقل يعرف ان الله حق وانت راجل قوات مسلحة يعنى هو هيبقا خايف لوحدة يجدعان متسكتوش على المصايب دية

الموضوع: الملصقات والسرعة القصوي

LinkBack

أدوات الموضوع

عرض

-

-

-

-

-

-

المواضيع المتشابهه

منين اجيب مقص (كتر بلوتر) لتقطيع الملصقات والاستيكرات

الملصقات الفسفورية

السرعة القصوي الاكثر ثباتا والسرعة المثاليه لاستهلاك الوقود

قانون الملصقات و المتعلقات

قانون الملصقات و المتعلقات

الكلمات الدلالية لهذا الموضوع

المفضلات

المفضلات

ضوابط المشاركة