عرض للطباعة
كنت عايز اعرف شويه معلومات عن ال Ford taurus
لأنى فكرت اشتريها و ابعد عن الفولفو شويه
اللى اعرفه انها 3000 cc
6 سلندر أعتقد انها جر خلفى و الله اعلم
بس عايز أعرف اسعار المستعمل ايه و استهلاكها للبنزين و قطع الغيار و التوكيل
و هل تنفه تتصلح خارج التوكيل و هكذا
العربيه عاجبانى من فتره لأنى من محبى السيارات الكبيره
ايه يا شباب
محدش عنده معلومات عن العربيه دى؟
سؤال صعب ولا ايه؟
هو السؤال مش صعب.
خد عندك يا سيدي :
فورد تورس الاخت الشقيقه لميركوري سايبل لكن ميركوري هي الفرع الفخم لشركه فورد(مثال تويوتا و لكزس )
موتور 6 سلندر علي شكل حرف 3000V سي سي 24 صباب :| بقوه 200 حصان(يعني مزرعه خيول مش اسطبل كمان :) )
السياره جر امااااااااااااااامي مش خلفي
عربيه تصنف ضمن السيارات الكبيره امثال البي ام الفئه الخامسه و المرسيدس فئه E
ظهرت عام 1985 و تم تعديلها عام 95
ما انصحكش علشان زي ما بيقولو حتقوم من نقره تقع في دحديره .قطع غيارها نادره و ان وجدت حتلاقيها غاليه نار (ما تنساش انها امريكي مش اوربي) و كمان الفولفو ممكن تلاقي حد بيفهم فيها دي ليها صنايعيه محدودين و طبعا اسعارهم نار
شكرآ يا حازم
ربنا يكرمك . كلامك مقنع
و خلينى فى اللى اعرفه بس للأسف لقيت أسعار الفولفو المستعمل بتزيد قوى قوى
شكرآ مره تانيه يا حازم
و ليه عاوز تنزل برضه من فولفو تجيب فولفو تاني!!!!!!!!!
ممكن تركب عربيه في نفس المستوي و برضه كبيره و تستحمل و حتلاقي قطع غيارها علي طول جديد و استعمال.؟
عارف هيا ايه؟؟؟
مرسيدس التمساحه مثلا موديل من 77 لحد 84 عربيه جميله جدا و ركوبها روعه و اسعارها حتلاقيها معقوله و كفايه بس انك راكب جواها و مرتاح و نجمه مرسيدي باينه في وسط الكابود :lol: احساس وهمي بصراحه.
ولو معاك فلوس ازيد هاتلك زلموكه و برضه حتعيش في عربيه كبيره زي ما انت عاوز.
انت محسسنى انى بنزل من كارو و بركب كارو تانى :P
طيب ماهو فيه كارو احدث شويه :wink:
بص يا سيدى الفاضل
فيه 3 انواع عربيات مابحبهومش
المردسيدس و البيجو و الفيات
طبعآ هتسأل السبب
اسعار العربيات دى فى المستعمل خرافيه و مش عارف ليه
مش ده موضوعنا
يهمنى ان تكون العربيه مش منتشره و كبيره و موتور جامد و هكذا
مايهمنيش الأوبشن قوى قد مايهمنى الموتور و العفشه و الثبات
على فكره انا فكرت فى فورد مونديو برضه
بس ليه صديق اشترى مونديو موديل 99 تقريبآ و ب 53000 عامله 250000
و عايز يجيبلها موتور استيراد
غير انى بسمع ان عربيات موديلات اواخر التسعينات و موتورها بيفوت و كده
مش بتستحمل يعنى
لا كارو ولا حاجه انا مش قصدي طبعا اوعي تكون زعلت.
الفولفو عربيه محترمه اوي لكن مش منتشره و تغلبك في التصليح و قطع الغيار.
اسعار المرسيدس و الفيات و البيجو غاليه علشان ليها سوق و قطع غيارها متوفره و فيه ناس بيفهمو في تصليحها و دا سر اللي مخليها غاليه.
يعني هيا معادله:
تركب عربيه جميله و رخيصه لكن تدوخك في قطع الغيار و التصليح و باسعار وهميه
ولا تركب عربيه نفس الفئه جميله و غاليه برضه لكن قطع غيارها موجوده و اسعارها مناسبه و اي حد يصلحهالك و تبقي زي الفل؟؟؟؟؟؟
طبعآ عربيه جميله و محترمه و جامده و اسعار قطع الغيار غاليهاقتباس:
تركب عربيه جميله و رخيصه لكن تدوخك في قطع الغيار و التصليح و باسعار وهميه
ولا تركب عربيه نفس الفئه جميله و غاليه برضه لكن قطع غيارها موجوده و اسعارها مناسبه و اي حد يصلحهالك و تبقي زي الفل؟؟؟؟؟؟
قطع غيار الفولفو غاليه فعلآ بس معمره جدآ
هى فعلآ مش اى حد يفهم فيها بس خلاص عرفت ايه مشاكل العربيه و اجيب قطع الغيار من فين و كده يعنى
طبعآ مش زعلاناقتباس:
لا كارو ولا حاجه انا مش قصدي طبعا اوعي تكون زعلت