حرارة المحرك

**MMamdouh** · 11-09-2007 12:47 PM

الطلمبة فى الغطاء الفبر بتاع سير الكاتينة و حتحتاج تفك حاجات كتير عشان توصلها و كمان يفضل الميكانيكى هو اللى يبص عليها... انا غيرت الطلمبة بتاعتى على 80000 و كانت بدات تسرب فا احتمال كبير الطلمبة بتاعتك تكون بتسرب بس اتاكد من الميكانيكى احسن

MMamdouh

**أبو عبدالله** · 18-09-2007 03:55 PM

الميه الخضرا محدش غالبا بيغيرها يا عبدالله هما بيزودوها بس ماشي
وزيت الفتيس برضه محدش بيغيره ولكن في الكتالوجات بقولك انه بعد مش فاكر كام الف كيلو بيتغير ولكن الميكانيكيه بيقولك تزوده لو ناقص

موضوع الميه ده انصحك انك تعمل غسيل للرادياتير وتحط مياه خضرا بتاعت موبيل
ولكن على فكره هيا الدايو بتبقى سخنه كده عادي من بره ومن داخل الكبوت زي الأوبل كده بما انها هيا هيا

**MMamdouh** · 19-09-2007 11:11 AM

المشاركة الأصلية كتبت بواسطة Mohamed A S

الأخ الكريم MMamdouh
بالنسبة لتسريب قربة الميه لمياه الردياتير .. فعلاً طلمبة الميه عاوزه تتغير .. الميكانيكي شافها وقالي فعلا التسريب منها .. يا ترى طلمبة الميه دي أنواع والا إيه .. ولو كانت أنواع إيه أفضل نوع .. وبكام .. ولك جزيل الشكر

الطلمبة الاصلى بحوالى 85 جنية و فى نوع ايطالى احسن من الاصلى ب 120 جنية و فى نوع صيتى ب 45 جنية

MMamdouh

**MMamdouh** · 19-09-2007 04:14 PM

انا جبت الايطالى لان شكلها كان احسن شوية و الباع نصحنى بيها... انا دخلت على السايت بتاع الشركة اللى عاملة الطلمبة و لقيتها شركة كبيرة بتعمل طلمبات لعربيات كتير و طنابير فرامل كمان

الطلمبة الاصلى حتبقى فى علبة كرتون بنى و عليها ستيكر ابيض بتاع GM

MMamdouh

**elhathoti** · 30-07-2009 02:31 AM

فعلا المؤشر ليس معيار على درجة سخونه العربيه انا عندى لانوس 1 موديل 2000 ومن يوم ماجبتها والمؤشر مازدش عن قبل النص بشويه قليلين والعربيه كانت بتسخن وتبطل والميه تنقص والمراوح كمان مابتشتغلش والمؤشر عمرو مازاد

**zaza2002** · 30-07-2009 09:38 AM

طيب دلوقتى انا القربه عندى فيها ميه عاديه وشكلها متعكر افك القربه واغسلها واحط ميه خضرا ولا ايه ولو ممكن تقولولى ايه الفرق بين الميه الخضرا والميه الزرقا وايها احسن ولكم جزيل الشكر