معروض عليا عربية شيروكي 94 نظيفة أوي وفابريكة بالكامل كاملة أوتوماتيك 4 سلندر يا تري تساوي كام وأيه أخبار أسعار قطع الغيار وأستهلاك البنزين أرجو الأفادة ولكم جزيل الشكر
عرض للطباعة
معروض عليا عربية شيروكي 94 نظيفة أوي وفابريكة بالكامل كاملة أوتوماتيك 4 سلندر يا تري تساوي كام وأيه أخبار أسعار قطع الغيار وأستهلاك البنزين أرجو الأفادة ولكم جزيل الشكر
بصراحة انا ركبتها مرة واحدة و كانت مش مريحة خاااااااااااااااااااااااا لص كانت ناشفة جدا جدا و دة طبعا لأنها معمولة للطرق الغير معبدة
السلام عليكم
انا برده معروض عليا نفس الموديل تقريبا بس مانيوال
فممن حد يفيدنا في تساوي كام وأيه أخبار أسعار قطع الغيار وأستهلاك البنزين
مشكووووورين
بيني وبينك يا وائل أنا معايا عربيتي السيدان مريحاني والحمدللة بس عايز أحس بقوة الجيب بالأضافة لفخامتها علي الطريق بس ملاحظاتي المبدئية بالنسبة للشيروكي واللي كتير خوفوني منها أن صالونها ضيق بالذات الكنبة وقطع غيارها غالية جدا بالأضافة ودي أسوأ حاجة أن مطباتها ناشفة جدا علاوة علي ذلك أن الثبات بتاعها ميتقارتنش بالسيدان بيني وبينك أنا محتار فياريت حد يفيدنا بجد
وشكرا
يظهر انه لا حياة لمن ينادي !!!!!!
ممكن تستنى الأخ حازم حزة لما يرجع ان شاء الله من السفر لأنة معاة واحدة
يرجع بالسلامة ان شاء الله
واحنا في الانتظار
معلوماتي عنها انها حريقة بنزين (4000 CC بتعمل 70 كم في الصفيحه)
ناشفة جدا
ثبات متواضع مع السرعات العاليه
الكنبه ضيقه
قطع الغيار غالية نسبيا (عادية بالمقارنة بفئتها)
معظم المستعمل موتورة مفوت و يستحسن التأكد تماما من الشاسية و حالة الموتور - معظم العربيات اللي شفتها كان جسم الموتور بينشع زيت.
الصعود اليها مشكلة و بالذات لكبار السن
في المقابل
عزم مبهر
قوة مع المطبات يعني متخافش من معظم اللي الناس بتخاف منه
قوة علي الطريق مع معظم الميكرباصات حيث البقاء للأقوي :P
ده علي قد ما انا عارف و كل واحد بيحب دماغة
أنا هتكلم عن ال 2003 3700 CCاقتباس:
المشاركة الأصلية كتبت بواسطة FASTER
بالنسبة للثبات أنا وصلت بيها 170 وبعدين صوتها علي جامد وخفت أزود لكن الثبات كان معقول
قطع الغيار والصيانة بتتكلف صيانة كل 5000 كلم حوالي 400 جنيه تغير زيت وكشوفات عند عز العرب
ضيقة من الداخل وبالذات الكنبة الخلفية
ناشفة على المطبات
والله أعلم
أستاذ أحمد حضرتك تقصد الشيروكي الليبرتي؟
اقتباس:
أستاذ أحمد حضرتك تقصد الشيروكي الليبرتي؟
ايوة يا باشا ال 3700 سى سى و موديل 2003 دية ليبرتى
بالضبط (الشيروكي الليبرتي؟) اللي بفوانيس مدورة من قداماقتباس:
المشاركة الأصلية كتبت بواسطة FASTER
اذا كانت الليبرتي فيها العيوب دي كلها أمال العادية موديل 94 هاتبقي عاملة أزاي
شكراااااااااااااا للجميع
سلام عليكم
الشيروكي ال 94 لو 4 سلندر سعرها حوالي 50 الف اقل او اكثر شوية حسب الحالة ولو 6 سلندر سعرها بيبقى ازيد شوية يعني بين ال 55 و ال60 الف
عيوبها ناشفة جدا وكنبتها ضيقه و صالونها متواضع تماما و غير فخم و المشكلة الكبيرة انها ثباتها سيء للغاية تحديدا في الملفات عالسرعات العالية
التكييف بتاعها سيء جدا جدا و مشاكلة و اعطالة كثيرة جدا و للعلم ان شنطتها ضعيفة جدا لان باب الشنطة فبر و ارضية الشنطة ضعيفة جدا معمولة من صاج رقيق و سمعت كذا حد بيشتكوا من مشاكل بسبب دة
وانت وبختك بالنسبة لحالتها بس خللي بالك ان العربيات دي بقالها 13 سنة ماشية يعني معظمها هالك و بالاخص ال4 سلندر لان الموتور ضعيف على وزن السيارة لكن ال 6سلندر بيستحمل و يعيش وان كان بياكل بنزين
على فكرة انت بتقول ان معروض عليك شيروكي 4 سلندر اوتوماتيك
ودة مش صحيح لان الاوتوماتيك كلة بينزل 6 سلندر و ال4 سلندر كلة مانيوال
فراجع رقم الموتور و اتأكد انة بنفس رقم الشاسية لانة كدة غالبا مغير موتورها ال6 سلندر بموتور 4 سلندر استيراد و ساب الفتيس الاوتوماتيك او العكس
يعني ال 4 سلندر كلة مانيوال انما ال6 سلندر بيبقى اوتوماتيك ومنة بعض الاحيان النادرة مانيوال
تحياتي
هو بصراحة اللي قاللي عالموضوع ده صديق مقرب ليا وهو أللي قاللي أنها 4 سلندر أوتوماتيك وبيني وبينك أنا معلوماتي ضعيفة أوي عن الشيروكي بس اللي شجعني أني أفكر أنه قاللي أنها نظيفة أوي وعاملة حوالي 80000كيلو بس بعد العيوب اللي ذكرتها ألأعضاء أنا أفضل الاحتفاظ بسيارتي السيدان
وشكرا لردود كل الأعضاء المفيدة
مطلوب فيها كام ؟؟؟
لو سعرها مغري حاقولك خدها بس اكشف عليها كويس
63000وممكن تخلص ب60000 أيه رأيك؟ وعلي فكرة العربية فابريكة دواخل وخوارج
كتييييييررررررررررر جدااااااااااااااا
انا اعرف واحد عندة شيروكي موديل 95 لونها زيتي 4 سلندر فابريقة دواخل وموتورها كويس عاوز 53 الف فيها بس تكييفها عطلان عاوز اصلاح لحام خرم بيسرب في السربنتينة و يتشحن و عفشتها تعبانة شوية بس مانصحكش تاخدها
و اعرف واحد معاه عربية كنت حاشتريها من شهرين موديل 1996 6 سلندر مانيوال رالي او سفاري فابريقة برة و جوة راشة بس بابين و فرشها جلد اصلي بس عيبها لونها أبيض وعاوز فيها 65
اللي انت بتتكلم عليها دي كبيرها ال 58000 دة لو فعلا فابريقة الكامل مش كلام و حالتها تمام عفشة و تكييف و موتور و كلة بس زي ماقلت لك الاربعه سلندر في الشيروكي مش كويس لان الموتور ضعيف عالعربية وزي ما بيقولوا الشيروكي مايتركبش غير 6 سلندر علشان تبقى عربية عفٌية
انا رايي تاخد الستة سلندر اللي باقولك عليها حاتعجبك قوي لو اللون الابيض يمشي معاك لأن انا مش باطيقه في العربيات
بس خللي بالك الشيروكي بياكل بنزين قوي و قطع غيارة مش رخيصة
شكرا يا أدهم باشا انا هاعيد تفكيري تاني بالنسبة للشيروكي
العفو ياباشا
ولو عاوز تشوف ال6 سلندر البيضاء ممكن اديلك رقم موبايل صاحبها لو كانت لسة موجودة
و لو عاوز رأيي
لو تقدر تزود فلوس شوية لغاية 85 او اكتر اشتري شيفرولية فرونتيرا انا لسة جايب واحدة من شهر و نص بعد دراسة لسوق العربيات ال 4 *4 و العربية فعلا قوية و مريحه وواسعه و قطع غيارها متوفرة و اسعارها معقولة و بتوفر شوية في البنزين عن الشيروكي برغم ان الموتور اقوى ودة لأنة 6 سلندر بشكل حرف في كرنك قصير و 24 صباب
بس خللي بالك يكون فتيسها بحالتة 100% لأن العيب الوحيد في الفرونتيرا هو فتيسها لو فية عطل او تلف بيتكلف كتير و متعب في اصلاحه بس غير كدة عربية قوية جدا جدا كشاسية و مريحة جدا في المشي زيها زي العربيات السيدان , عفشتها مش ناشفة زي الشيروكي, وكمان تكييفها قوي جدا عن الشيروكي
و اسعارها تبتدي من 85 الف لموديل 1998 و طالع يعني موديل 2000 بيعمل من 100 - 110 و موديلات 2003 بتوصل لغاية 135 الف حسب الحالة و الكيلومتر
الموديل ده تحفة انا مشفتش صاج انشف من كده ممكن تعتبره حديد مصقول موتور قوى للغاية الناس كلها بما فيهم الميكروباصات والمينى باصات بتخاف منك جداً وطبعاً مقابل الميزات هناك عيوب لكن انا شايفها هايلة جداً بس خلى بالك من البواسير لأن العربية قاعدتها وعفشتها ناشفين جداًَ
راى فى الجيب شروكى بصراحه:
1-موتور قوى جدا ملوش اى استخدامات فى مصر
2-بنزين اكيد رهيب
3-عربيه متنفعش تبقى ملاكى او تكون للاسره المصريه
4-مصاريف تشغيلها مش سهله
العربيه ركوبه كويسه وفى ناس غوينها وهى عربيه محترمه ولكن مش لمصر