ماهى طريقة تنضيف فلتر الهواء بتاع المكيف ؟
أوبل أسترا 2001
و شكرا
عرض للطباعة
ماهى طريقة تنضيف فلتر الهواء بتاع المكيف ؟
أوبل أسترا 2001
و شكرا
جيبة جديد افضل واحسن تنضيف اة بس دة انت بتقول فلتر زى فلتر الزيت او البنزين بيتنضفو لا جيبة جديد وهو رخيص مش غالى انت جى على ارخص حجات فى العربية ومش عايز تغيرها هو ماشى معاك اد اة
اخى الكريم
اعتقد انة مش غالى اوى
انما لو عايز تعرف طريقة الفك
اولا هتحل درج التابلوة
ثانيا
هتلاقى الكويل بتاع التكييف اودامك
هتلاقى فية من الجنبة غطاء مربوط بمسامير
فكة
هتلاقى الفلتر محطط شدة ونظفة
واى سؤال انا تحت امرك
أشكرك جدا
أنا بالفعل كنت عايز أعرف مكان الفلتر
و كنت محتار
لأنى دورت كتير ومش لاقى له أى أثر
طبعا هأشتريه جديد
طبعا إذا كان موجود جديد فى السوق
لكن المشكلة أنى ماكنتش عاوز حد يفك لى التابلوه كله علشان يدور على مكان الفلتر
طبعا غير خفى عليكم طريقة الفهلوه للصنايعية فى مصر
أشكرك مره تانيه
موجود هو عامل ذى فلتر الهواء تقريبا يعنى التوكيل بيحط فلوس كتير حق العلامة التجارية ودية بيدفعلها كتير لازم يعوض
انا لسه مغير فلتر التكييف بتاعي (febi) للفيكترا وسعره 30 جند . ومكانه عندي تحت الفبره اللي قبل المساحات وتوصل له بعد ما تشيل الكاوتش الفاصل وتفتح حاجه كده زي الشباك .هو قاعد تحتها . ده بالنسبه للفيكترا مش عارف حيبقي عندك فين . عموما لو وصلتله اوصف مكانه علشان الكل يستفيد .
أشكر كل من شارك فى الموضوع
و توضيحا لمن أراد تنضيف فلتر التكييف
مرفق صورتين لمكانه خلف درج التابلوه
و بالفعل قوة الهواء من التكييف الآن ممتازه جدا
لأنه أول مره يتنضف من سنة 2001
http://www.postimage.org/aV95a4S.jpg
http://www.postimage.org/aV95E0A.jpg
طيب فلتر تكييف الفيكترا ايه فين انا اول مرة اعرف ان فيها فلتر هواء للتكييف يبقى كده من 95 محش عارف عنه حاجة زمانة بقى مصفاه مش فلتر
بص هو بلنسبة للفيكترا هو فعلا موجود تحت الفبرة بتاعت المساحات جمب ماتور المساحات ارفع الكبوت هتلقى جلدة سودة تحت المساحات شيلها وهتلقى فبرة سودة وفى النص باب ارفعة لفوق هتلقى تحتيها الفلتر بتاع التكيف