السلام عليكم و رحمة الله و بركاته

إخوانى أعضاء البيتل الكرام

أنا إمبارح عربيتى إتخبطت خبطة جامدة فى الرفرف اليمين قدام من سواق ميكروباص ( ربنا يريحنا منهم ) , المهم الرفرف إتدمر و إتخلع من مكانه بالمسامير !!!!!
المهم تمالكت أعصابى و قولت قدر الله و ما شاء فعل و الحمد لله على كل شىء.
بس المشكلة إنى مابعرفش أنام لما بيكون فى العربية مشكلة
الأسطى/ حمدى السمكرى
الأسطى / رضا السمكرى ( بنفس الورشة )
تليفون حمدى السمكرى : 0107912765
العنوان : شارع كنيسة القديس يوسف النجار - أمام موقف أتوبيس جامع عمرو بن العاص - قهوة ليالى زمان و كبابجى دعبس على ناصية الشارع - آخر الشارع على اليمين و أمام باب الكنيسة توجد ورشة حمدى السمكرى.
و دى صورة الأسطى حمدى السمكرى:( كان شغال فى توكيل فولكس )



و دى صورة الأسطى رضا :




* الشغل اللى تم فى عربيتى هو :
- فك الرفرف و الفوانيس.
- رد الرفرف و سمكرته.
- تعديل مكان المسامير فى جسم العربية.
- تركيب مسامير جديدة عند تركيب الرفرف.
- سنفرة مكان الخبطة و تنعيمها بالصاروخ.
- فك الإكصدام الخلفى بالكامل و تظبيطه هو و قواعد الإكصدام و تركيب 3 مسامير جديدة بدل الإثنين القدام.
- تظبيط الإكصام الأمامى و الكساحة ( كانو بيلقو و مش ثابتين قوى ).
- طبعاً هو إقترح إنى أرش الرفرف لكن بصراحة كنت مفلس و قولتلو سيبها كدا و توصلنا إننا نجيب ثمن ( 1/8 كيلو) بوية لون العربية و ندهن الرفرف بالفرشه ( عشان المرور ) لحين رش الرفرف.
و دى شوية صور للعربية أثناء الشغل:















و إن شاء الله هارفعلكو صور الرفرف بعد الدهان.
اللى عجبنى إن حمدى السمكرى و رضا السمكرى كانو الإثنين شغالين فى العربية و بعدين فاهمين و جنبهم أو قريب منهم بوهيجى كويس بردو بس مارحتلوش و كمان أسلوبهم و شغلهم نظيف بناءاً على العربيات البيتل اللى شوفتها عندهم.

دفعت مصنعية كاملة لكل اللى فات 100 جنية ( 3 ساعات و نص شغل )و بصراحة مش عارف كتير ولا كويس. و الحمد لله على كل شىء.
*المهم اللى عاوز يروح يكلمنى ... و يقوله أنا طرف مهندس أحمد حسن بتاع البيتل , و هو إن شاء الله يهتم و يقوم بالواجب.

و اللى محتاجنى أروح معاه أنا تحت أمره بأمر الله و لوجه الله تعالى
أحمد حسن : 0100058284