الموضوع: بعد انخفاض اسعار شيفروليه وهيونداى , تويوتا ترفع اسعارها من جديد !!

انا نفسي ان احنا يكون عندنا ثقافة السوق الحر و نظرية العرض و الطلب هي اللي بتتحكم في الاسعار
يعني مثلا الياريس بتتباع بره ب 50 الف جنيه و بعد جماركها و افراجها و سلاطتها و كله بقت تكلفتها 80 الف جنيه
الوكيل بقي حر يعرضها ب 200 الف او 130 المهم يا جماعة اننا كمشترين و مستهلكين يبقي عندنا الوعي الكافي ان سعر العربية دي لا يمكن يزيد عن 96 الف جنيه علي اعتبار ان الوكيل حيكسب 20% و ده ربح عادل جدا و اعلي من كده يبقي جشع و المفروض اننا نحاربه بتفعيل حملة خلوها تصدي ..... طالما مافيش جمعيات حماية مستهلك محترمة يبقي لازم يكون فيه مستهلكين محترمين
لكن انا ضد اننا نحارب العربية نفسها حرصا علي مشاعر اخواننا اللي معاهم ياريس او اي ماركة تانية لان معروف ان التويوتا ماركة محترمة جدا و مش ممكن تتقارن مع احترامي بالكوري ابدا و مقولة ان الياباني ياباني دي مش من فراغ لان فعلا العربية الياباني عربية بلا مشاكل و مش بتاعة مفاجآت زي بعض الماركات الكوري يعني مثلا واحد صديقي لسه شاري النترا 2008 من 6 شهور و من شهر لقي المرايا اليمين مطوسة لوحدها كده و لما راح غبور دوخوه حتي الان مش عارف يحل المشكلة دي
و بالمناسبة لمن لا يعلم انا العربية بتاعتي لانسر مش تويوتا

محمد فهمي