كاوتش عربيتي فرقع على الصحراوي بس ربنا ستر

**ZALABANY** · 19-02-2009 08:19 AM

إمبارح وأنا ماشي رايح في اتجاه كارفور وفي حته مقطوعه كاوتش العربيه الوراني فرقع ركنت على جنب طبعا حته مقطوعه جدا وما فيهاش اي حاجه غير محل منور في وسط الصحراء على بعد 100 متر المهم نزلت الإستبن والكوريك وبدأت أرفع العربية رفعتها لقيت عسكري كبير فيالسن كده ماشي في وسط الصحرا لوحده جالي قالي أساعدك وقف معايا وقعدنا نركب اعجله بس ما كناش شايفين من الضلمه دخل العربيه اوصل بلادوس صغير كده على الولاعه راحت العربية واقعه والكوريك باظ إتنى خالص بس الراجل العسكري راح جابلي كوريك تمساحه من المحل المنور ده رفعنا العربيه وركبنا العجله وببص على الكاوتش اللي فرقع لقيته مش نافع الكوتش منفجر بشكل غريب ومقطع من جوا لدرجة ان التيلا طالع منه بس الحمد لله ربنا ستر وكله بفضل الله وبركة دعاء الوالدين العظيم روح يابني ربنا يوقفلك ولاد الحلال فعلا الدعاء ده عظيم

**أبو إياد** · 19-02-2009 08:41 AM

حمد لله على سلامتك وفادك الكاوتش وربنا يبارك للراجل ده
علشان كده انا بحب البلد دى فعلا المصرى عنده روح المساعده واصله لاعلى قمه

**ZALABANY** · 19-02-2009 08:56 AM

والله يا جماعه لسه في ناس كويسه حتى الراجل صاحب الورشه ما كانش عايز ياخد فلوس خالص علشان ادانا الكوريك عشان كده الواحد المفروض ما يترددش إنه يساعد أي حد على طريق لأننا كلنا معرضين للموقف ده فعلا والله فعلا لو كل واحد شاف حد عطلان او واقف ووقفله وقدمله مساعده هاتفرق كتير أوي

**د.محمود صلاح** · 19-02-2009 11:56 AM

حمد لله على سلامتك وقدر ولطف .... ممكن تساعد اخوانك هنا فى المنتدى وتقول لنا ظروف وملابسات ما حدث معك وذلك لتلافيه ما أمكن ؟ يعنى الكاوتش نوعه ايه ؟ وماشى كام كيلو ؟ وهل ضبطت الضغط قبل ماتتحرك ؟ ومتى آخر مرة ضبطته ؟ وكم السرعة اللى كنت ماشى عليها ؟ وهكذا

**ZALABANY** · 19-02-2009 12:00 PM

والله يا جماعه أنا العربية معايا بقالها يومين بالظبط ما لحقتش حتى اروح اكشف على الكاوتش عشان كده اي حد يشتري عربيه مستعمله لازم يروح يفحص الكاوتش كويس وربنا يستر طريقنا جميعا

**ZALABANY** · 19-02-2009 12:45 PM

والله ياباشا الكاوتش شغال وماكانش باين فيه أي مشكله حتى انفجار الكاوتش اللي حصل حصل في جانب الكاوتش من جهة السيارة وده مستحيل اكشف عليه هو نصيب والحمد لله

**Samir Elshahawy** · 19-02-2009 01:34 PM

ياجماعة أنا لسه كنت مع زميل لي بالعمل بالامس في السويس و هو معاه ياريس 2008 , المهم حصل معاه شئ غريب جدا

هو كان ماشي علي طريق المنصورة - دمياط بسرعة 80 كم/ساعة أجباري (طبعا عارفين ليه) المهم و عربية نقل بمقطورة (تاني المقطورة ) علي يمينه و فجأة وجد العربية بتحدف منه شمال جامد لتصطدم العجلة الأمامية بالبرادورة الأسمنت اللي في وسط الطريق

قام هو لف العربية يمين فأصطدمت العجلة الخلفية هذه المرة ووجد نفسه سوف يصطدم بالنقل فقام بتغيير أتجاهه نحو اليسار مرة أخري و للمرة الثانية أصطدمت العجلة الأمامية

المهم توقف علي يمين الطريق فوجد الجنط الأمامي و الخلفي (يسار طبعا) أتبهدلوا فقرر تغيير أحدهما بالاستبن و هنا وجد مفاجأة !!!!!

المسامير اللي رابطة العجل كانت محلولة ( الأربعة مسامير و ليس واحد)
فقرر الكشف علي العجلة الخلفية ليجد أيضا المسامير (كلها) محلولة

المفاجأة الأغرب أن مسامير العجل بالجانب الأيمن أيضا وجدها محلولة كلههههها !!!!!!

المهم .. من ذلك نستخلص أنه يجب الكشف علي السيارة بشكل دقيق و خاصة الأطارات قبل التحرك في مشوار طويل سيتم السير خلاله علي سرعات عالية

كذلك يجب التأكد من رباط الأطارات و خاصة أثناء تغييرها أو عمل الصيانات و عدم ترك الفني بالورشة يؤدي هذا العمل دون ملاحظة و مراقبة