ايه مدى علاقتك بجهازك والانترنت

**RED_OCTOBER_IV** · 20-02-2009 08:38 AM

انا بستخدم الكمبيوتر من سنه 2000 والإنترنت من سنه 2003 تقريبا ً .. و متخيلش حياتى من غير إنترنت .. على الموبايل على الجهاز على اللاب .. المهم إنترنت ... لأنه تقريباً بقى عامل أساسى فى تكوين شخصيتى .. بعيد عن الافراد المحيطه بيا .. لأنى بعرف طرق جديده فى التفكير و طباع جديده للإنسان ممكن متكونش موجوده فى اى حد حوليا .. ودى إيجابياته فى حياتى ..., سلبياته : قلل إختلاطى بأهلى ..( انا فى مره كنت قاعد فى عيد ميلاد واحد قريبى حاطط الموبايل على الشاحن وقاعد بشيت مع صحابى ومش مع العيد ميلاد خالص ) .... 2.. انا خطى بقى غريب بقيت بكتب نكش فراخ لأنى بأختصار مش بمسك قلم غير فى المناسبات .

**pro_samir** · 20-02-2009 09:03 AM

ههههههههههههههههه

الصورة دى جامدة جدا ، حاسس انى هبقى كدة قريب لأنى بقالى يومين مشترك فى خدمة جديدة على موقع دفعت فيها بتاع 220 دولار ولسة لحد الأن مش عارف اشغلها ههههههههه

**PRO-DRIVE** · 20-02-2009 12:19 PM

هو تقريبا كل حاجه بعملها !!

اول ما اصحي من النوم اول حاجه ايدي بتلمسها زرار الباور !
اروح الجامعه اقعد ادرس فيه

ارجع البيت اقعد عليه تاني لغايه ما انام بليل !!

و كل الايام بنفس النظام !

**eng.octooo** · 20-02-2009 03:14 PM

انا لازم اول حاجة اعملها اول ماصحى قبل ما اغسل وشلى اشغلة و اخر حاجة قبل ما انام اطفية تقريبا المذاكرة والترفية والمعلومات والصداقة كلها بقت علية يعنى انا 85% على الكمبيوتر 15% فى الشارع (ودول دايما بيكونوا ياما رايح اشترى سيديهات او كابلات) ههههههههههههههههههههههههه هههه

**نور القمر** · 20-02-2009 03:28 PM

ناقصلي تكة على الروب الابيض الجميل ده
وبفكر اعمل حمالات للاب توب علشان اخده معايا المطبخ
بس لسه مش عارفه اصممها ازاي

**Fadi Ezzat** · 20-02-2009 03:33 PM

يعنى اية علاقتى بالنت والكمبيوتر مش عيب كدة اكيد
علاقة شريفة مافيهاش اى عيب

**Ahmed_Elkhateb** · 20-02-2009 07:43 PM

ههههههههههههههههههههههه ده انا اكتر من كده بكتير انا لو طلت البسو مكان النظاره هعملها ههههههههههههه شكرا يا باشا

**MoOoD** · 20-02-2009 08:46 PM

واضح ان الكل مشترك فى حبه لجهازه
الكمبيوتر هو كل حاجه ..شغل,ترفيه,إتصال وتواصل ومعلومات
والنتيجه الواحد بقى فى عالم تانى .لدرجه انى بفكر أركب اللاب فى العربيه
مشكله حقيقيه بالنسبه لى