الافراج عن ايمن نور لاسباب صحية ...

**hookyelyak** · 19-02-2009 07:12 PM

المشاركة الأصلية كتبت بواسطة aif

ايمن نور ........ أحسن من غيره .....

لا أعتقد

لية كدة
دا راجل غلبان .
اتهامات العمالة والغش دى مضروبة علشان يطلع برة العبة

**SeiffoZ** · 19-02-2009 10:22 PM

المشاركة الأصلية كتبت بواسطة hookyelyak

لية كدة
دا راجل غلبان .
اتهامات العمالة والغش دى مضروبة علشان يطلع برة العبة

لا مستحيل ...
رجل عمل ضجة كده و أمريكا واخدة بالها منه و بتساندة , فنظامنا الحالى مستحيل يلفق قضية , هما مسكوله الغلطة ... بعكس ناس كتير متسابة

**SeiffoZ** · 19-02-2009 10:35 PM

المشاركة الأصلية كتبت بواسطة hookyelyak

اهو احسن من غيرة

لا حضرتك مش أحسن من غيره ولا حاجة ...
ده غيره حاليا هو الأحسن ..
مفيش فى مصر رجل من رجال السياسة من الأحزاب حد ينفع يمسك البلد .. هيخربها و يعد على تلها ..
مصالح شخصية و ظلم و فساد ...
مفيش فايدة ... كلهم نسخة طبق الأصل ...
و عايز بس أختم بحاجة ...

هو إن بلدنا بتدمر ...

و مش هقول أكتر من ..

أخبرنا قتيبة قال حدثنا الليث عن بن شهاب عن عروة عن عائشة : (أن قريشا أهمهم شأن المخزومية التي سرقت فقالوا من يكلم فيها رسول الله صلى الله عليه وسلم قالوا ومن يجترئ عليه إلا أسامة بن زيد حب رسول الله صلى الله عليه وسلم فكلمه أسامة فقال رسول الله صلى الله عليه وسلم أتشفع في حد من حدود الله ثم قام فخطب فقال إنما هلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وأيم الله لو أن فاطمة بنت محمد سرقت لقطعت يدها)

عليه أفضل الصلاة و أزكى السلام

**hookyelyak** · 20-02-2009 12:22 AM

المشاركة الأصلية كتبت بواسطة Relentless_mayhem

فنظامنا الحالى مستحيل يلفق قضية

حضرتك تسمحلى اقولك اية الفرق بين انو يتلفقلوا قضية وان هوا يكون جانى فعلاَ.لو امريكا سنداة يبقى مش هتفرق(لا احد يثق فى القضاء المصرى) .كمان فى حاجة اسمها حسابات المكسب والخسارة....يعنى انهم ممكن يضحوا بتوتر العلاقات مع امريكا بس يخلصوا منة..

**SeiffoZ** · 20-02-2009 01:42 PM

المشاركة الأصلية كتبت بواسطة hookyelyak

حضرتك تسمحلى اقولك اية الفرق بين انو يتلفقلوا قضية وان هوا يكون جانى فعلاَ.لو امريكا سنداة يبقى مش هتفرق(لا احد يثق فى القضاء المصرى) .كمان فى حاجة اسمها حسابات المكسب والخسارة....يعنى انهم ممكن يضحوا بتوتر العلاقات مع امريكا بس يخلصوا منة..

فى القواضى دى صعب يلفقوا , و أيمن نور محامى ..
هما مسكوله على غلطة .. مش أكتر ..

**mbisar** · 20-02-2009 06:25 PM

ربنا ينصره ان شاء الله و محدش يقدر ينكر جرأته و قوته فى الوقوف فى وش اعدائه
عندى احساس ان الراجل ده هيبقا رئيس مصر فى يوم من الأيام و ربنا وحده يعلم الخير فين

**mohamed2002** · 20-02-2009 08:52 PM

سعيد جدا بالافراج عن ايمن نور

**youssefmustang** · 20-02-2009 09:01 PM

يا جماعة فى قوى خارجية بتطالب بخروج ايمن نور من السجن وكمان امريكا ايام بوش طلبت من مصر انه لازم يخرج من السجن ومدام امريكا بتطالب بخروجه يبقى ليها مصلحة شديدة وقوية من خروجه وتولى الرئاسة وهتبقى مصيبة سودا لو ايمن نور تولى رئاسة الجمهورية وهيحصل فينا زى ما حصل فى العراق
اخوكم يوسف

**CBR** · 20-02-2009 09:09 PM

المشاركة الأصلية كتبت بواسطة youssef_00

يا جماعة فى قوى خارجية بتطالب بخروج ايمن نور من السجن وكمان امريكا ايام بوش طلبت من مصر انه لازم يخرج من السجن ومدام امريكا بتطالب بخروجه يبقى ليها مصلحة شديدة وقوية من خروجه وتولى الرئاسة وهتبقى مصيبة سودا لو ايمن نور تولى رئاسة الجمهورية وهيحصل فينا زى ما حصل فى العراق
اخوكم يوسف

ممكن ايمن يمسك الرياسه
لو الشعب اختاره في الانتخابات وزي ما انت عارف

بيتم اختيار الرئيس بنزاهه وشفافيه

وبالنسبه لعدد الاصوات

اومال انت فاكر ايه

احنا في مصر

التزوير ده في بلد تانيه لاكن عندنا لا يونكن

**aif** · 20-02-2009 10:40 PM

المشاركة الأصلية كتبت بواسطة hookyelyak

لية كدة
دا راجل غلبان .
اتهامات العمالة والغش دى مضروبة علشان يطلع برة العبة

رأيي ده من قبل ما يبقى رئيس حزب ..... و من قبل ما يرشح نفسه
من ايام لما كان محامي ..... ودي حاجات لا تتجزأ ولا تتغير بتغير المنصب .... دي قناعات وأخلاقيات
عموما ده رأيي وهو صحيح لكنه قابل للخطأ .... وكل واحد له رأيه طبعا