عندى اسره من طفلين وامهم محتاج سياره اسافر بيها اسكنريه لزيارة والدى كل اسبوعين تقريبا فى حدود 18 الف , تكون مريحه وتتحمل. فما رايكم؟
عرض للطباعة
عندى اسره من طفلين وامهم محتاج سياره اسافر بيها اسكنريه لزيارة والدى كل اسبوعين تقريبا فى حدود 18 الف , تكون مريحه وتتحمل. فما رايكم؟
هو بصراحة يا باشا السعر ده يجيب عربيات زي 128 .. 131 ...بيجو 305 بس متهيألي السفر الكتير عايز عربية جديدة الى حد ما...فنصيحتى ممكن تشوف 131..128 و تكون حالتها نضيفة و تفضل متابعها علطول عشان السفر المستمر..و ربنا يوفقك...
ارشح لك بيجو 305 ..
اعتقد انها مناسبة ..
http://www.m5znk.com/up2/uploads/ima...bc76d2f4d4.jpg
-
سعرها مناسب جدا .
وشوف اراء باقى الاعضاء طبعا ..
اشكركم جدا بس هل قطع غيار البيجو 305 اسعارها معقوله؟
ما رايكم فى البولونيز؟
الف شكر على الردود المفيده
ابعد عن البيجو 305 ,
قطع غيار قليلة و غالية ,
و مشاكلها كتيييير ,
و الـ 131 هتكون أغلي شوية لو نضيفة ,
البولونيز أفضل من الـ 128 من حيث التحمل و المتانة بس تقيلة شوة في البيع ,
الـ 132 ممكن تكون أختيار مناسب خاصة لو 1600 Cc و حالة جيدة.
الف شكر يا استاذ اكرم انا ميال ل131 وهحاول اكبر المبلغ شويه.
ال 132 الناس خوفونى من عفشتها ؟؟؟؟
فيات 131:
عربية جميلة ومعشوقة أوروبا
موديلاتها من 1974 إلي 1984
موتور 1300 و 1600 قبل سنة 80
و1400 و 1600 بعد 80
ويوجد منها موتور واحد كامة وهو الأغلب وهو موفر في البنزين ويوجد منها 2 كامة
عربية دفع خلفي
بعض قطع الغيار مشتركة مع الشاهين
والموتور الـ 2 كامة مشترك مع 132
وهذا يعني توافر قطع الغيار
وسهلة الصيانة
وهي ممتازة جداً لحضرتك خاصة في حدود سعرك ولو زودت ألفين كمان ممكن تجيب أنضف حالة وأعلي موديل
وكن حذراً من البارومة التي تكون واضحة جداً في الشنطة مما يعكس حالة العربية ومدي إنتشار البارومة فيها ولازم تخلي سمكري يبصلك علي العربية عند شرائها
البولونيز:
عربية جميلة وقوية جداً ويعيبها شكلها الخارجي
موديلاتها من 1978إلي 1991
موتور1500
عربية دفع خلفي
قطع الغيار متوفرة وسهلة الصيانة
يعيبها أنها ثقيلة جداً في البيع والشراء
ويعيبها أيضاً ثقل الدريكسيون
وهي ممتازة جداً لحضرتك (في حالة قبول عيوبها) خاصة في حدود سعرك وهتوفر كمان 3 ألاف جنيه
فيات 132:
بالرغم من الأشعار التي تقال عنها وحبي الشديد لهذه السيارة إلا أنها لم تعد مناسبة في هذه الأيام وذلك لأنها غير مشتركة مع غيرها في قطع الغيار ولقدم
الموديل (من 1972 إلي 1977 تقريباً)
وتتميز بموتور قوي 1600 و 1800 و 2000 سي سي ذو 2 كامة علوية
قوية جداً في السفر ويعيبها إستهلاك البنزين العالي
وصعب جداً أن تجد فيها حالة نضيفة
وسعر أفضل حالة فيها 18500 جنيه تقريباً
فيات 128:
عربية الشعب المصري الذي توقف إنتاجها من 84 ومازالت تجمع حتي الآن في مصر
وهي عربية جر أمامي
وموتورها 1100 و 1300 سي سي
وهي عربية مدينة من الدرجة الأولي
سهلة جداً في الصيانة
وقطع غيارها متوفرة ورخيصة جداً ولكن يعيب قطع غيارها قصر عمرها الإفتراضي
وهي أسهل عربية في البيع والشراء
لا أحبذها في السفر لكثرة أعطالها خاصة لو أنك لا تمتلك أي خبرة ميكانيكية
وفي النهاية تصفح صفحات هذا المنتدي ستجد كل ما تحتاجة من المعلومات عن كل سيارة
اشكر حضرتك جدا على هذه المعلومات المركزه المفيده.
اسعار السيارات 131 فى كونتكت كار فلكيه بالنسبه للوضع الحالى للقديم.
يا ريت حد يفيدنا اذا كانت دى الاسعار الحقيقه الان ولا ده شغل تجار؟
اشكر حضرتك جدا على مساعدتى واهتمامك
طب حضرتك انا معايا 128 معقولة الي حد ما
انا عرضاها بنفس السعر اللي حضرتك محددة
استعمال طبيبة
طيب ممكن اوصاف العربيه موديل وحاله.......او استماره البيع اللى فى المنتدى مع الشكر
ماركة السيارة : Fiat 128
2-الموديل/السنة : 1983 1300 Cc
3-عدد الكيلومترات : 120000
5-حالة الصاج او الخوارج : الدواخل فابريقة
6-حالة الدواخل :رشة خوارج نضافة و ليس حادث
7-حالة الصالون : مجدد
9-حالة الكاوتش : 3كاوتش جديد تيوبليس+ 2 مستعمل
10-حالة البطارية : كلورايد اصلي جديدة استعملت شهر واحد وضمان لمدة سنه
11-مكان المعاينة : الجيزة
12-السعر 18000 سعر نهائي غير قابل للتفاوض
14-تاريخ انتهاء الرخصة :سبتمبر 2009
16-امكانية البيع بتوكيل او اشتراط التسجيل :متاح الخيارين
17-حالة الموتور : 95 % على الاقل و سحب اكتر من رائع
- عمرة موتور من 5 شهور فقط
- صاحبها بيستخدم بنزين 92 واحيانا 80
_استعمال طبيبة
انا معايا ريجاتا ايطالى 86 لسة طالعة من عمرة و مفيهاش اى مشاكل و بتاعة سفر على 25000
ممكن اخد 20000 و اقسطلك ال5000 لو تحب
ممكن استماره البيع و طريقه الاتصال بحضرتك لو سمحت؟
0124570408 دة رقم موبايلى اسمى محمدأحمد من اسكندرية
فيات اونو موديل 93 ايطالي \1000 سي سي \ 107000 كيلو \ سي دي CD \ سماعات 210 watt JBL \ بطارية جديدة \ كاوتش جديد \ سنترال لوك
المكان : سموحة , الاسكندرية
للاتصال : 0105542225 او
amoura_2004@yahoo.com
مطلوب 28500 إن شاء الله
الاونو عربيه جميله بس للاسف انا معاى 18 الف حد اقصى اشكرك جدا
سيارة فيات 132
موديل 1974
1800 سي سي ... ألماني
لا تحتاج اية مصاريف.
سنتر +انزار يابانى اصلى + زجاج كهربائى امامى
*** اللون: ابيض
الفرش الداخلي: جلي اسود.
*** حالة السيارة :
- موتور معمول له عمره من حوالي 6 شهور. حاله ممتازة
- شكمتان جديد من حوالي 4 شهور + ديفيل نيكل موضح بالصورة.
- طقم جنوط 14" - 5ريشة نجمة. 8/2006 تاريخ الصنع.
- 2 كاوتش امامي 185/70 Maxis جديد.
- 2 كاوتش خلفي 185/70 سرعات.
- طقم سماعات بيونير ( 4 سماعة + SUB ) + كاسيت تويوتا ياباني الاصلي.
- أرقام لوحات مميزة.
الشغل اللي اتعمل فيها خلال 3 سنوات.
- عامرة للماكينة.
- دينامو استيراد.
- مارش استيراد.
- مروحة رادياتير استيراد.
- مروحة كاتينة جديدة.
- شكمان جديد + ديقيل.
- 2 كاوتش امامي + طقم جنوط.
- طقم صوت + كاسيت.
- بالاضافة للصيانة الدورية ( تيل فرامل.....)
http://www.up-images.com/uploads/ima...139df680e2.jpg
السعر 20 الف
0107831900