السلام عليكم
اولا انا مبسوط جدا من المنتدى دة لانة بجد افادنى كتير و عايز اعرف لو حد عندة معلومات عن العربية نيسان تيدا ياريت يقولى عشان انا عجبانى شكلها اوى ونفسى اجيبها و جزاكم اللة خيرا
عرض للطباعة
السلام عليكم
اولا انا مبسوط جدا من المنتدى دة لانة بجد افادنى كتير و عايز اعرف لو حد عندة معلومات عن العربية نيسان تيدا ياريت يقولى عشان انا عجبانى شكلها اوى ونفسى اجيبها و جزاكم اللة خيرا
أنا كنت بفكر فيها جدياً...عربية تحفة بصراحة....بس اتغظت أن الHatchback أغلي من السيدان فقفشت عليهم :evil:
مش عارف ليه حاسس ان سعرها مبالغ فيه جداً ... المفروض انها نفس فئة الياريس مع فرق سعة الموتور طبعاً لكن فرق سعة الموتور ميعملش فرق السعر الفظيع دة مع ملاحظة ان سعر الياريس و التيدا (بتنزل فى أمريكا باسم نيسان فيرسا) برة قريبين جداً من بعض و كمان التيدا بتنزل برة 1800 سى سى مش 1600.
إنسي أي حاجة بتحصل برة علشان متضايقش نفسك.....أنت في مصر يا أستاذ :)اقتباس:
المشاركة الأصلية كتبت بواسطة جندى مجند
التيدا ياباني 100% والياريس ماليزي(تقفيل ماليزي)
التيدا 1600 CC والياريس 1300 CC
والفرق بينهم شاسع ازاي حضرتك تقارن بينهم
بالمناسبة التيدا فعلا تحفة
على الرغم من انى مابحبش العربية ديه خالص بس هى يابانى 100%اقتباس:
والياريس ماليزي(تقفيل ماليزي)
بس التيدا من العربيات الجميلة جدا و اللى مش واخده حقها فى مصر زى عربيات كتيرة تانية زى المازدا و البروتون و الفورد و السوبارو كلها عربيات جميلة جدا بس ملهاش سوق فى مصر
لأ طبعا كلام غلط والصح إلي قاله جندي اليارس و التيدا و السيراتو كلهم من نفس الفئة بس الفرق هو سي سي فقط التيدا عربية ممتازة جدا - الفرامل ABS EBD و بستجيب بسرعة جدا - التسارع ممتاز والباور ممتاز ( إلا حد ما ) - العفشة ناعمة جدا - الهاتشبالك منها شكلها ممتاز جدااقتباس:
والياريس ماليزي(تقفيل ماليزي)
بس هي يعبها المبالغة في السعر لأنها أول ما نزلت مصر كانت أخذت أكتر من جايزة ساعتها فكانت نازلة بسمعه كويسة ده شجع الوكيل أنه ينزلها في فئة سعرية أعلى منها
العربية غالية شوية
بس يا جماعة ده كان تقريبا نفس سعر النيسان الصنى اليابانى
يعنى الوكيل منزلها بنفس سعر الصنى, و بكماليات اعلى
بس سمعة الصنى بقالها السنين و العربية دى لسه جديدة علشان كده سعرها يعتبر مش مشجع اوى
بس الصراحة العربية عليها وسع غير عادى, غير ان قيادتها ممتعة جدا
اقتباس:
المشاركة الأصلية كتبت بواسطة Ashraf A.Kader
أنا مقلتش يا فندم ان التيدا وحشة .. بالعكس عربية محترمة و واسعة و كل حاجة لكن أنا اعتراضى على سعرها اللى مبالغ فيه جداً جداً ... على فكرة الياريس يابانى مش ماليزى ... و أنا معاك ان الياريس 1300 بينما التيدا 1600 لكن غير الفرق دة الاتنين كمالياتهم واحدة و فى فرق 20 ألف فى السعر ... صعب أوى أقدر اقتنع ان فرق سعة الموتور يعمل فرق السعر دة كله ... خاصةً ان العربيتين من ناحية الحجم يعتبروا نفس الفئة و المفروض ان النيسان صنى و التويوتا كورولا يمثلان الفئة الأعلى و أصلاً الكورولا بتعتبر سعرها عالى بالنسبة لفئتها فما بالك بالتيدا اللى هى الفئة الأقل سعرها يتساوى مع الكورولا الـ 1600؟
و كمان فعلاً أنا لقيت سعر الياريس (بس الـ 1500) برة متساوى مع سعر التيدا الـ 1800 (اللى هى اسمها نيسان فيرسا برة) ... فالمفروض هنا يكون فرق السعر عشان فرق السعة فى حدود 7 الى 9 آلاف جنيه مش أكتر ...
معلش آسف على الاطالة بس بالنسبة لنقطة انى ازاى أقارن بينهم فبصراحة مش أنا اللى بأقارن بينهم ... لو حضرتك دخلت على موقع أى مجلة سيارات حتلاقى مقارنات كتيرة جداً بينهم ... جرب فى جوجل تكتب "versa vs yaris" حتلاقى مئات المقارنات
اللى مخلى سعر التيدا عالى التوكيل علشان يسوق النصنى المحلى لإن المفروض سعر العربية دى فى أحسن الاحوال يبدأ من 95.000 جم و لا تتعدى الفول اوبشن فيها 110.000 جم لكن فى هذه الحالة كل الناس هتتجه ليها و يسيبوا الصنى اللى المفروض بيجمعوها هنا و بكده خط الأنتاج يقفل .