الموضوع: مطلوب معلومات عن مينى كوبر

بص يا سيدى
العربية طبعا شبابية بالدرجة الاولى والحقيقة انا ركبتها مرتين بس قبل كدة واقدر اقولك انها ممتازة فى الجرى واللعب والحاجات اظريفة دى, وقوية التحمل فعلا لانى كنت بجرى على كورنيش الاسكندرية من سنتين ولا كنت بحس بعين قطة ولا عين كلب ومفيش حاجة اسمها كاوتش يرحل ولا كدة ولكن يعيبها ان سعرها غالى اوى ( حوالى 300 الف جنيه ) وان قطع غيارها نادرة - رغم انى شفتلها بعض القطع فى بورسعيد - وطبعا طالما نادرة هتبقى غالية وهذا كل ما اعرفه عنها.

شكرا ياأستاذ عبد الله

المشاركة الأصلية كتبت بواسطة met3eb

اولا يا سيدى--------المينى كوبر دى تعتبر افضل سياره شبابيه فى العالم
وطبعا هى تصنيع انجليزى من اولها لاخرها
وفى الموديلات الجديده الموتور يبدا من cc1800
وطبعا نظام تعليق متطور جدا خاصه على الطرق السريعه والغرز والملفات والحركات دى.
بالنسبه لمراكز الصيانه هى موجوده فى شارع دمشق لكن محلات عاديه لبيع قطع غيار غاليه نسبيا لكن موجوده
اما التوكيل الرسمى للMINI COOPERهى المجموعه البافاريه.
اى حدمه

الميني عمرها ما نزلت بمتور 1800 ولا أكبر هما متورين بس الليها والاتنين 1.6 بس واحد منهم بينزل بتربو وبيبئة فالمني كوبر s وفيه برا نسخة مصغرة من الميني بتنزل بمتور 1.4 وهي أصلها إنجليزي بس هي حالياً ألماني وأنا عن نفسي بحب المني كوبر s وبعشقها لكن العادية بحس انها empty beauty عشان ال-performance بتاعها عادي وقريب من باقي العربيات ال-1.6 لكن ال-s حاجة تانية خالص

المشاركة الأصلية كتبت بواسطة met3eb

اسف يا جماعه والله --- عدت عليا حكايهcc1800و انا كنت بفكر فى حاجه تانيه خالص والله
بس فعلا الshow اللى معمول فى فيلم italian job مش جرافيك بس كان فى الماكنج تحفه .وهى سعرها فى الحدود دى فعلا وموضوع التصنيع الالمانى ده بالنسبه للكل الخارجى وكل حاجه ما عدا الموتور .

أنا على حسب علمي ال-mini ألماني 100% حتى المتور من 2002