أهلا يا اخ قاسم , الحقيقة العربية شكلها فعلا كويس جدا و دهانها باين قوي انه فابريكة المصنع برة و جوة انا طبعا هأكشف جامد جدا عليها لكن يهيئ لي لو واخدة حادثة كسرت التابلوه فمعنى هذا انها حادثة جامدة و ساعتها كان هيبقى شكل العربية اسوأ من كده
عرض للطباعة
فعلا يا باشا وأنا بدور على عربيتي لقيت عربيه تمبرا 4 زجاج كهرباء وفتحة سقف كهرباء وعداد ديجيتال وانجيكشن وكان صاحبها بيتكلم في 40 ولقيت اعلان عن واحده تانيه نفس الأوبشنز وزياه عليها ايرباج للسائق وكرسي السائق كهربائي ودي كانت اتباعت ب 33 بس اكيد حالتها ما كانتش اد كده
معلش انا اتأخرت عليك في الرد
بالنسبة للتبلوه هو عبارة عن 3 قطع
العدادات
جسم التابلوة من القائم اليمين للشمال
والكنصول من اول التكييف لحد فرامل اليد
السؤال هل اللي مكسور هو جسم التابلوة الاساسي ولا العدادات
بالنسبة للعدادات امرها سهل جدا واسعر في حدود 300
بالنسبة للجسم هوصعب في الفك والتكريب وعلي فكرة مش غالي زي ماانت بتقول لانة ماعلهوش طلب لانة نادرا لما يجرالة حاجةوعادة اللي بيبوظ العدادات وفي نفس الموضوع انا كاتب اسم واحد ورقم تليفونة في عزبة شلبي اسألة وممكن اجيبلك نمرة واحد في بورسعيد
علي فكرة عاوزك تتأكد هل العربية عاملة حادثة ولا اية لان لوجسم التابلوة دة شيء مش طبيعي
واوعي تبص علي سدر العربية خالص لان دة غلط كبير ممكن توقع فية
لان سدر التمبرا بيتفك بسمامير فالو السيارة عاملة حادثة من قدام سهل جدا تغيير السدر لانة بسمامير وطبعا هايبان انة جديد او اصلي لانة بيتباع استيراد ولان لون مش زي لون العربية السدرفي التمبرا كلها لونة اسود
لوعاوزين تعرفو اعلي فئة للتمبرا
ممكن اقولكم بس السؤال اعلي فئة في مصر ولا برة
وعلي العموم عندي الاجبتين ان شاء الله
الادارة
ارجو التثبيت
شكرا
أهلا يا أخ ميزو , صباحك فل
المكسور هو الغطاء الفيبر الذي يغطي العدادت و حسب ما رأيت من موديلات التمبرا المصري فأن هذا الغطاء
بيسموه الصنايعية فيبرة التابلوه يركب أعلى العدادات و يغطي التابلوه و يتم تثبيته بأربعة مسامير لو تم فكه فانه ينفصل عن العدادت و التابلوه .
هذا هو الجزء المكسور فقط لكن العدادات سليمة و التابلوه أو الكنصول حسب تعريفك مافيهومش حاجة .
أنا سألت على هذه الفيبرة في الوكالة لقيتها نادرة و لكن
لما بتيجي ببتباع لوحدها بحوالي من150 الى 200 جنيه و بتتباع بالعدادات العادية بحوالي 300 جنيه .
أما الفيبرة بالعدادت الديجيتال فدي موجودة و متوفرة و بتتباع هي و العدادت الديجيتال ب 100 جنيه .
سعر ال 1100 للتابلوه كامل ده السعر اللي قالهولي محل في شارع زكي بالتوفيقية لكن في الوكالة قالولي أن التبلوه كامل استيراد يعمل 500 جنيه .
المهم رأيك ايه يا أخ ميزو في هذه الفيبرة المكسورة ؟؟؟؟؟؟؟؟؟ هل يعتبرعلامة خطر أو مؤشر لحادثة كبيرة أم لا علما باني لم أفحص السيارة بعد .
صباح الفل ياباشا
بالنسبة للكسر اللي انت بتقول علية دة عادي اغلبية التمبرا بتشرخ جزء العدادات من الشمس ودة طبيعي انا كنت فاكر التبلوة هو اللي المكسور انما كدة عادي لان الجزء دة بلاستيك بينشف من الشمس
بالنسبة للاسعار دلوقتي للعربيات مقدرش احددلك اسعار علشان الواحد بسمع حجات غريبة غالبا اللي بيبيع دلوقتي حاجة من اتنين اما متضر للبيع وعاوز فلوس فبيبيع بأي سعر
اوحد عاوز زيرو وبيخلص من القديمة او ان العربية شوربة وصحبها بزحاقها قبل ما تفتح بقها