بالأمس كنت فى توكيل كيا بأبو رواش لعمل صيانة الـ 10000 كم للسيراتو
وكان لى بعض الملاحظات للسيارة أهمها
- سماع صوت طقة فى المطبات
- السماعة الخلفية كانت بايظة
وبعد حوالى ساعة أو أكثر فوجئت بهم بيقولولى إن المساعد الخلفى محتاج تغيير وسنقوم بتغييره (طبعا على حسابهم)
فوافقت ومضيت لهم على التغيير
وفعلا غيروا المساعد وغيروا كمان السماعة الخلفية والصوت بقى أفضل بكتير
ولاحظت فعلا أداء السيارة بقى أفضل من الأول وفعلا توكيل كيا توكيل محترم جدا .
** نيجى بقى للفاتورة
الفاتورة شاملة زيت شل ألترا وتغيير فلتر الزيت والمصنعيات ودفعت 335 جنيه .
** بالنسبة للأستاذ / أحمد إسماعيل
كنت سألتنى على بطانة الكبوت للسيراتو وللأسف مركبتهاش لأنها مكنتش موجودة فى المخازن
لكن سعر البطانة 330 جنيه + 72 جنيه (قيمة عدد 18 كلبس * 4جنيه للكلبس الواحد)
السعر الإجمالى = 402 جنيه
لكن أنا عاوز أسألك هى بطانة كبوت السيراتو مش موجودة عند الجندى أو نافع بتاع قطع غيار كيا .
فى النهاية تقبلوا تحياتى ,,,
المفضلات