حل مشاكل الدي إن إس

هناك اشخاص تجدهم لا يستطيعون تصفح موقع ما بالرغم من انه يعمل بالفعل ويظنوا ان السبب مشكلة في الموقع او في شركة الاستضافة
لكن اليك المفاجئة قد تكون الشركة المسئولة عن امدادك بالنت هي السبب في ذلك
انا هفهمكم
دلوقتى نظام شركات النت عباره عن إن كل شركة ليها حاجه إسمها كاشه في السنترال الخاص بالمنطقة التابع ليها التليفون اللى راكب عليه الخدمة
طبعاً كل شركات النت اللى شغاله في المنطقة راكبه في نفس السنترال وليها كاشه وحاجه تانيه إسمها دسلام
إحنا هننقل الشغل بتاعنا من علي الشركة بتاعتنا لشركة تانيه
هنغير وناخد الدي إن إس بتاع الشركة التانية
طبعاً الكلام ده بيحصل كتير
علشان الناس تحل المشاكل اللى عندها
ده طبعاً مابيأثرش علي أي حد من الشركات أو المستخدمين
شركات النت عارفه كويس إن ده بيحصل
النهارده بقي
هننقل علي شركة تانيه
بس الشركة دي ماهياش موجوده هنا
موجوده علي النت
الشركة عباره عن خمس سيرفرات بيتعمل لهم ريستارت وتعديل للكاشة بتاعتهم كل 5 ثواني
لإن المشكلة بتاعت شركات النت إنها مابتعملش رستارت للكاشة بتاعتهم إلا كل 3 أيام ولو إتفضت الكاشة صح يبقي المواقع كلها هتشتغل ومش هتسقط مواقع
بس طبعاً الشغل العربي معرف
الموقع للى يحب يشوفه
www.opendns.com
إضغط Next علي طول وإنت ماشي
وفي الآخر Finish
طبعاً إلا من رحم ربي
المهم هنغير الدي إن إسات بتاعتنا علي الشركة دي
وده الهدف اللى الشركة دي قايمة عليها
فكرة الكاشة عبارة عن إن الشركة بتاعت النت الكاشة بتاعتها تكيش المواقع كلها وماتسقطش منها حاجه
يعني تدخل المواقع كلها على الكاشة بالطريقة الصحيحة
والخطأ اللى بيقع فيه بعض المتعاملين مع موضوع الكاشات في شركات النت هما المسئولين عن الأخطاء دي
نيجي دلوقتى لاهم حاجه في الموضوع
وهي إزاي نغير الدي إن إسات بتاعنا
وإيه هي الدي إن إسات الجديدة اللى هنشتغل عليها
إفتح قائمة Start وإختار Controle Panel
http://myoneplan.net/images/69641_3692.jpg

وبعدين إختار Network Connections من قائمة Control Panel
http://myoneplan.net/images/870f5_3231.gif

وبعدين إختار الإتصال اللى إنت شغال عليه في الجهاز بتاعك Connection
http://myoneplan.net/images/8f33e_4127.gif

من Network Connections
http://myoneplan.net/images/8f294_1175.gif

وبعدين إختار خصائص الإتصال Properties
http://myoneplan.net/images/1203f_2760.gif

وبعدين إختار Internet Protocol (TCP/IP) وبعدين إختار Properties برضه


وبعدين قم بإختيار الإختيار Use the following DNS server addresses وإكتب ياجميل الدي إن إسات اللى الكل بيدور عليها
Preferred DNS server
Alternate DNS server
دي الأماكن اللي هتكتب فيها الدي إن إسات
الدي إن إسات بقي
208.67.222.222
208.67.220.220
http://myoneplan.net/images/5ffe6_3263.gif


طبعا جربت الطريقه بعد ما واجهت مشاكل في تصفح مواقع مشهورة

شرح وافي وجميل تسلم ايدك يا نور القمر
انا كان فكري ان الدي ان اس ده مينفعش يتغير وان كل شركه ليها دي ان اس معين متشتغلش غير عليه
علي فكره كلمه دي ان اسات دي زي العسل هههههههههههههههههههههه
فكرتيني بزبونه دخلت عليا المحل بتديني موبايل موتورولا وبتقولي عاوزه اسفتته (سوفت وير )
تسلم ايد حضرتك علي الشرح
بس يا تري الدي ان اس حيفرق في سرعه التصفح ولا بيفرق في فتح المواقع بس؟؟؟؟؟؟

علي فكره انا جربت الدي ان اس الجديد
وحاسس بتغيير ملحوظ في سرعه التصفح مثلا موقع ديفي دي العرب كان بيفتح ببطء انما دلوقتي فتح بسرعه ملحوظه
فاضل بقي تجارب الداون لود بداون لودر الويندوز العادي
ويا ريت الاعضاء يجربوا برضه ويقولوا النتيجه

تت التجربة ويارب يبقى كويس

100 100 يا نور ..
جزاكي الله خيراً :coool:

جزاكى الله خيرا
أنا غيرت الـ DNS و هاجرب
* إضافة بسيط جداً بعد إذن أختنا نور القمر
الـ DNS = Domain Name Systems
الوظيفة بسهولة و بساطة إنو بيحول إسم الموقع إلى رقم IP Address و العكس و طبعاً بيساعد على سرعة الوصول للموقع المراد للتصفح.

شكراً لحضرتك وحاسس فعلاً بفرق وتحياتى .

انا مهندس فى TE-Data و رئيس فريق وحدة ادارة الشبكات
و اول مرة فى حياتى اسمع عن الكاشه دى
و اية البيتعملو رستارات كل 3 ايام دة !!!!!!

و ال DNS يا جماعة ملوش علاق اذا كان يخلى النت سريع ولا بطيئ

اقتباس:

---

انا مهندس فى TE-Data و رئيس فريق وحدة ادارة الشبكات
و اول مرة فى حياتى اسمع عن الكاشه دى
و اية البيتعملو رستارات كل 3 ايام دة !!!!!!

و ال DNS يا جماعة ملوش علاق اذا كان يخلى النت سريع ولا بطيئ

---

كلام سليم 100%

و كمان الموقع المذكور داة انا دخلت علية
و الموضوع كلة انك بتستعمل الdns الى هما حضينة دة و عن ضريف الموقع بتقدر تتحكم فى نوعية المواقع الى بتدخل عليها و تقتح حاجات و تقفل حاجات بنفسك

لا اكثر و لا اقل تماما

ايه الكاشات ديه؟
و بعدين كل DNS غالبا بيعمل forward يجيب ال domain names اللى مش عنده و يخليها عنده عشان لما تطلبها تلاقيها
ايه علاقه ال 3 ايام و لا السرعه ولا ايه حاجه؟
هو المشكله ان فيه شركات بيكون ال DNS مش على المستوى المطلوب او حصل حاجه قافله ال Resolve مع مجموعه معينه بسبب ان الا IP اتغيرت او حاجه ولسه ماجبش Update من الروت سيرفر او الفورورد سيرفر

اقتباس:

---

المشاركة الأصلية كتبت بواسطة Sherif Khalifa

انا مهندس فى TE-Data و رئيس فريق وحدة ادارة الشبكات
و اول مرة فى حياتى اسمع عن الكاشه دى
و اية البيتعملو رستارات كل 3 ايام دة !!!!!!

و ال DNS يا جماعة ملوش علاق اذا كان يخلى النت سريع ولا بطيئ

---

اكيد حضرتك مدام مهندس ورئيس فريق وحدة في ادارة الشبكات ادرى واعلم مني
انا مقلتش ان الطريقه دي بتسرع النت كل ما هنالك اننا بنحول الدومين نيم لاي بيهات
بالنسبة لموضوع الريستارت دي احيانا كتير عملاء في شركتنا بكون منزللهم تصميمات جديدة ومش ظاهرة عندهم ولسه بيظهر التصميم القديم وبالرغم انه بيفضي التمب في جهازه
بنطلب منه يتصل بالاتصالات او بشركة النت في بلدة ويطلب منهم ريستارت للدي ان اس بعدها الموقع بيظهر مظبوط عنده
اذن كلامي حتى وان مكنتش مستخدمة فيه مصطلحات مظبوطة لكن المهم النتيجة

خلاصة الكلام والمقصود من الموضوع ان تغيير الدي ان اس ممكن يشغل مواقع تظهر للمتصفحين انها واقعه
لكن طبيعة الشعب المصري يدور على حاجة تكون غلط ينتقدها ويسيب الهدف الاساسي للموضوع
وفي نفس الوقت انا منكرش ان معلوماتي قليله وبس على اد حل المشاكل اللي بتواجه اصحاب المواقع في عدم قدرتهم على تصفح موقع انا متأكدة ان سيرفره شغال كويس

انا ما انتقدش كلامك
تانى حاجة موضوع حضرتك كان واضح جدا
"مشكلة ال Dns مع سرعة التصفح او الوصول لبعض المواقع" يريت تصححلى لو انا كنت فاهم غلط
و ذكرت موقع بيدى عنوان Dns متاح لكل الناس و مالوش وظيفة غير الانا قلت عليها قبل كدة

و حضرتك وصفت ازاى الناس بتشتغل (دا و كان وصف خاطئ تماما)
و المصطلح الى كنت بتتكلم عنى حضرتك بتتكلم عنة زى ما يكون حاجة مؤكدة
اذا فالموضوع كلة على بعضة غلط

بصراحة انا فاخور انى من الشعب المصرى عشان بانتقد الغلط على حد قولك

اقتباس:

---

المشاركة الأصلية كتبت بواسطة human12

ايه الكاشات ديه؟

---

cache flush
cache server

ومتشغلش بالك كتيير الموضوع مش منطقى ومنقول من منتديات خليجية

الحمد لله مش فاهم أيوها حاجة
لما النت بيقطّع أو بيبطأ عندى بعمل ريستارت للراوتر وشكرا!

طيب حضرتك يا بشمندس خليفة ممكن تفسرلنا ليه موقع ممكن يكون شغال عندي وانا شركة لنك مثلا ومش شغال عند حد تاني شركة تي داتا واي موقع على نفس السيرفر بيكون فيه نفس المشكلة
او كمثال تاني تفسر بايه لما اغير استايل موقع الاقي دولة كاملة زي قطر مش ظاهر لهم التغييرات
وفي الحالين نحل المشكلة دي ازاي؟؟

علشان نستفيد من خبرتك كمهندس في شركة نت

اقتباس:

---

المشاركة الأصلية كتبت بواسطة Dr Ahmed

الحمد لله مش فاهم أيوها حاجة
لما النت بيقطّع أو بيبطأ عندى بعمل ريستارت للراوتر وشكرا!

---

باختصار يا دكتور احمد بنتكلم على مشكلة موقع ميكنش ظاهر لمستخدمي شركة نت معينه وخصوصا لما يكونوا في نفس المنطقة
ودي ملهاش علاقة بالروتر

اقتباس:

---

المشاركة الأصلية كتبت بواسطة نور القمر

طيب حضرتك يا بشمندس خليفة ممكن تفسرلنا ليه موقع ممكن يكون شغال عندي وانا شركة لنك مثلا ومش شغال عند حد تاني شركة تي داتا واي موقع على نفس السيرفر بيكون فيه نفس المشكلة
او كمثال تاني تفسر بايه لما اغير استايل موقع الاقي دولة كاملة زي قطر مش ظاهر لهم التغييرات
وفي الحالين نحل المشكلة دي ازاي؟؟

علشان نستفيد من خبرتك كمهندس في شركة نت

---

انا مش بفهم فى ال Systems اوى انا شغلى فى ال ISPs بس
و موضيع تصميم المواقع و الكلام دا كلة انا مش بفهم فية خالص على فكرة
انا كل شغلى بيتلخص انى اوجهة الناس فى السكة الصح لكل موقع عايز يرحلة
بمعنى انت عايز تفتح yahoo.com كل وظيفة ال DNS يترجم الاسم دا to IP و انا بوجة ال IP دا فى سكتة الصح

بالنسبة لمواقع تفتح من شركة و متفتحش من شركة تاني دى ليها اسباب كتييييير جدا منه على سبيل الحصر ان الا IP الى بيطلعو ال DNS للموقع دا مش ماشى فى سكتة الصح من عندى للسيرفر الى شايل الموقع
ممكن و من الشركة تانية يكون ماشى صح

بس طالما ال DNS بيعمل resolve لل IP خلاص كدة ال DNS خرج برة الموضوع

موضويع شكل الموقع و الكلام دا اما معرفش عنة حاجة
بس هرجع و افكرك بالموضوع الى انت كاتبة مكانش كان بيقول مواقع مش بتفتح و دا كلامك





هناك اشخاص تجدهم لا يستطيعون تصفح موقع ما بالرغم من انه يعمل بالفعل ويظنوا ان السبب مشكلة في الموقع او في شركة الاستضافةلكن اليك المفاجئة قد تكون الشركة المسئولة عن امدادك بالنت هي السبب في ذلك
انا هفهمكم
دلوقتى نظام شركات النت عباره عن إن كل شركة ليها حاجه إسمها كاشه في السنترال الخاص بالمنطقة التابع ليها التليفون اللى راكب عليه الخدمة
طبعاً كل شركات النت اللى شغاله في المنطقة راكبه في نفس السنترال وليها كاشه وحاجه تانيه إسمها دسلامإحنا هننقل الشغل بتاعنا من علي الشركة بتاعتنا لشركة تانيه
هنغير وناخد الدي إن إس بتاع الشركة التانية
طبعاً الكلام ده بيحصل كتير
علشان الناس تحل المشاكل اللى عندها
ده طبعاً مابيأثرش علي أي حد من الشركات أو المستخدمين
شركات النت عارفه كويس إن ده بيحصل
النهارده بقي
هننقل علي شركة تانيه

الموضوع مش موضوع تصميم ده مجرد مثال اقصد بيه ان التحديث اللي حصل في موقع معين دولة كاملة احيانا او مدينة لم تستقبل التغييرات اللي حصلت في الداتا
وبمجرد العميل ما يطلب من شركة انت عمل ريستارت للدي ان اس التحديثات بتظهر عنده
اذن المشكلة بتتحل بالريستارت .. ريستارت لايه بالظبط انا معرفش .. لكن الخلل بشبكة النت وبيتحل بالريستارت


بالنسبة لمواقع تفتح من شركة و متفتحش من شركة تاني دى ليها اسباب كتييييير جدا منه على سبيل الحصر ان الا Ip الى بيطلعو ال Dns للموقع دا مش ماشى فى سكتة الصح من عندى للسيرفر الى شايل الموقع
ممكن و من الشركة تانية يكون ماشى صح

وده نفس المضمون المقصود من موضوعي اننا بنغير الدي ان اس علشان ندخل الموقع الي مش شغال عن طريق شركة نت تانية


ومظبوط كلامك انا قلت مواقع مش بتفتح وده معناه ان المشكلة اكبر وبتتحل بتغيير الدي ان اس

لكن ردي بخصوص تغيير الاستايل كان رد على كلام حضرتك ان مفيش حاجة اسمها ريستارت للكاشة .. حتى ان مكنش في فعلا حاجة اسمها كاشة لكن في ريستارت لايه بقه معرفش المهم انه بيحل المشكلةوفي شركات النت الخليجية الموضوع بالنسبة لهم معروف
وموضوع 3 ايام ده افتراضي االمهم ان مفيش ريستارت بشكل دوري في اوقات متقاربة

اقتباس:

---

المشاركة الأصلية كتبت بواسطة نور القمر

بالنسبة لمواقع تفتح من شركة و متفتحش من شركة تاني دى ليها اسباب كتييييير جدا منه على سبيل الحصر ان الا Ip الى بيطلعو ال Dns للموقع دا مش ماشى فى سكتة الصح من عندى للسيرفر الى شايل الموقع
ممكن و من الشركة تانية يكون ماشى صح

وده نفس المضمون المقصود من موضوعي اننا بنغير الدي ان اس علشان ندخل الموقع الي مش شغال عن طريق شركة نت تانية

---

لا بردة مش صح

انت ال DSL بتاعك واخد IP و واخد DNS IP من نفس مزود الخدمة

و الكمبيوتر بتاعك واصل على الروتر و اتسجل عندة ال DNS IP
ال DNS كل وظيفتة فى الدنيا تحويل الاسم لرقم (IP address) بس

و بعد كدة انت بتكلم الموقع بى ال IP الى واخدة ال DSL بتاعك او اى نوعية الاتصال بالانترنت و الموقع بيرد عليك على ال IP بتاعك الى انا بالتالى الى بماشية فى سكتة الصح

ال DNS الخارجى مجرد سيرفر بيحولك اسماء المواقع لل ip و بعد كدة انت بتمشى بردة فى سكتك الى انت طالع منها عن طريق مزود الخدمة بتاعك و مينفعش يمشيك فى سكة تانية

بص يا شريف
هيا نور شرحت الموقف بس بطريقة مبسطة
والموضوع ده بيقابل الناس اللي بتشتغل ويب كتير خاصة لما تعمل شغل زومايظهرش للعميل
والمشكلة دي قابلت المنتدى نايل موتورز نفسة لما نقلنا الدومين من هوست الى شركة تانية
وكان في ناس تايهة ومستمرة في المنتدى القديم وناستانيةراحت المنتدى الجديد
وده كان نتيجة ان مش كل الناس واخدة من شركة واحدة
وانا شخصيا كنت في البيت على المنتدى القديم
وفي الشغل ومن مودم فودافون على المنتدى الجديد
فهو ده قصد مدام نور
والمشكلة عندنا فعلا خلصت في خلال 3 ايام وكل الاعضاء وصلوا الجديد
معلش انت بتتكلم كنتورك انفرا ستركشر
وهيا بتتكلم كويب ديفلوبر
اي نعم بتكملو بعض بس المجالين مختلفين

انا مش معترض على اى حاجة انا بس مش بحب ان الناس تكون فاهمة حاجة معينة غلط و تشرح للناس التانية على اساسها

فا انا بحب اصحح الكلام

بس فى الاخر اتقال على كدة اية على حد قول صاحب الموضوع



(طبيعة الشعب المصري يدور على حاجة تكون غلط ينتقدها ويسيب الهدف الاساسي للموضوع)

يعنى كدة نسيب الى بيئول كلام غلط زى ما هوا عايز ولا نصحح المفهيم للمهتم يعرف ؟

سوري يا بشمهندس شريف لو كلامي ضايقك
بس حضرتك سيبت الموضوع كله واخدت عليا كلمة كاشة وريتسارت ايه 3 ايام
بس انا منزلتش الموضوع ده الا لما كنت فعلا بلاقي مواقع مشهورة ظاهرة انها واقعه وبعد تغيير الدي ان اس اشتغلت
حتى ان كان الشرح للعملية اللي بتم غلط لعدم تخصصي وفهمي المتواضع للعملية لكن النتيجة صح
والعبرة بالنتائج وفي الاخر الاعضاء ميمهش ايه اللي بيحصل في شركة النت انما يهممهم النتيجة
نورت موضوعي واستفدت من مشاركتك
وشكرا لاستاذ منير لمروره
بالموضوع
وفي حالة نقل الموقع مرة اخرى لسيرفر جديد تراسل الاعضاء قبلها وتعرفهم الاي بي الجديد يدخلوا بيه بدل الدومين لحد ما تتأكد ان الدي ان اس للدومين استقر على السيرفر الجديد
والافضل تقفل الموقع على السيرفر القديم

حصل خير
و سررت بالتعرف و النقاش معك

انا معرفش انا بكلم راجل ام سيدة

اقتباس:

---

المشاركة الأصلية كتبت بواسطة Sherif Khalifa

حصل خير
و سررت بالتعرف و النقاش معك

انا معرفش انا بكلم راجل ام سيدة

---

شكرا لزوقك
سيدة

معلش, انا مضطر أعلق هنا
أولا, مابيحصلش ريستارت للدى إن إس (المفروض)
فيه حاجة فى إعدادات الدى إن إس للموقع نفسه بتحدد الفترة اللى يتعمل فيها تحديث لبياناته من المزودين التانيين
TTL (Time To Live)
و غالبا ده سبب المشكلة اللى الأستاذ كريم منير إتكلم عنها

بالنسبة لمشكلتك مع الناس فى الخليج, ده علشان دول عنهم ويب ؤشؤاث web cache يعنى بيخزن الصفحة نفسها علشان مايروحش يجيبها من برة كل ما حد يطلبها (لتوفير الضغط على الخطوط الدولية بتاعتهم) و دى مشهورة قوى فى الخليج, لكن فى مصر مافيش ده (على الأقل تى إى داتا مابتعملش كدة علشان ما عندهمش مشاكل فى الخطوط الدولية)

إنتى بقى علشان تتلافى ده كويب ديفيلوبر أو ديزاينر, بتحطى كود فى الهيدر بتاع الصفحة يخلى الويب كاش مايخزنش صفحتك و يجيبها كل مرة
pragma: no-cache

معلش, مش قادر أشرح كل حاجة بوضوح علشان عربى فى إنجليزى و كدة

و بالمناسبة, ماينفعش كريم يدى الآى بى للناس إلا إذا كان واخد سيرفر كامل للموقع, لكن لو shared hosting لازم يديلهم الدومين, لإن كل المواقع بيكون ليها نفس الآى بى

الف الف شكرا

اقتباس:

---

المشاركة الأصلية كتبت بواسطة aratux

و بالمناسبة, ماينفعش كريم يدى الآى بى للناس إلا إذا كان واخد سيرفر كامل للموقع, لكن لو shared hosting لازم يديلهم الدومين, لإن كل المواقع بيكون ليها نفس الآى بى

---

ينفع بشرط ان اليوزر بتاع الكنترول بانل هيكون معروف للجميع
http://IP/~cpusername

ولو عايز يدخل الكنترول بانل نفسها بالاي بي
http://IP:2082

وممكن كريم يجرب او اي حد عنده موقع
وممكن بدل الاي بي اسم السيرفر نفسه
والموقع ده ممك يجيب لك اي بي لاي موقع واسم السيرفر
http://whois.sc

مش دايما بينفع, لأن ده بيحتاج إن السيرفر Apache يكون عليه إعدادات معينة

اقتباس:

---

المشاركة الأصلية كتبت بواسطة aratux

مش دايما بينفع, لأن ده بيحتاج إن السيرفر Apache يكون عليه إعدادات معينة

---

انا بتكلم على نوع السيرفرات اللي شركتنا بتستخدمها في الهوستنج واللي انا خبرة فيها وبدير اكتر من 5 سيرفرات كل واحد عليه في المتوسط60 موقع
وهي السيرفرات الاكثر شيوعا في الوطن العربي ومصر لاني لغاية دلوقت لم اصادف موقع على هوستنج خارجي على نوعية سيرفر مختلف
وموقع كريم على نفس نوع السيرفرات اللي انا خبرة فيها
وفي فرق لما حضرتك تنفي من الاساس امكانية استخدام الاي بي لان السيرفركله واخد اي بي واحد وده كلام حضرتك وبين اننا نقول لازم لسيرفرات معينه يكون له اعدادات معينة وده كلام حضرتك في المرة التانية لما انا قلت انه ممكن وشرحت الطريقة
ومتكشرة على مداخلتك القيمة

whether u use apache or use IIS your server can be with one IP only and have tons of sites with different domain names
and u distinguish by header

acessing IP/directory
is not sufficient always, because u run the application under the root, this can pass easily if u it is static site
if it is an application it needs configurations that doesnt always able to run under the root directory

what the problem now?

أنا اسف يا نور القمر إذا كان كلامى ضايقك
عموما أعتقد أنا خبرتى تؤهلنى لتحديد إيه صح و إيه غلط

مع تحياتى

اقتباس:

---

المشاركة الأصلية كتبت بواسطة aratux

أنا اسف يا نور القمر إذا كان كلامى ضايقك
عموما أعتقد أنا خبرتى تؤهلنى لتحديد إيه صح و إيه غلط

مع تحياتى

---

صاحب الموضوع حاد شوية فى المناقشات !

هوا حضرتك فى TE-DATA اسمك مش غريب

ما أظنش إنى حاد خالص يا شريف
لكن نور مصرة إنى غلطان, و انا فى منتدى سيارات فى الآخر و مش عاوز أوجع دماغ باقى الناس بكلام ممكن يكون مش مهم لمعظمهم

و مش هارد على السؤال التانى هنا

اقتباس:

---

المشاركة الأصلية كتبت بواسطة aratux

ما أظنش إنى حاد خالص يا شريف
لكن نور مصرة إنى غلطان, و انا فى منتدى سيارات فى الآخر و مش عاوز أوجع دماغ باقى الناس بكلام ممكن يكون مش مهم لمعظمهم

و مش هارد على السؤال التانى هنا

---

انا مش اقصدك انت بالحدة
انا بقول صاحب الموضوع

اقتباس:

---

المشاركة الأصلية كتبت بواسطة aratux

أنا اسف يا نور القمر إذا كان كلامى ضايقك
عموما أعتقد أنا خبرتى تؤهلنى لتحديد إيه صح و إيه غلط

مع تحياتى

---

لا ابدا مش متضايقه ولا حاجة
بس انا كمان خبرتي في مجال ادارة سيرفرات اللينوكس والمواقع مش قليله
وفي شركات هوستنج وافراد يمتلكون سيرفرات خاصة خارج مصر اشتغلت معاهم سنين من خلال النت وبتكلم عن ثقه

وميرسي لمداخلتك يا فندم ومنور الموضوع
وميرسي لكل من شارك بالموضوع بمداخلة او اضافه معلومة

اقتباس:

---

المشاركة الأصلية كتبت بواسطة aratux

لكن نور مصرة إنى غلطان, و انا فى منتدى سيارات فى الآخر و مش عاوز أوجع دماغ باقى الناس بكلام ممكن يكون مش مهم لمعظمهم

---

بالعكس حضرتك اللي مصر تطلعني غلطانه في نقطه معينة انا واثقه من صحتها وبستخدمها دايما
وعموما زي ما حضرتك قلت الموضوع ده مش يهم حد في منتدى سيارات

اقتباس:

---

المشاركة الأصلية كتبت بواسطة Sherif Khalifa

انا مش اقصدك انت بالحدة
انا بقول صاحب الموضوع

---

شكرا ليك

يا نور أنا مارضيتش أقول أنا باشتغل إيه و فين و بالتالى ماتقدريش تحكمى على خبرتى
لكن عموما, حصل خير

------------------
نشكر الجميع على مداخلاتهم القيمة ونأسف لغلق الموضوع لتمام الفائدة منه.
إ م -6