there are many cars like verna , lanos , kia rio that are not good cars and we all know that these cars have many problems , and i think that there are chinees cars better than these cars like Maple , speranza, byd.
عرض للطباعة
there are many cars like verna , lanos , kia rio that are not good cars and we all know that these cars have many problems , and i think that there are chinees cars better than these cars like Maple , speranza, byd.
عن رأى الشخصى. لااثق فيها ابدا
1- من ناحيه الأمان مش مامونه ابدا يعنى مقدرش اضحى باسرتى.
يعنى مش معقول اجيب عربيه متاكد انها معدتش اختبارات الأمان و اركب فيها اسرتى و بعد كده اقول ربنا يستر و الاعمار بيد الله.
2- من ناحيه الاعتماديه و العمر الافتراضى منقدرش نحكم عليها دلوقتى.
بس اللى متاكد منه ان الحاجات الصينى اللى بجيبها فى مصر (خصوصا العاب الاطفال) تختلف تماما فى الجوده والعمر الافتراضى اللى بجيبها من اوروبا.
انا شايف العربيه الصينى لما تبقى تتباع فى اوروبا وحد يستوردها من اوروبا ساعتها ممكن ناس كتير تبدأ تفكر تشتريها فى مصر
ومع ذلك انا شايف ان الفئات الصغيره فقط (بالرغم من سعرها المبالغ فيه) منها ممكن تكون حل لناس كتير علشان يترحموا من البهدله فى الموصلات.
ده رأى الشخصى و يكفى السبب الأول علشان اقول لااثق فيها ابدا.
ال عايز يرمى فلوسه يشترى صينى سنتين وتولع فيها او تولع نفسك منها
صين مين ياعمو لما يعرفوا يعملوا خلاط زى الناس يبقوا يعملوا عربيات . شوف الشيرى او ما تسمى الاسبرنزا فى مصر سيارات منظر ولن والشيطان فى التفاصيل وتقفيل ردىء وبلاستيك دواخل تعبان وباب لازم ترذعه ليقفل معاك وبعد كل دة التوكيل يقول لك احمد ربنا ان السيارة ب 68 الف بشكلها دة وكمالياتها . دة جواب دليل الاعتراف بان السيارة دون المستوى وعمومآ الصينى يركز فى اللون والكماليات ولاتجد شيىء اخر من جودة اجزاء وتركيب وتقفيل هندسى قابل للاصلاح والفك والتركيب . وحاجتهم نار فى قطع الغيار وكآنك شارى مرسيدس وبعدين الصين حديثه العهد فى هذة الصناعه بمشاكلها
انا الحمد لله معايا بريلينس frv
انا الحمد لله بحترمها جدا لان انا كان معايا لانوس موديل 2005 كورى
وفى صيانة ال10000كم غيرت طنابير وغيرت مساعدين امامى
وفى ال20000كم غيرت ماستر فرامل عمومى وحاجات كتيرة جدا مع العلم انها كورى وكنت محافظ عليها جدا
وكمان لما اسافر بيها الاسماعيلية الاقى الموتور بقى تقيل
الحمد لله ربنا كرمنى بالfrv العربية بقالها معايا 4شهور وعامل بيها 15600كم والعربية ثبات ممتاز بجيب لغاية 190 كم\س والعربية زى الفل وربنا يباركلى فيها وفى كل مالكيها
وانا بحمد ربنا ان ربنا كرمنى بيها لأنها ابسط حاجة انقذتنى من الموت داه طبعا بعد ستر ربنا
حرام فيها الفلوس
الصين جديدة العهد فى مثل هذة الصناعه ودة سر صناعه فى الخامات من اصغر قطعه الى اكبرها .. فكل شيىء له معايير جودة وصناعه .. فالصين ليس لديها هذة الخبرة الطويله التى استفاد منها الاخريين مع الوقت الى ان وصلنا لجودة عاليه مثل سيارات الامريكيه. والاروبى والكورى ... انا اتسآل لماذا نحن سوق مفتوح لسلع تحت التجربه ومن دول سيئه السمعه فى جودة صناعاتها... فليس كل شيىء صينى حلو وهنا اوضح نقطه هناك منتجات باسماء عالميه تنتج بالصين ويكتب عليها صناعه صينيه وهذا قانون بلدهم ومش ضرورى هم الصانعيين للمنتج هذا ولا جودة منتجاتهم ولا سر صناعتهم .. فعلى سبيل المثال ونقترض خلاط فيلبس صناعه صينيه الموضوع وما فيه ان شركه فيلبس هنا اختارت السوق الصينى كهدف للمنتجات لانه سوق محلى ودولى واسع جدآ فالذى يحدث ان الشركه تعمل مصنع هناك بمهندسيها وبخامتهم وسر المعرفه ويبقى الموضوع كله عمال صينيين باجر بخس فقط ويطلع المنتج تحت اسمهم لآنه بجوده فيلبس واسمهم ولكن يكتب صناعه صينيه لانه قانون بلد فهنا اوضح ان هذا ليس معناها لما نجد فيلبس صينى يبقى اى حاجه صينى بنفس الجودة الموضوع مختلف تماما
[overline]مافيش دايو كورى موديل 2005 و لا فى دايو من اصله
لكن من اول 2005 مصنع ابو الفتوح بيستخدم منتجات كتيره صينى بتدخل فى تكوين النوبيرا و اللانوس
و منها اول حاجه صينى الطنابير و المساعدين اللى انت بتشتكى منهم
انا كان معايا دايو نوبيرا موديل 2001 و غيرت الطنابير بعد 130 الف كيلو و المساعدين بعد حوالى 50 الف كيلو ولغايه ما بعتها ما غيرتش ولا ماستر فرامل
يبقى نرجع من الاول تانى ان المنتجات الصينى الداخله فى تصنيع السيارات او سياره كامله صينى لا يعتمد عليه
شكرا لك[/overline]
اضحكوا وبعيدآ لو سمحتوا عن الموضوع انا اشتريت لمبه موفر للطاقه صينى اقسم بالله ما كملت شهرين ونصف واتحرقت وكان عندى فيلبس من سنتين ولسه شغاله........... دة الكلام يا اخونا الصنيين منتجاتهم ردئيه
ركبت عربيه صيني شهيرة لقيتهل لعبه نزلت اتفرج لقيت الباب رفيع جدا
فتحت الكبوت لقيت الرادياتير في حجم الكراسة
جريت بيها خفت من عدم الثبات
كمان وقت قصير هتبان مشاكلها
واحد كان كاتب مره انه وجد فتحات المسامير في الأستبن مش مظبوطه على المكان فمعرفش يركب الأستبن !!!!!!