سوال غريب : ليه 90 % من عربيات ال Gen 2 مخبوطة !!

**fahd_628** · 20-02-2009 10:44 PM

على فكرة كل العربيات فى مصر مخبووووووطة

**mahmoudzaied** · 20-02-2009 11:06 PM

المشاركة الأصلية كتبت بواسطة fahd_628

على فكرة كل العربيات فى مصر مخبووووووطة

مفيش بعد كدة
انا معايا لانسر ومخبوطة تنفع
واعتقد ان معظم الخبطات مش تهور انا شايف انها اخطاء الغير للاسف

**M.Nabil** · 21-02-2009 12:05 AM

حضرتك لما تركز مع نوع واحد من العربيات هتبقى مدقق اوي فيها وملاحظ كل حاجة فيها.
انا في الاول كنت معجب بالمازدا 3 وكنت بحس ان كل اللي معاه بتكون مخبوطة وسألت نفسي نفس السؤال.
بس عامة طبعا عربية زي دي مغرية للجري للشباب وبتشجع عالتهور واكيد مش هتسلم من الخبطاط.
ومن ناحية تانية طبعا مفيش حد سلم من اخطاء الغير.
ربنا يحافظ علينا جميعا ويباركلنا في عربياتنا ويدينا خيرها ويكفينا شرها.

**acer4000** · 21-02-2009 08:36 AM

اغلبية سائقينها من الشباب البوب اللي فاكر نفسه راكب فيراري و هاتك دعك في العربيةو هتلاحظ ان اغلب مشترينها بين ال20 و ال30 على الاكثر و دايما سايقها شاب صغير من النادر جدا انك تلاقي راجل في اواسط العمر سايقها الا لو كان سالفها من ابنه
و بالتالي فالشباب لازم تلاقيه لادع العربية بوسة من هنا او من هنا
على عكس الراجل الكبير اللي بيمشي يقول : يا حيطة داريني

**yts17** · 21-02-2009 08:23 PM

:) ! واضح ان مش انا لوحدى اللى شاف العربيا دى مخبوطة :) . وربنا يكفينا شر الحوادث والخبطات . شكراً لكل من دخل الموضوع وقال رايه .

**ahmad alshaaer** · 22-02-2009 04:20 AM

التحليل السليم للموضوع ده
ان اساسا مافيش سياره في مصر مش مخبوطه وان سلمت وهي ماشيه مش بتسلم وهي واقفه وخصوصا ان كنت شاب وده الكلام المنطقي وربنا يسترها على جميع المسلمين

**gagareen** · 22-02-2009 12:53 PM

عادى جدا موضوع الخبطات ده فى مصر

كنت فى اشاره والطريق واقف واول ما الطريق مشى كسر عليا ميكروباص وخبط الرفرف الامامى يمين (البروز الدائرى اللى فوف العجله) علشان يعدى هو الاول

ولما بتكلم مع الضابط قاللى "مش حضرتك مأمن عليا تأمين شامل؟ قولتله اه .. قاللى خاللى التأمين يصلحها
قولتله والسواق ده اعمل معاه ايه؟ قاللى ممكن محضر بس مش حيوصلك لحاجه .. فانا احترمت نفسى واستعوضت ربنا ومشيت والحمد لله سليمه وتتعمل فى التوكيل

يعنى سواقين الميكروباص عارفين النتيجه وبيتصرفو على الاساس ده
وهى دى مصر

تحياتى

**ahmedsiyam** · 22-02-2009 02:07 PM

عادى جدا موضوع الخبطات ده فى مصر

كنت فى اشاره والطريق واقف واول ما الطريق مشى كسر عليا ميكروباص وخبط الرفرف الامامى يمين (البروز الدائرى اللى فوف العجله) علشان يعدى هو الاول

ولما بتكلم مع الضابط قاللى "مش حضرتك مأمن عليا تأمين شامل؟ قولتله اه .. قاللى خاللى التأمين يصلحها
قولتله والسواق ده اعمل معاه ايه؟ قاللى ممكن محضر بس مش حيوصلك لحاجه .. فانا احترمت نفسى واستعوضت ربنا ومشيت والحمد لله سليمه وتتعمل فى التوكيل

يعنى سواقين الميكروباص عارفين النتيجه وبيتصرفو على الاساس ده
وهى دى مصر

تحياتى

لو لم اكن مصريا لودت ان اكون غير مصريا