الموضوع: انتهت مشاكل الكرونة

انتهت مشاكل الكرونة

دة باقى موضوعى السابق(تجربة مع الكرونة)
اتمنى انى اكون نجحت و افدت السادة اعضاء المنتدى فى موضوعى السابق و اتمنى من اللة ان اقدم معلومة جديدة و و اضحة و مفيدة فى الموضوع التالى
ما هى اسباب حدوث ونة او صوت فى الكرونة؟؟؟؟؟
علشان اعرف اجاوب على السؤال دة لاذم نعرف فين بيت الداء
اهم اجذاء و اغلى قطع المشكلة هوة التاج و البنيول وهم المعنى بنقل الحركة من دوران عمود الكردان الى اكسى العجل الخلفى فى و ضع عمودى على عمود الكردان
( بالعربى نقل الحركة من عمود الكردان الى اكس العجل)



دة التاج ( الدائرة المسننة من الجانب ) و البنيول ( العمود المسنن من اعلى )
طبعا واضح ان التسنين فى الجذئين بوضع مائل علشان التعشيق و التحميل


دة الفارغة او بيت تجميع اجذاء الكرونة مع وجود حمام زيت بكامل البيت والديرتين الى على الجنب هم مكان خروج الحركة الى الاكس لكل عجلة


دة شكل اجذاء الكرونة متجمعة من الجانب


دة شكل اقرب لمكان التاج و البنيول جوة قلب الكرونة
و كدة مش فاضل غير الغطاء الصاج علشان يقفل على الاجذاء دى مع الجوان منع تسرب الزيت


دة الحج حمدى و المساعد فى الورشة وهوة فنى متخصص فى اصلاح الكرونة و كمان جذء كبير من الموضوع دة يرجع الفضل فية لية ودة لانة فعلا راجل محترف فى مهنتة
طيب و بعد معرفنا اغلب اجذاء الكرونة نرجع تانى لية الكرونة بتبوظ ؟؟؟؟
1-السبب المعتاد هوة نقص منسوب الذيت فى الكرونة
2-نوع زيت مغشوش او رديء
3- التاخر فى تغيير الزيت ( ودة بيبان لما لون الزيت يتغير )
4- حدسة او مطب او بلاعة او ( و دة الى حصل فى عربيتى )
5- تذويد زيت جديد على زيت قديم مع اختلاف نوع الزيت
اى سبب او اكتر من دووول بيكسرو سنان الكرونة (التاج و البنيول ) او بيحرقوهم والنتيجة معروفة وكل الشارع بيسمعها
يا عم انتا صدعطنا كلام كلة دش طب فين المشاكل الى انتهت ؟؟؟؟
معلش يا جماعة قربت اجيب الخلاصة
المهم قال الراوى ( الحج حمدى طبعا )
احنا ممكن نلخص مشاكل العربيات الى فيها كرونة بانوعها كالتالى
الفيات
1- 131 بانواعة
يتم تعديل بالروسى او طقم تركى 131
2-132 والبولنيز التعديل بتاج و بنيول الشاهين التركى الاصلى
3- 125 طقم تركى
4-124 طقم تركى او روسى
5-الشاهين يوجد التاج و البنيول التركى الاصلى
لادا
1- الادا و النيفا طقم روسى اصلى
باقى السيارات
توجد التاج و البنيول فى السوق المصرى على اختلاف انواعها
يا جماعة حل المشكلة فى الفنى الشغال فى الاصلاح مع جودة الخامة المستخدمة
علشان كدة ممكن يكون الحل التعديل رغم وجود قطع غيار بس ممكن متكنش جيدة ( مضروبة ):K_crying[1]:
اتمنى اكون قدمت موضوع جيد و مفيد وارجو من ادارة المنتدى اضافة تقييم للموضوع حتى يمكن تقييم الموضوع من اعضاء المنتدى
مع الشكر