عرض للطباعة
ياجماعة لو سمحتو انا كنت عايز اسأل حضراتكم فى حد يعرف حاجة عن العربية ال ( مينى كوبر )
اصلها عاجبانى بس انا بصراحة مش عارف عنها اى حاجة
ارجو الا تبخلو عليا بمعلوماتكم
شكرا[b][align=center]
-------------------
تم تعديل العنوان من "سؤال هاااااااااااااااااااااااا ااام " الي "سؤال هاااااام عن ال ( مينى كوبر )"
من انتاج BMW ، سعرها يبدأ من 150ألف ، طالعة موضة
الميني هو امتداد طبيعي لسياره ميني القديمه(ممكن تشوف منها في الشارع عربيات صغيره كده و شكلها ملفت او زي اللي كان مستر بيين بيطلع بيها في افلامه)
شركه ميني كانت تابعه لشركه روفر و اشترتها بي ام دبليو في اواسط التسعينات و بعدين الشركه اللي هيا روفر ما حققتش المبيعات المطلوبه ف شركه بي ام دبليو عرضت شركه روفر للبيع مع الاحتفاظ لنفسها بفرع ميني بس
و من المواقف الطريفه انها لما باعت شركه روفر دفعت فلوس للمشترين الجدد علشان تخلص من روفر تخيل!!
المهم هيا طورت السياره الميني اللي كانت بتنتج من الخمسينات بنفس الشكل مع الاحتفا بنكهه ميني (مثلما فعلت فولكس واجن مع البيتلز تماما)
و نزل منها اربع موديلات
ميني.ميني كوبر.ميني كوبر اس.ميني كوبر اس ووركس
بتتراوح القوه ما بين 120 حصان لحد 240 حصان تقريبا و اسعارها هنا في مصر انا سامه انها في حدود 220000 جنيه
هيا ممكن تكون غاليه بس انت لما تشتريها بتشتري تاريخ مش بتشتري اي عربيه و السلام
و اي معلومات تحتاجها عنها ابعت بس استفسر و اسال و انا اجاوبك حتي لو مش عارف حدور لحد ما اعرف
متشكر جدا ياستاذ حازم على المعلومات دى
بس ياريت تقولى رأى حضرتك فى السيارة دى يعنى امثلا الأداء الموتور وكدة يعنى وفعلا العربية غالية بس هى بصراحة عاجبانى جدا هى والعربية PT Cruiser اصل انا من هواة العربيات الكلاسيكية والنادرة
شكرا
بص يا استاذ علاء العربيه حلوه جدا و ادائها جميل كمان من اصغر موتور الي طبعا اكبر موتور و كمان حتجيب عربيه لو ركبتها 20 سنه كمان مش حتبقي قديمه(عندك البيتلز القديمه مثلا و الميني القديمه شوف اسعارهم كام لحد انهارده)زي ما بقول لحضرتك انت حتركب تاريخ و عربيه مش عربيه بس حتي موديل 2007 اللي نزل منها و متغير في الشكل الفروقات في التصميم ما تبانش غير لواحد هاوي عربيات و مش اي حد ياخد باله منها فاهمني؟يعني حتركب عربيه و انت مطمن علي الاقل 15 سنه او 20 سنه ان شكلها لسه حلو و ليه رونق و في مره مصمم ايطالي كان قاله كلمه حلوه قوي بيقول(ان التصميم الحلو عمره ما بيقدم و بيفضل طول عمره جميل) و دا بينطبق علي البيتلز و الجولف 2 مثلا(شوف الناس لسه بتحبها ازاي)
بس هيا مشكلتها ان سعرها مبالغ فيه جدا و ما تنفعش سياره عائليه يعني اللي جايبها لازم يكون مليونير و معاه عربيه غيرها كمان بيقضي بيها مشاويره
في الاختيار ليك في الاول و الاخر هيا عربيه ممتازه بجميع المقاييس بس المشكله السعر بس
و اي استفسار انا تحت امرك.
صحيح ليه ما تفكرش في السوزوكي سويفت الجديده شكلها قريب من الميني اوي علي فكره و بنص اللتمن هيا طبعا مش في جوه الميني بس الشكل قريب
بصراة ياستاذ حازم هى السويفت الحجديدة عربية كويسة بس المينى عاجبانى وداخلة دماغى بطريقة صعبة وانا مشكلتى لما بحط حاجة فى دماغى مبقتنعش غير بيها وخصوصا بعد المعلومات اللى حضرتك اديتهانى دى انا اتمسكت بيها اكتر
شكرا
و الله يا استاذ علاء انا معاك بس لو كده بقي شوف حاجه مستعمله و ححتلاقي اكيد مستعمل نضيف علشان ما تجيبهاش زيرو وتخسر فيها كتير لو حبيت تبيعها و لما تجيبها لازم تديني بيها لفه مش حتنازل عن كده :lol:اقتباس:
بصراة ياستاذ حازم هى السويفت الحجديدة عربية كويسة بس المينى عاجبانى وداخلة دماغى بطريقة صعبة وانا مشكلتى لما بحط حاجة فى دماغى مبقتنعش غير بيها وخصوصا بعد المعلومات اللى حضرتك اديتهانى دى انا اتمسكت بيها اكتر
شكرا
ياباشا العربية وصاحب العربية تحت امرك بس تيجى هيا بس
وخصوص المستعمل دة انا فعلا فكرت فى كدة بس مش عارف ادور فين بالظبط وخصوصا انى انا مش من القاهرة
شكرا
بص ختلاقي معارض في مصر الجديده فيها الحاجات دي انا مش من القاهره انا من المحله الكبري و عموما ححاول اسالك
ربنا يخليك بس انا مش عايز اتعب حضرتك معايا
ولا تعب ولا حاجه احنا اخوات و يا سيدي حتعبلك انهارده انت حتتعب ليا بكره كلنا في خدمه بعض
ربنا يخليك ويقدملك اللى فية الخير
ويجعلة فى ميزان حسناتك
شكرا
mini 1.6 normal engine 115 HP around 235 pound
and mini s 1.6 supercharged engine 175 HP around 350 pounds
mini cabriolet around 400 pounds
and i think it's very very expensive for nothing at the end still very small car
i mean it will be used for limited time only unless u planing to buy another car in the future
طبعا أ/ حازم خضر قال لحضرتك كل حاجه نقدر نقولها عن الميني كوبر واضاف الأستاذ SAbuhashem الأضافه الفنيه المدعمه بالأرقام
ولا يتبقى سوى أن أءكد لك أن السعر يبدأ من 220,000 جنيه وينتهب عند 430,000 جنيه
وأهديك اللوجوا الخاص بالميني
كل شئ فى هذه السيارة رائع جدا
الا سعرها ( مش مينى أبدا )
فيه ملحوظه صغيره عاوز اقولك عليها يا ا/علاء هى العربيه شبابيه وقوية ما يختلفش عليها اثنين لكن خلى بالك العربيه في اوروبا سعرها نفس سعر الماتريكس اما في مصر السعر ثلاث اضعاف قيمتتها الحقيقيه :!: بعنى انك بتدفع 65في الميه زياده عن سعرها الحقيقى علشان ان فيه فئه معينه هي الي بتشتري العربيه