الموضوع: عاوز أعرف أسعار التعديلات دي يا رجالة من فضلكم

المشاركة الأصلية كتبت بواسطة ahmed_magdy_shaaban

1- موتور 2000 سي سي 16 صمام cdx بالفتيس الأوتوماتك والقواعد.
2- فرامل ديسكات +ABS.
3- طارة مالتي فانكشن + Air Bag.
4- شاشة الأعطال (الكمبيوتر ، مش بتاعة التاريخ والكاسيت بس)
5- العدادات ( سرعة + عدد لفات موتور)
6- مخدع أمامي.
7- مرايات كهرباء و ضم كهرباء بالسخانات.
8- زجاج كهرباء للأبواب الخلفية.
9- فرش جلد طبيعي.
10- مساعدين مونرو أمامية و خلفية.
11- تيل فرامل أمامي و خلفي.
12- كويل التكييف ( معرفش ده إيه بس بتاع التكييف قال كده).
13- فوانيس أمامية عدسات.
14- مثبت سرعة.
15- بوجيهات سبليت فاير بالكابلات.

أنا حاسس إني كده بجمع عربية..معلش إستحملوني بس أنا عاوز أسعار كل الحاجات دي للضرورة القصوي.معلش أنا أسف والله علي الإطالة....مليش بركة إلا إنتم.

1- المتور يعمل 5 تقريبا
2- اى بى اس يعمل 700
3-الطارة بتركب بالعمود المتحرك بحوالى 250 300
4-الشاشة الكملة 400
5-العدادات عملة 220
6-100
7-500
8-المكن الكهرباء الثنين يعملو 300
9-الفرش معرفش بس مش اقل من 5 الاف جنية بس دة مش عند اى حد
10-لا اعرف
11-جديد طبعا يعمل الامامى يعمل السوسرى 110 الخلفى بتاع 160
12-لا اعرف
13-1150
14-لا يمكن تركيبة الا فى العربية المجهزة لكدة (انت تقصد الدراع قلى بتقلب بى الشاشة وهو مثبت السرعة)100
15-لا اعرف

مساء الفل يا باشا
و اهلا بيك فى العصابه معانا
بص الاستاذ تامر مشكور (الراجل ده كبير فى الفيكترا) و هيردعلى الاسئله بتعتك كلها إن شاء الله
بس برضه شوف اللينك ده
دى عربيه الجنرال بتاعنا محمد مختارواسئله وهو إن شاء الله يرد عليك
http://www.nilemotors.net/Nile/showt...E3%E1%CA%E5%C7
و اى خدمه يا باشا

المشاركة الأصلية كتبت بواسطة ahmed_magdy_shaaban

متشكر يا رجالة علي مساعدتكم.أنا بدأت رحلة التظبيط النهاردة.جيبت 4 مساعدين منرو و 4 فرد كاوتش ماكسيس و جلب مقصات و بطاحات و تيل الفرامل.أنا بفكر إني مغيرش الموتور اللي عندي بالـ ecotech لأن اللي عندي برده 2000 سي سي بس الموتور القديم وهو مش مزعلني في حاجة.بالعكس ده ما شاء الله عفييييييي جدا.بفكر أظبطه و خلاص.ولا إيه رأيكم

و فر فلوسه هات بيها حاجة تانية و خلى الموتور معاك لحد لما يجيب أخره

معلش اتأخرت عليك فى الرد
كنت مشغول شوية فى الشغل وغير كده كنت بدورلك على الورق القديم عشان اجيبلك الاسعار بالظبط

المشاركة الأصلية كتبت بواسطة ahmed_magdy_shaaban

1- موتور 2000 سي سي 16 صمام cdx بالفتيس الأوتوماتك والقواعد.

تقريبا هيعمل 5 - 6 الف
لو الموتور بتاعك كويس كبر دماغك من موضوع الموتور ده
مش هيفرق معاك غير فى استهلاك البنزين ولو انت غاوى جرى اوى

المشاركة الأصلية كتبت بواسطة ahmed_magdy_shaaban

2- فرامل ديسكات +ABS.

القطمتين هيعملوا 500 جنيه
ال ABS اعتقد هيعدى ال 700 يا تامر عشان ده محتاج ABS كامل بكل حساساته
ولا انت عاوز كنترول يونت بس؟

المشاركة الأصلية كتبت بواسطة ahmed_magdy_shaaban

3- طارة مالتي فانكشن + Air Bag.

airbag مش هتلاقيها الا نادرا عشان ممنوع تدخل اصلا من الجمرك
وعشان تركبها محتاج تغير حزام الامان عشان بتاع ال airbag كهربا بيشتغل لو رابط الحزام غير كده مش هتشتغل
فتدخل فى حوار كبير وهتحتاج تغير الضفيرة وكلام كبير كده كبر دماغك
انا كنت جايب الطقم على بعضه
الطاره المالتى فنكشن + بالعمود المتحرك + كاست باناسونك + سى دى تشانجر بالضفيرة بتاعتهم 1300 تقريبا

المشاركة الأصلية كتبت بواسطة ahmed_magdy_shaaban

4- شاشة الأعطال (الكمبيوتر ، مش بتاعة التاريخ والكاسيت بس)

الشاشة لوحدها رخيصه ممكن تعمل 400 جنيه
بس عشان تشغلها وتقولك كل الاعطال محتاج حساسات كتير وهتغير حاجات كتير

المشاركة الأصلية كتبت بواسطة ahmed_magdy_shaaban

5- العدادات ( سرعة + عدد لفات موتور)

انا جبت العداد بالشاشة بتاعته بكل توصيلاته ب 1000 جنيه :K_crying[1]:

المشاركة الأصلية كتبت بواسطة ahmed_magdy_shaaban

6- مخدع أمامي.

انا اضحك عليا فيه وجبته ب 250 :K_crying[1]:
بس هو تقريبا ب 150

المشاركة الأصلية كتبت بواسطة ahmed_magdy_shaaban

7- مرايات كهرباء و ضم كهرباء بالسخانات.

ب 700 - 750 جنيه
بس انا لغاية دلوقت مش لاقى مفتاح مرايات بزرار للفكترا :(

المشاركة الأصلية كتبت بواسطة ahmed_magdy_shaaban

8- زجاج كهرباء للأبواب الخلفية.

مكن الزجاج ب 500

المشاركة الأصلية كتبت بواسطة ahmed_magdy_shaaban

9- فرش جلد طبيعي.

مش اعرف سعر الطبيعى ايه
انا عامل صناعى كراسى + ارضية + شنطة ب 200 جنيه

المشاركة الأصلية كتبت بواسطة ahmed_magdy_shaaban

10- مساعدين مونرو أمامية و خلفية.

معرفش

المشاركة الأصلية كتبت بواسطة ahmed_magdy_shaaban

11- تيل فرامل أمامي و خلفي.

حسب النوع شوف فى موضوع قطع غيار اوبل جديدة

المشاركة الأصلية كتبت بواسطة ahmed_magdy_shaaban

12- كويل التكييف ( معرفش ده إيه بس بتاع التكييف قال كده).

لا اعلم

المشاركة الأصلية كتبت بواسطة ahmed_magdy_shaaban

13- فوانيس أمامية عدسات.

شوف هو تقريبا االلى قدام ب 1200 جنيه واللى ورا ب 850 على ما اتذكر

المشاركة الأصلية كتبت بواسطة ahmed_magdy_shaaban

14- مثبت سرعة.

مش عارف بالظبط
بس المثبت بالكنترول يونت بالدراع بتاعه بالضفيرة تقريبا 1000 جنيه

المشاركة الأصلية كتبت بواسطة ahmed_magdy_shaaban

15- بوجيهات سبليت فاير بالكابلات.

معرفش

المشاركة الأصلية كتبت بواسطة ahmed_magdy_shaaban

أنا حاسس إني كده بجمع عربية..معلش إستحملوني بس أنا عاوز أسعار كل الحاجات دي للضرورة القصوي.معلش أنا أسف والله علي الإطالة....مليش بركة إلا إنتم.

ياعم ولا يهمك الععصابة لبعضها بس قولنا اخر التطورات واخر اسعار السوق عشان انا اسعارى دى من سنة تقريبا ايام ما كان المسمار بمبلغ وقدرة

المشاركة الأصلية كتبت بواسطة tamertamer

1- المتور يعمل 5 تقريبا
.
.
.
14-لا يمكن تركيبة الا فى العربية المجهزة لكدة (انت تقصد الدراع قلى بتقلب بى الشاشة وهو مثبت السرعة)100
15-لا اعرف

وكالعادة اسعار تامر تتحدى الجميع
انت بتجيب الاسعار دى منين؟ انا كده هبقى اقولك على اى حاجة عايزها وانت تجبهالى

المشاركة الأصلية كتبت بواسطة ahmed_magdy_shaaban

متشكر يا رجالة علي مساعدتكم.أنا بدأت رحلة التظبيط النهاردة.جيبت 4 مساعدين منرو و 4 فرد كاوتش ماكسيس و جلب مقصات و بطاحات و تيل الفرامل.أنا بفكر إني مغيرش الموتور اللي عندي بالـ ecotech لأن اللي عندي برده 2000 سي سي بس الموتور القديم وهو مش مزعلني في حاجة.بالعكس ده ما شاء الله عفييييييي جدا.بفكر أظبطه و خلاص.ولا إيه رأيكم

المشاركة الأصلية كتبت بواسطة ahmed_magdy_shaaban

أنا فكرت والله بفلوس الموتور أجيب فلتر k&n بالماسورة وشكمان كامل مناسب له و زينون.بس المشكلة في المرور

انا فعلا لو العربيه هتقعد معايا كنت عملت كده
فلتر بالماسورة وتعديل الشكمان واسبلت فاير سلوك وبوجيهات والراجل يحصلنى