مافائدة هذه المسامير ؟؟؟؟؟؟؟؟؟؟؟

**Ahmad_Nawwara** · 20-02-2009 12:01 AM

يوجد بالسيارة مايسمى بالبطيخه (لاأدري صحة الأسم) وهو مايكون أعلى الكاوتش الأمامي من داخل حوض الماكينه .. هذه (البطيخه ) يوجد بها ثلاث مسامير .. يقال انها لتثبيت المساعدين !!! هل هذا صحيح ؟ وهل لو فقد مسمار او اثنين منهم يكون لذلك تأثير على السيارة ؟؟
أرجو الأفاده ولكم جزيل الشكر

**Ahmad_Nawwara** · 20-02-2009 12:19 AM

المسامير المقصودة هي المشار اليها بالأسهم السوداء في الصورة

**NaderNabil** · 20-02-2009 12:20 AM

هي مش البطيخة....هي اسمها البطاحة.:)..

و ده الجزء اللي موجود في حوض السيارة فوق العجل الأمامي و يتم تثبيت المساعدين فيه...

طبعاً مهم جدا تثبيت المساعدين بال 3 مسامير دول...و إلا هاتسمع خبط و ترزيع لأن المساعد هايبقي سايب من مكانه

و المسامير دي بتتباع عند بتوع قطع الغيار...و لونهم بيبقي دهبي

**samirayad** · 20-02-2009 12:21 AM

المسامير دى يا أخى لتثبيت الركبه نفسها مع بدن السياره..

-والأسم البطاحه وليس البطيخه

-والثلاث مسامير بتضمن حدوث أتصال جيد بين الركب والبدن لتعليق السياره وضمان أنتقال القوى الناتجه عن التعليق من البدن للعجل والعكس..........

-ويمكنك السير بعدد2 مسمار مؤقتا لحين توفير الصاموله الثالثه

- ويلزم أن تكون المسامير مربوطه بأحكام لضمان جودة أنتقال القوة من البدن للعجل والعكس

**Ahmad_Nawwara** · 20-02-2009 12:24 AM

أشكركم كل الشكر على المعلومات القيمه ومعذرة لكتابة الأسم خطأ .. معلش جهل مبتدئين بقى

**samirayad** · 20-02-2009 12:46 AM

المشاركة الأصلية كتبت بواسطة Ahmad_Nawwara

أشكركم كل الشكر على المعلومات القيمه ومعذرة لكتابة الأسم خطأ .. معلش جهل مبتدئين بقى

انت تأمر يا أستاذ/أحمد......ومتقولش كده....كلنا بنتعلم ياريس......

**Ahmad_Nawwara** · 20-02-2009 12:50 AM

أشكرك ياباشمهندس سمير .. كلك ذوق
معلش .. سؤال كمان !! طمع بقى .. هههههه ... ممكن امشي قد ايه كده من غير مسمار او اتنين .. وهل تركيب المسمارالمفقود صعب وفيه مشكله ... ودي شغلة العفشجي ولا السمكري ولا الميكانيكي ؟؟

**samirayad** · 20-02-2009 01:00 AM

الله يخليك....هى مش مسامير أساسا.....دى جوايط راكبه على الركب(بيتم تجميعها مع الكارتيره (الجزء المجوف اللى بتركب فيه من أسفل).....بثلاث صواميل.....

- وممكن تمش بأثنين فقط وقى أسرع وقت بتروح لأى عفشجى أو ميكانيكى يركب صاموله.....أنما ما أنصحكش تمشى بواحده فقط لأن ممكن تعمل مشاكل وتبوظ الجوايط وتبقى ليله.................

**Ahmad_Nawwara** · 20-02-2009 01:05 AM

أشكرك جدا ومش عارف اقول لك ايه !!
الوضع بالضبط عندي كالآتي : كل بطاحه بها المفروض ثلاث مسامير ومحكومين بصواميل .. انا عندي واحده مش موجوده يمين وواحده مش موجوده شمال ( المسمار والصامولة ).. يعني الباقي اتنين واتنين .. برضه كده خطر ؟؟
رحت لعفشجي من مده وهول لي الدنيا .. وقال دي حكايه وموال وعايزة شغلانه ؟؟ صح الكلام ده ؟؟

**samirayad** · 20-02-2009 01:13 AM

المشاركة الأصلية كتبت بواسطة Ahmad_Nawwara

أشكرك جدا ومش عارف اقول لك ايه !!
الوضع بالضبط عندي كالآتي : كل بطاحه بها المفروض ثلاث مسامير ومحكومين بصواميل .. انا عندي واحده مش موجوده يمين وواحده مش موجوده شمال ( المسمار والصامولة ).. يعني الباقي اتنين واتنين .. برضه كده خطر ؟؟
رحت لعفشجي من مده وهول لي الدنيا .. وقال دي حكايه وموال وعايزة شغلانه ؟؟ صح الكلام ده ؟؟

هى فعلا موال......وحيضطر يحل الركبتين ويصرف بأى شكل لتركيب الناقص.......وللأمانه أنصحك بعمل اللازم.......علشان تبقى مسافر بالعربيه وأنت مطمن.....لأنه ببساطه حيضطر أنه يفور الجزء اللى مقطوم القدبم بشنيور ويركب مسمار وممكن يلحمه من عند الطبق من تحت......وبعد كده حيساوى مكان اللحام ....ويركب وبكده حيبقى موجود ثلاث جوايط ....يركب عليهم التلت صواميل....

الموضوع: مافائدة هذه المسامير ؟؟؟؟؟؟؟؟؟؟؟

LinkBack

أدوات الموضوع

عرض

مافائدة هذه المسامير ؟؟؟؟؟؟؟؟؟؟؟ - انشر الموضوع فى :

-

-

-

-

-

المواضيع المتشابهه

مافائدة ذراع ال bc؟

مافائدة القرآن ؟؟؟؟

مافائدة هذه المفاتيح في الفيكترا ... صورة

مافائدة الفرامل المدعومة abs

مافائدة الفرامل المدعومة abs

الكلمات الدلالية لهذا الموضوع

المفضلات

المفضلات

ضوابط المشاركة