عندى اقتراح يا جماعة
ياريت كل الى يشترى عربية مستعملة
يقولنا اشتراها ازاى و بكام وفين
يعنى معلومات عنها وعن حالتها
عشان الى عايز يبيع عربيته والى عايز يشترى
يكون على دراية تامة بسعر السوق دائما
ونقدر نفيده بسعر العربيةالمباعة او المشتراه:U_thin1[1]:
عرض للطباعة
عندى اقتراح يا جماعة
ياريت كل الى يشترى عربية مستعملة
يقولنا اشتراها ازاى و بكام وفين
يعنى معلومات عنها وعن حالتها
عشان الى عايز يبيع عربيته والى عايز يشترى
يكون على دراية تامة بسعر السوق دائما
ونقدر نفيده بسعر العربيةالمباعة او المشتراه:U_thin1[1]:
فكرة كويسة بس يا ريت الناس تتفاعل مع الموضوع
فكرة حلوة فعلا وممكن تفيد ناس كتير
بارك الله فيك
جميله الفكره وياريت تتنفذ
شكرا لكل الاعضاء الى عجبتهم الفكرة
وياريت زى ماقالوا كلنا نتفاعل مع الموضوع
ونحاول ننفذه
السلام عليكم
موضوع جميل
وهبدأ انا معاكم
اشتريت فيات تمبرا 94 ايطالي 1600 كامله مانيوال
كل حاجه شغاله ماعدا التكيف محتاج شحن
العربيه فيها كام خبطه من برا خفاف وشويه خربشه بسيطه في الدهان
الموتور جيدا جدا بس لاحظت عليه بعد الشراء انه محتاج تظبيط كربراتير وحاجات تانيه
العربيه فيها رخصه سنتين الا كام شهر
عموما الحاله تعتبر جيده الي جيده جيدا في بعض الحاجات
عموما اشتريتها ب 34 الف وصرفت عليها بتاع 400 جنيه تظبيط وكماليات
وهيا عربية حمايا وعارف تاريخها وهيا كانت بقالها معاه سنتين علشان كده عارف عيوبها
عموما انا اخدتها بسعر السوق يعني لو كان هيبيع لحد غريب كانت هتبقي بنفس الرقم
اعتقد دي كل التفاصيل
وأي سؤال تحت امركم
مبروك ليك وربنا يبارك ليك فيها
ايه يا شباب
واحد بس الى اشترى فى المنتدى ده كله
على كده يبقى فى ازمة فعلا وفى المستعمل كمان
او الناس مكسلة تشارك
:b4_388::b4_388::b4_388:
فين المشاركات يا شباب
سلامى لكل الشباب
انا اشتريت من 10 أيام عربية لانسر كريستالة 99
دواخل فابريكة و رشة برة وحالتها ممتازة موتور92% جنوط وكاسيت سي دى و الفرش الداخلى معقول
بــ 48000 و صرفت عليها حوالى 2000 جمية تظبط عشان تبقى على مزاجى صح
وانا اشتؤتها عن طريق موقع كار مصر اتصلت بصاحبها و رحت شفتها وربنا الحمد لله وفقنا ليها
واحد صحبى جاب ميجان 2007 لقطة وماشية40000كم وكاملة طبعا بنوراما
وجبها ب88000جنيه والعربية نظيفة جدا جدا