ما هو نظم ال Ebd

**eslam_wega** · 20-02-2009 01:51 AM

اية نظام EBD ده لان لقيته مش موجود فى جين 2 2009 على عكس 2008 يريت الى يعرف يقولنا يا جماعة

**khpopo** · 20-02-2009 02:09 AM

استاذى موجود فى جين2 2009 وهو نظام بيوزع زيت الفرامل حسب الحاجة واحتكاك وميل العجلة او ارتفاعها عن الاخرة حتى تكون الفرامل فى ملفات او طرق غير مستوية بثبات وتحكم ودة بالمختصر
ربنا يوفق

**eslam_wega** · 20-02-2009 02:39 AM

اصل لسة كانت قارى الموضوع ده
http://www.nilemotors.net/Nile/showthread.php?t=44556

وكان بيقول ان مش فيها النظام ده
شكرا على التوضيح لان كانت ديما اسمع عن النظم ده ومش عارف بتاع اية

**saidbakr** · 20-02-2009 02:56 AM

شوف يا عزيزي :
Ebd تقدر تعتبره زي Abs بس فيه فرق جوهري، إن Abs يشتغل فقط لما حضرتك تدوس فرامل، أما Ebd فهو بيشتغل تلقائي من غير ما تدوس فرامل، و وظيفته، إنه لما يلاقي العربية بتعوم عن خط سيرها (وده بناء عن اتجاه عجلة القيادة) يبدأ النظام ده بتطبيق مقادير من الفرامل على عجل العربية علشان يستردها الى خط السير الطبيعي.

حاجات ذي دي ممكن تحصل، مثلا لو انت قارص على العربية و جت ناحية من العجل على الرمل بتاع الطبان في الطريق، دي ممكن تخلي العربية تعوم، هنا يبدأ شغل Ebd من غير حضرتك ما تدوس فرامل خالص.

او مثلاً لما تبقى ماشي على 90 او 100 و تنتش العربية فجئة يمين او شمال، عندها برضو Ebd يشتغل علشان يمنع التعويم.

هذا و الله أعلم.

**blazer** · 20-02-2009 03:08 AM

لا اعتقد انه بشتغل لوحده
Ebd= Electronic brake force distribution
اى نظام نوزيق قوه الفرامل الكترونيا على العجلات الاربعه
ودا بيتم عن الضغط على دواسه الفرامل بيوزع قوه الفرامل على ال 4 عجلات لجعل السياره تتوقف فى اقل مسافه
يعنى بلبدى كدا النظام دا بيوفر لنا افضل استغلال لطاقه الفرامل
ودا بيظهر لو انت محمل العربيه قوه الفرامل فى العجلات الخلفيه بتزيد ودا لان الظام بيخلى الفرمله فى العربيه فى العجلات الخلفيه اقوى من المعتاد
لان فى العادى العجلات الخلفيه مبتفرملش الا بقدر ضعيف لان لو فرملت بمقدار قوى العربيه ممكن تلف منك بعكس لما بيكون فى وزن فى العربيه

**tutankhamoun** · 20-02-2009 08:55 AM

المشاركة الأصلية كتبت بواسطة blazer

لا اعتقد انه بشتغل لوحده
Ebd= Electronic brake force distribution
اى نظام نوزيق قوه الفرامل الكترونيا على العجلات الاربعه
ودا بيتم عن الضغط على دواسه الفرامل بيوزع قوه الفرامل على ال 4 عجلات لجعل السياره تتوقف فى اقل مسافه
يعنى بلبدى كدا النظام دا بيوفر لنا افضل استغلال لطاقه الفرامل
ودا بيظهر لو انت محمل العربيه قوه الفرامل فى العجلات الخلفيه بتزيد ودا لان الظام بيخلى الفرمله فى العربيه فى العجلات الخلفيه اقوى من المعتاد
لان فى العادى العجلات الخلفيه مبتفرملش الا بقدر ضعيف لان لو فرملت بمقدار قوى العربيه ممكن تلف منك بعكس لما بيكون فى وزن فى العربيه

معلش حضرتك ترجمت الأسم مظبوط إنما الشرح يحتاج إلى اعادة .
هذا النظام ليس لتوقيف السيارة في أقل مسافة

نظام EBD
هو لتوزيع قوة الفرامل بالتساوي بين العجلات الأربعة
يعني لو عجلة عدد لفاتها أكثر من عجلة أخرى فيقوم بفرملة أقوى في هذه العجلة ليكون الفرملة متساوية ما بين الأربع عجلات مما يقلل أحتمال أن السيارة تلف حول نفسها .
يبقى الخلاصة
أن العجلات الأربعة لازم يفرملوا كلهم بسرعة واحدة و إلا حدث خلل في عملية التوقف و أنحرفت السيارة عن مسارها أو لفت حول نفسها

و النظام ده موجود في كل موديلات الجين 2 و حتى 2009 حسب كلام البروشورات الخاصة بعز العرب

و هذا للتوضيح و أرجوا أن يكون مفيد للجميع
مع تحياتي يا أستاذ
بلازر