تجربتى السيئة فى التأمين مع الجمعيــة
طبعا بعد الي حصل معايا اليومين الي فاتو خلااااص بخ كدة الجمعية
مش ممكن البجاحة الي هما فيها
مفيش اي حاجة بتخلص الا بفلوس
بعد الموضوع دة انا امنت في اليانز مصر " هي اي نعم فلوسها غالية شوية بس بعد التجارب مع بعض الاقارب احسن منها بكتيييير "
الموضوع كلة ان العربية كنت عملت بيها حدثة صغيرة و كانت الخساير ك الاتي
رفرف متطبق
الشبكة الي تحت مش الاساسية
فوج لايت
اكصدام
المهم رحت عملت محضر و خدت صورة المحضر و رحت علي مقر الجمعية عشان اعمل اخطار
اول مفاجاة
الموظف :لا المحضر دة ماينفعش احنا عايزين محضر س و ج
حاضر
رجعت القسم تاني جبت الزفت الي هما عايزينة و رجعت تاني
الموظف:لا لازم تجيب كشف تلفيات
طيب يا ابن التيييت مقلتش ليه اول مرة
رجعت القسم تاني جبت الزفت الي هما عايزينة و رجعت الشركة
قدمت الورق
المظف :لازم حضرتك تصورلنا دول 4 نسخ اطلع ال 9 صور و انزل
و يادي النيلة الاسانسير عطلان
هوب عملت شوية رياضة و طلعت الدور التالت
ممكن اعرف مكان التصوير
واحد :لا حضرتك دة في الدور السابع
هوووووب نزلت تاني و صورت اخييرا و ضربو علي باقي 10 جنية بس مش مهم المهم اخلص و خلاص
رجعت تاني
سلمت الورق الموظف بقي بيقولي حضرتك دور علي المهندس محمد جاد ينزل يشوف العربية معاك
نعم يا خويا مين الي يشوف مين
الموطف : معلش دور علية
اتصلت بساعدة البيه الموبايل مقفول فيييين بعد ساعتين رد
اتفقنا اننا هنتقابل عند الي هصلح عندة
انا كنت اخترت ورشة الادهم بتاعة وائل علي الي في الحرفيين و هو معرفة كدة بس علي خفيف
المهم رحت المهندس جة صورة العربية و طبعا قبض 150 جنية عشان يخلص
العربية دخلت قعدت تتصلح 3 اسابيع في رد رفرف ع البارد و تغير اكصدام و فوج و شبكة يعني حاجات ما تخدش يومين
انا كنت اتفقت مع وائل دة انة هيصلح العربية و بعدين يستلم الشيك هو من الشركة
العربية خلصت طبعا كل الكلام الي فيها ميكمليش 3500 جنية لقيتة عامل الفاتورة ب 8500 جنية ليييييييييييه يا عم قالي عشان هما بيخصمو من الفلوس فلازم ازود عشان لما يخصمو اخد فلوسي كاملة و لقيتة كاتب في البيان التفصيلي انة تم تغير مقصين و ريداتير و عفشة و حاجات غريبة مع ان الخبطة في الجنب اليمين قدام
و كل دة عمال ادور علي الي اسمة محمد جاد دة عشان يجي يعاين " الي عرف انة هيقسم الفلوس الي هتطلع زيادة مع وائل مع اني مستحرم الموضوع جداا و مش عارف اعمل ايه " قافل موبايلة و كل دة مش عارف اوصلة فين بعد 3 ايام فتح الموبايل اخيرا و رد و جي صور العربية و قبض تاني طبعا
و ما بالك في البهدلة بقي و انا بودي الورق عشان اصرف الشيك
لا معرفش ايه و ايه
و الشيك مش هيتصرف قبل شهر!!!
طبعا كدة اثبتت انها شركة زبالة و انا سبتها و رحت اليانز مصر
من الحاجات الي خلتني اغير و انا هناك في الورشة جت عربية مازدا 3 2009 فيها خدش في الرفرف من النوع الي بناخدة كل اسبوع في العربية لا و المهندس بتاع المعاينة مش قال رش الرفرف دة قال غيرة :8954[1]::K_crying[1]: و تم صرف الفلوس في الحال حتي قبل ما يتم الشغل في العربية
دة كفاية منظر الشركة و انا بخلص البوليصة و كمان شكل الموظفين اختلاف 180 درجة ما بين الجمعية و اليانز
بجد ربنا يتوب عليكم و يرحمكم من العذاب دة