لمبة البطارية المفروض بتنور مع الكونتكت وبعدين بتطفى عندى اللمبة بقالهايومين مبتنورش بصيت على الجاك بتاع الدينمو لاقيتة راكب وبصيت على الفيوزات السؤال هى اللمبة ليها فيوز غير بتاع لمبة الزيت لمبة التبلوة سليمة:U_thin1[1]:
عرض للطباعة
لمبة البطارية المفروض بتنور مع الكونتكت وبعدين بتطفى عندى اللمبة بقالهايومين مبتنورش بصيت على الجاك بتاع الدينمو لاقيتة راكب وبصيت على الفيوزات السؤال هى اللمبة ليها فيوز غير بتاع لمبة الزيت لمبة التبلوة سليمة:U_thin1[1]:
الصراحه أنت بتجيب أسئله محمله ولازم الواحد يفكر كويس قبل ميرد عليك....................-طبعا كل اللى أنا قولته علشان أنت بتقول اللمبه سليمه (يعنى أنت عاينت اللمبه).......وده كله أجتهاد للتفاعل معاك ....وأنا فعلا لم أحتك بالموضوع ده من قبل ....بس حبيت أفكر معاك.....ولو أننى أفضل أنك برضه تغير اللمبه فى الأول(لأن ممكن تكون قواعد التوصيل بتاعتها هى اللى مش كويسه....وممكن برضه تكون اللمبه عاوزه تتأمن كويس فى التركيب)...........................أمني اتى لك بالوصول لسبب العيب-دايرة الشحن بتحتوى على مصباح تحذير(اللمبه اللى فى التابلوه)....بتنطفىء عندما يكون جهد الشحن اللى خارج من الدينامو أكبر من جهد البطاريه.....علشان كده بيكون فيه وحدة تحكم فى الدايره(زى كتاوت أو ريليه)....بتنظم الموضوع ده-علشان كده الليله اللى عندك ليها أحتمالات.........-أولا ممكن يكون السلك اللى رايح من الكونتاكت لاناره لمبة التحذير فاصل أو مهوى شويه (علشان كده اللمبه مبتنورش)-أو برضه اللى رايح من البطاريه للكونتاكت والخاص بامداد اللمبه بالكهرباء فى البدايه-او وحدة التحكم (الريليه)تالفه وفاتحه على طول ....وممكن تلاقيها فى علبة الفيوزات......
يابشمهندس كلامك منطقى بس اللى بيحصل عندى فى العربية من 3 اسابيع هو اللى مش منطقى اما بقا بخصوص اللمبة لما اهز الكبل اللى راكب فى علبة الفيوزات بتشتغل
ماهو الكبل ده اللى بيغذى كهرباء من البطاريه فى البدايه لتغذية الريليه اللى بأقول عليه بالكهرباء فى البدايه................-أنت محتاج كهربائى يعيد تأمين رباط الطرف ده بالذات على دخول الكهرباء لعلبة الفيوزات(يعنى مطلوب تعيد تأمين أتصال الكبل ده بقاعدة توصيل الكهرباء للريليه)........
للريليه؟ يعني ايه الكلمة دي؟؟؟
انا عندى مشكله شبه دى وهى ان اللمبة سعات بتنور وساعات لاء اعمل اية؟
relay =كتاوت
شوف الحاله اللى تحت دى ممكن يكون الكتاوت أو الريليه نفسه مهزوز مكانه فى علبة الفيوزات.......وساعات بيوصل وساعات بيحصل فصل مؤقت......وممكن تكون حالة سير الدينامو عندك مش كويسه (على أساس واضح أن التناوب فى أضاءة وطفى اللمبه بيتم عندك والعربيه دايره ....يعنى ممكن بيحدث تفويت مؤقت فى السير برضه بسبب أنه بقى ممسوح شويه مثلا وممكن يتزحلق فى بعض الأحيان من على الطنابير )......وأعتقد برضه يا أبو حميد حتلاقى الدريكسيون عندك تقيل شويه (لأن الباور والتكييف فى النوبيرا بيستخدموا نفس السير)أو ممكن تكون كفاءة التكييف مش كويسه.....- بمعنى لوفيه حاجه من ملاحيظ الباور والتكييف بتحصل معاك يبقى المشكله فعلا من السير بتاع المجموعه كلها.............دا على قدر ما أستطعت من تحليله وبرضه الله أعلى وأعلم........
الحاله هنا للأشاره فقط وبالتالى عملت أقتباس متعدد.............:S_thum1[1]:
انا حصل عندي نفس المشكله بس اللمبه ما كنتش بتنور خالص ولا مع الكونتكات في الاول
العيب طلع من كتاوت الدينمو نفسه
غيرته بواحد استيراد الدينمو كله
خلي بالك البطاريه عندي باظت علشان الدينمو كان بايظ فالحمل كله علي البطاريه ومفيش حاجه بتشحنها تاني
ومن اعراض المشكله ديه برضوا العربيه بتدور بصعوبه ولو منور نور العدادت تلاقيه بيتسحب جامد لما تيجي تدور
الف شكر يابشمهندس انا فعلا البور عندى بقى يعمل حاجات غريبة واصوات غريبة اول لما اشغل العربية الصبح لازم امشى شوية عشان الصوت يروح وانا على فكرة مغير الدينامو بواحد استيراد بسبب الحركة دى وبردة لسة اللمبة ساعات تنور وساعات لا
يعنى ممكن اجى افتح الكونتاكت الاقى اللمبة منورة ادور العربية شوية وابطل واجى افتح الكونتاكت تانى الاقى اللمبة مطفية يعنى بتشتغل بمزاجها.
معلش وجعت دماغك
شكررررررررررا
.....أدام بمزاجها كده ياأبوحميد.....يبقى دى تعليقه ريليه (كتاوت التحكم فى آداء لمبة تحذير الشحن )......أفتح علبة الفيوزات وهز الكتاوت ده كويس وأمن أتصاله بقاعدته فى العلبه وجرب وشوف وأنا فى أنتظار ردكاقتباس:
[COLيعنى ممكن اجى افتح الكونتاكت الاقى اللمبة منورة ادور العربية شوية وابطل واجى افتح الكونتاكت تانى الاقى اللمبة مطفية يعنى بتشتغل بمزاجها.OR="Blue"]
[/COLOR]