نتكلم شوية عن سكودا رومسترRoomster

**د.محمد الشيخ** · 19-03-2009 08:04 PM

المشاركة الأصلية كتبت بواسطة halloween

الف شكر على الرد يا دكتور
اتمنى تكون متأكد من موضوع ال 10 الاف
لان على حد علمى فى الفولكس على الاقل بتبقى اول صيانة عند 5 الاف

و ربنا يباركلك فى العربية

ربنا يكرمك ويباركلك وبالنسبة لأول صيانة فهى بالفعل عند 10 الاف وعلى فكرة ده كان مسار نقاش بينى وبينهم عند استلام العربية على اساس ان 10 الاف كتير فكان ردهم انه المفروض تبقى كمان عند 15 الف لكن عشان جو بلدنا والطرق الجميلة !! نزلوا بيها ل 10 الاف عشان يكونوا فى الامان .
ولما قريت الكتالوج اتاكدت من الكلام ده .
ولما سالتهم عن نقطة ان اول الف كم الموتور بيبقى فى التليين والزيت بيلم بلاوى فى الفترة دى وبيحتاج تغيير سريع بعد اول الف كم كان ردهم ان ده مش مع عربيات سكودا اللى بتخرج مواتيرها من المصنع متلينة وجاهزة وبيتم تزويد الموتور بزيت من نوعية خاصة تمشيه 15 الف فى الاجواء العادية و10 الاف فى الاجواء الاكثر قسوة مثل بلدنا الحبيبة وممكن توصل الى 7500 كم فى الظروف الشاقة جدا .

وبعدين الاوكتافيا مثلا لو بصيت لجدول الصيانة بتاعها وهى عربية موجودة فى السوق من زمان وهى جديرة بالاحترام حتلاقى انه عند ال 5 الاف مفيش صيانة تقريبا وكل اللى بيحصل بيبقى فحص روتينى للعربية اللى عادة بيقتصر على فحص اى شكوى للعميل ان وجدت واول صيانة فعلية من تغيير الزيت والفلتر بتكون عند ال 10 الاف .
وهم الحقيقة قالولى ان الموعد الروتينى لاول صيانة هو ال 10 الاف ولكن طبعا لو فى اى شكوى من اى شىء يبقى اقدر ازورهم فى اى وقت .
يعنى فرضا انك عند ال 5000 الاف حسيت باى قلق او صوت غريب من الموتور او العفشة او انك قرصت على العربية والعفشة حاسس انك عايز تربطها او او الخ فمن حقك تزورهم وتعمل ده .

وبينى وبينك بقى التوكيل من مصلحته يجيبك الصيانة كتير يعنى يعملك عند الالف وعند ال 5 وعند ال 10 واهو كله شغل ليهم فلما التوكيل بلسانه يقولك متجيش قبل 10 الاف او سنة ايهما اقرب يبقى ده لسببين ليس لهم ثالث :
1- عربية تمام وخارجة من المصنع متجهزة صح .
2- توكيل ماشى حسب تعليمات الشركة الام ومش عايز يشتغل عميله هنا .

على فكرة مش بلمح لاى حاجة تخص العربيات اللى عندها صيانة تبدأ من الالف كم على الاطلاق لانها من الاخر سياسة ورؤية المصنع الاجنبى اللى التوكيل بينفذ تعليماته .
وكل مصنع ادرى بطبيعة العربية اللى بيخرجها .

وتحت امركم فى اى استفسار

**bondok1978** · 20-03-2009 01:56 PM

هي roomster basic ثمنها كام

**abou_ruqi** · 20-03-2009 02:10 PM

المشاركة الأصلية كتبت بواسطة bondok1978

هي roomster basic ثمنها كام

87 الف كاملة مانيوال

**semihuman** · 20-03-2009 06:57 PM

ياجماعه هل حد عنده توقع السعر ده هيثبت كده ولا هيغلي؟

**amrsabet** · 21-03-2009 01:48 AM

الى الاخ العزبز اللى عنده رومستر كومفورت انا كان ليا استفسار هوا السقف الزجاج الثابت بيدخل شمس على طول ولازى الفامية الاسود بيقلل من الضوء اللى داخل العربية - تانى استفسار وانا اسف للاطالة هوا السقف لاقدر الله يستحمل طوبة لووقعت علية بعنى زى السقف العادى ولا ضعيف زى الزجاج الامامى للعربية ممكن يكسر .

**halloween** · 21-03-2009 06:42 PM

المشاركة الأصلية كتبت بواسطة amrsabet

الى الاخ العزبز اللى عنده رومستر كومفورت انا كان ليا استفسار هوا السقف الزجاج الثابت بيدخل شمس على طول ولازى الفامية الاسود بيقلل من الضوء اللى داخل العربية - تانى استفسار وانا اسف للاطالة هوا السقف لاقدر الله يستحمل طوبة لووقعت علية بعنى زى السقف العادى ولا ضعيف زى الزجاج الامامى للعربية ممكن يكسر .

فى الكتالوج بتاعها على موقع سكودا مكتوب
4. The panoramic roof is made of laminated
glass, which prevents excessive heat inside the
car while also protecting you from ultraviolet
rays. The 0.82m2 glass area amplifies the feel of
airiness and spaciousness. If needed, the entire
glass area can be shaded from inside using two
roller blinds

الزجاج مصفح - و يمنع الحرارة و الاشعة فوق البنفسجية - و يوجد 2 ستارة داخلية زى ال black out للتظليل الكامل عند الضرورة لكن مش قايلين ان الزجاج فيميه

حجم الملف اكبر من ان يحمل فى المرفقات
فانا حملته على Rapid Share
http://rapidshare.com/files/21185525...e_ENG.pdf.html
ودى اللينك

**amrsabet** · 21-03-2009 11:58 PM

انا شاكر لرد حضرتك بس هوا فية عندك اتنين اتنين رول بار بيتقفلوا

**halloween** · 22-03-2009 02:34 AM

المشاركة الأصلية كتبت بواسطة amrsabet

انا شاكر لرد حضرتك بس هوا فية عندك اتنين اتنين رول بار بيتقفلوا

اترك الرد للاخ dr_druggist لانى ماعنديش العربية انا ذكرت فقط المكتوب فى الكتالوج

**د.محمد الشيخ** · 23-03-2009 12:11 AM

المشاركة الأصلية كتبت بواسطة amrsabet

الى الاخ العزبز اللى عنده رومستر كومفورت انا كان ليا استفسار هوا السقف الزجاج الثابت بيدخل شمس على طول ولازى الفامية الاسود بيقلل من الضوء اللى داخل العربية - تانى استفسار وانا اسف للاطالة هوا السقف لاقدر الله يستحمل طوبة لووقعت علية بعنى زى السقف العادى ولا ضعيف زى الزجاج الامامى للعربية ممكن يكسر .

اهلا وسهلا بحضرتك واعتذر عن التاخير فى الرد.
فتحة السقف البانوراما هى فاميه بالاضافة الى 2 رول بار لمنع الاضاءة او الشمس عند الحاجة كمان الكمفورت بينزل فيها الزجاج الخلفى فاميه .
طبعا زجاج البانوراما زجاج قوى وده كان محل استفسار منى عند زيارة المعرض لاول مرة فاكدولى انه قوته اكتر من قوة زجاج النوافذ العادية .
واى استفسار انا فى الخدمة

**semihuman** · 23-03-2009 10:20 AM

ايه اخبار استهلاك البنزين؟؟؟
وايه كمان اخبار التكييف؟؟ دول حجتين مهمين
وايه اخبار صوت السماعات
(خصوصا ان المانويال بتنزل بسمعتين بس هل صوتهم قوي؟؟)
انت عندك اربع سمعات لو صوتهم كويس يبقي احتمال اتنين يكونو صوتهم مقبول!!
وشكرا