تجربتى مع الدفع الامامى والخلفى
السلام عليكم ورحمة الله وبركاته
بقالى حوالى 7 شهور بسوق دفع امامى (ريتمو) ودفع خلفى(شاهين) وده ملخص تجربتى معاهم
اولا : من ناحية الثبات طبعا الشاهين تكسب على الرغم انى معليها اوى ومركب علايات وسوست 132
ثانيا: النعومة الريتمو تكسب لانها انعم بكتير من الشاهين
ثالثا : صوت الموتور طبعا الريتمو اهدى من الشاهين بكتيير
رابعا :فى التسارع الشاهين تكسب لانها احدث وموتورها اكبر من الريتمو
خامسا: السرعه الشاهين طبعا لان برضه موتورها اكبر بس الريتمو بالنسبه لموتورها سرعتها معقوله جدا
سادسا : لو فى رمال او مياه او زيت الريتمو بتصدق تلاقى حاجه زى دى وبتتلكك علشان تتزحلق اساسا بعكس الشاهين تماما لدرجة ان الريتمو ممكن لو طلعت امريكانى بيها تلف لوحدها وساعات فى الملفات بتلف وتتزحلق لو الاسفلت ناعم اوى
سابعا: الشاهين بتغرز بسهولة عن الشاهين فى الرمال او الطين !!!!!! والريتمو صعب انها تغرز لانها بتعتمد على السحب وليس على الدفع
ثامنا : من ناحية السير فى الزحمه الريتمو بتعمل غرز وتعدى بيها بسهوله لانها صغيره وهاتشباك
تاسعا: الشاهين مريحة جدا عن الريتمو (الاصل طبعا)
عاشرا : بالنسبه للمطبات العاليه والحفر فطبعا ملهاش غير الشاهين
وعلى الرغم من ان صالون الريتمو اوسع من صالون الشاهين الا اننا بنفضل الشاهين عنها فى معظم المشاوير وانا عن نفسى مبحبش اركبها (الريتمو) لان الكبالن بتبوظ بسهوله من الملفات وببقى حاسس ان العربيه هتتقسم نصفين فى اى وقت !!!!!!!!!!
بس هى دى ملاحظاتى
اه نسيت اعطال الريتمو اقل من اعطال الشاهين!!!!!!!!!!!
نقل لمنتدى المقارنات بمعرفتى
مشرف المنتدى العام